Juan 12:49 - Ya Baru nga Tulag

⁴⁹ Ta no agkagi yac, bekken nga tumaud iya kabucbukudac nga turay, no di lugud gayat iya Ama nga nangibon iyaken. Ta igina ya nangbilin iyaken no nagan ya kagiyec se̍ ibagac.

Juan 12:49 Iomraidhean Croise

Juan 14:10

Madi ka kad pekkem patiyen nga naitipun nac iya Ama, se̍ ya Ama, naitipun pe̍ iyaken? Ket diya kagkagiyec dakayu, bekken nga tumaud das iyaken. Ta ya Ama nga agedyan iyaken, igina ya mangibilin iyaken kadiya ipawangel na iyaken.

Juan 14:24

Ngem ya madi agayat iyaken, madi ngarud agtungpal kadiya kagic. Ket ya kagic nga ipacpakaemmuc dakayu, bekken met nga tumaud iyaken, no di lugud tumaud iya Ama nga nangibon iyaken.

Juan 14:31

ngem mapasamac ngas didi iyaken tasun maemmuwan diya toltoley iya lubung ngi nga ayatec met nga tutu ya Ama, se̍ tungpalec ngarud diya amin nga ibilin niya Ama iyaken. “Ala, pumanaw tida idi nin,” kunen na.

Juan 15:15

Dikad pe̍ manipud ita, bekken nga agsirsirbi yin ya pangawag ku dakayu. Ta ya agsirsirbi, madi na met emmu diya pangpanggeppen niya amu na. Ngem no dakayu, awagan nakayu ka gagayyem, ta amin nga nibaga niya Amac iyaken, nipakaemmuc met dakayun.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 3:11

Pudnu met yani nga ibagac ikew: Ya emmu mi, itu was ya kagkagiyen mi. Ket ya nasingen mi, itu was ya ibagbaga mi. Ngem dakayu, madi kayu met patpatiyen ya ipakaemmu mi.

Juan 3:32

Ket igina, ipakaemmu na ya nasingen na se̍ nagicna na. Ngem awan met umawat iya ipakaemmu na.

Juan 5:19

Itu nga kinunen ne̍ Je̍sus kadito pangpangulu diya Hudyu, “Pudnu met yani nga ibagac dakayu: Awan mawangel niya Anac nga bucbukud na. Ya masingen na nga wangwanglen niya Ama na, itu ngas ya mawangel na. Ta ya orey nagan na nga wanglen niya Ama, itu met ya tuladen niya Anac.

Juan 5:30

“Ket iyaken, awan mawangel ku nga kabucbukudac, no di lugud sigun nas iya ibaga niya Ama iyaken ya panangukum ku. Ket itu nga nalinteg ngas ya panangukum ku, ta bekken nga ya tarigagay ku ya wanglec, no di ngas ya gabay niya nangibon iyaken,” kunen ne̍ Je̍sus.

Juan 6:68

Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi.

Juan 7:16

Itu nga kinunen ne̍ Je̍sus igida, “Bekken nga agtaud iyaken diya isursuruc, no di lugud gayat iya nangibon iyaken.

Juan 8:26

Ket no maipanggep dakayu, adu ngarud ya makagic se̍ maipabasul ku. Ngem ya ipakaemmuc dakayu nga toley idi nga lubung, yan nas ipakagi niya nangibon iyaken. Ket napudnu ngarud met ya nangibon iyaken,” kunen na.

Juan 8:28

Dikad pe̍ kinunen manin ne̍ Je̍sus igida, “No maibayug nu nad ya Anac nga Naipatoley, maemmuwan nu nad mettasin nga iyaken ya uwed nga sigud. Ket maemmuwan nu pe̍ yin nga awan wanglec nga kabucbukudac, no di lugud kagkagiyec ngas ya nisuru niya Ama iyaken.

Juan 8:42

Ngem kinunen ne̍ Je̍sus igida, “No tutu mettas nga e̍ Apu Diyus ya ama nu, ayaten dac met pe̍ kuma. Ta e̍ Apu Diyus met ya naggayatac. Ket iya agten iyan, nagparang ngac idi nin. Madic inumbe̍t gapu was iya bukud ku nga panpanunut, no di lugud nibon nac nge̍ Apu Diyus.

Paltiing 1:1

Idi nga surat, ket nakailaunan dito nipaltiing ne̍ Je̍su Kristu. Ket nipakaemmu ne̍ Apu Diyus igina didi, tasun ipakaemmu na kadiya agsirsirbi igina diya mapasamac iya di mabayag. Ket e̍ Kristu, nibon na ya anghe̍l na nga mangipakaemmu kadidi iyaken nga Juan, nga isa nga agsirsirbi igina.