Juan 12:48 - Ya Baru nga Tulag

⁴⁸ Ngem uwed ngarud met isa nga pangukum kadiya toley nga agmadi iyaken se̍ madi mamati iya kagic. Ya pangukum kadiya madi mamati, ket itu mettas diya kagi nga nibalikas ku. Ta diya kagic nga nipalawag ku, itu met ya pakaukuman da nad iya kaodiyan nga algew.

Juan 12:48 Iomraidhean Croise

Matyu 10:15

“Ket ibagac dakayu ya kinapudnu na, nga no timpu nad niya panangukum, nangnangruna nad nga kaasiyan ne̍ Apu Diyus dito iSuduma se̍ iGumura ngem diya toltoley iyan nga ili nga madi mangrispitar dakayu.”

Matyu 21:42

Ket kinunen ne̍ Je̍sus igida, “Kustu ya sungbat nu. Ngem no dakayu met, arig lugud nga madi kayu pekkem nabasa to naisurat iya Bibliya nga kunen na, ‘Iyan mettas nga batu nga nitemsit ngas dito nangpatdec, itu met ya nagbalin nga kangrunaan nga panuli yin. Ket gapu mettas iya pannakabalin niya Apu, itu ya nagbalinan na, ket ibilang tida ngarud nga nakaskasdaaw,’ kunen na iya Bibliya.

Matyu 25:31

“Ket no umbe̍t nad nga sidadayaw ya Anac nga Naipatoley nga maibulun pe̍ igina diya amin nga anghe̍le̍s, agtugew nad nga agari iya trunu na nga pakaidayawan na.

Markus 12:10

Arig nga madi nu pekkem nabasa to naisurat iya Bibliya nga kunen na, ‘Iyan mettas nga batu nga nitemsit ngas dito nangpatdec, itu met ya nagbalin nga kangrunaan nga panuli yin.

Markus 16:16

Ket ya mamati se̍ mabautisaran, maisalakan met. Ngem ya madi mamati, ket maukum met.

Markus 8:31

Ket nisursuru met ne̍ Je̍sus itun kadito adalan na ya maipanggep iya Anac nga Naipatoley, nga masapul nga aglak-am ka adu nga rigat. Masapul nga guraen nad pe̍ diya panglakayen diya Hudyu, se̍ diya pangulu diya agsirsirbi iya Te̍mplu, se̍ diya manursuru iya Linteg. Masapul nga mapatey nad met pe̍, ket agungar mettas kalpasan niya tellu nga algew.

Lukas 10:16

Ket kinunen ne̍ Je̍sus kadito ibon na, “Ya mangipangag dakayu, iyaken met ya tutu nga ipangag na. Ket ya toley nga madi mangdayaw dakayu, iyaken met ya madi na dayawen. Ket ya madi mangdayaw iyaken, ya nangibon met iyaken ya madi na dayawen,” kunen na.

Lukas 17:25

Ngem masapul nga aglak-am pekkem ya Anac nga Naipatoley ka adu nga rigat, se̍ guraen nad pe̍ diya toltoley iya ita nga timpu.

Lukas 20:17

Ket binubuteg ne̍ Je̍sus da, ket kinunen na igida, “No tutu nga bekken kuma nga agten iyan, nagan ngarud ya kayat na nga kagiyen to naisurat iya Bibliya nga kunen na, ‘Iyan mettas nga batu nga nitemsit ngas dito nangpatdec, itu met ya nagbalin nga kangrunaan nga panuli yin,’ kunen na.

Lukas 7:30

Ngem dito Parisiyu, se̍ dito mamasirib iya Linteg, madi da met nibilang nga gennung nga para igida to panggep ne̍ Apu Diyus. Ta igida, di da met nagpabautisar e̍ Juan itun.

Lukas 9:22

Ket kinunen pe̍ ne̍ Je̍sus igida, “Kinapudnu na, ya Anac nga Naipatoley, masapul nga aglak-am nad ka adu nga rigat. Ket guraen nad pe̍ diya panglakayen, se̍ diya pangpangulu diya agsirsirbi iya Te̍mplu, se̍ diya manursuru iya Linteg. Masapul met pe̍ nga mapatey, ket mapaungar nad mettas iya maikatlu nga algew,” kunen na.

Lukas 9:26

Tutu met nga diya toley nga mangiyalyew iyaken se̍ kadiya isursuruc, ket iyalyew nad met pe̍ niya Anac nga Naipatoley, no umbe̍t nad nga sidadayaw gapu iya mismu nga dayaw na, se̍ gapu iya panangipadayaw igina niya Ama se̍ diya nadayaw nga anghe̍le̍s.

Juan 11:24

Ket kinunen ne̍ Marta, “Bo, emmuc a, nga agungar nad iya panagungar diya natey iya kaodiyan nga algew,” kunen na.

Juan 5:45

“Ngem orey agten iyan ya kagkagiyec, madi kayu kuma ipagarup nga iyaken ya mangipilit dakayu nad iya Ama. Ta to Muyse̍s nga nangitalkan nu iya namnama nu, igina mettas ya arig nga mangipilit dakayu iya Ama.

Juan 6:39

Ket ya tarigagayan niya nangibon iyaken, itu ya madic panangipalubus nga mapukaw ya orey nagan na nga toley kadiya amin nga nitalec na iyaken, no di lugud pagungarec da nga amin nad iya kaodiyan nga algew.

Juan 8:47

No ya isa nga kameng ne̍ Apu Diyus, ipangag na ngarud diya kagi ne̍ Apu Diyus. Ngem dakayu, bekken kayu nga kamkameng ne̍ Apu Diyus, ket itu ya gapu na nga madi kayu ipangpangag diya kagi na,” kunen ne̍ Je̍sus.

Aramid 17:31

Agbabawi tida kuma ngarudin, ta uwed lalaki nga nisaad ne̍ Apu Diyusin nga mangikeddeng iya pagbanagan diya amin nga toley iya lubung. Ket e̍ Apu Diyus, nalinteg nad nga tutu yan nga pangngeddeng na. Ket emmu na pe̍ no nungey nad ya pannakapasamac niyan, ta igina met ya nakin-keddeng. Ket emmu tida nga tutu diyan, ta ne̍cde̍ ne̍ Apu Diyus ya pammanecnec na dactida nga amin, ta pinagungar na mettin to nisaad na nga mangikeddeng nad mettas.” Itu yan to patingga nito kagi ne̍ Pablu itun.

Aramid 3:23

Ket no uwed toley nga madi mangipangag nad kadiya ibaga na, maisina kadiya toley ne̍ Apu Diyus, se̍ mapukaw,’ kunen nito Muyse̍s itun.

Ruma 2:16

Ket sigun iya ikaskasabac nga Makaparagsac nga Damag, ukumen nad ngarud ne̍ Apu Diyus diya basbasul diya toley, gapu e̍ Kristu Je̍sus. Ket no iyan nad nga Timpu, itu nad met ya pannakaukum diya toltoley kadiya nalimed nga pangpanggep dan.

2 Kurintu 4:3

Ngem no uwed da toley nga nalingdan ya pannakaawat da maipanggep iya Makaparagsac nga Damag nga isursuru mi, ket itu diyan diya toley nga agturung iya pakapukawan da.

2 Te̍salunika 1:8

Uwed met pe̍ gumilgilab nga apuy nad no umbe̍t nge̍ Apu Je̍sus nga mangariman iya pakaukuman diya madi makaem-emmu e̍ Apu Diyus se̍ kadiya madi agtungpal iya Makaparagsac nga Damag maipanggep iya Apu tida nga Je̍sus.

He̍briyu 10:25

Uwed met dito duduma nga mamati nga liwayan da ya panaggigimung da. Ngem dactida, madi tida kuma ngarud nga liwayan, no di ad-adda kuma lugud nga agpipinnabileg tida, ta mailasin tida nga dumandani yin ya Timpu niya Apu.

He̍briyu 12:25

Ket itu nga annadan nu ngarudin, nga madi kayu agmadi iya panangbagbaga niya mangbagbaga dakayu itan, nga itu nge̍ Apu Diyus. Ta madi kayu kuma tuladen dito toley itun, nga madi da nalisiyan ya dusa da itun, ito nagmadi da iya nibilin niya nangbagbaga igida ito uwed da pekkem idi nga lubung. Ket no madi nakalisi ditun ito dusa da, di ngarud nangnangruna tida ita nga madusa, no agmadi tida iya ibilin niya mangbagbaga dactida ita manipud ka langit?

He̍briyu 2:3

Dikad pe̍ ita, madi tida ngarud met pe̍ makalisi iya pannakadusa tida, no liwayan tida ya panangipateg idi nga pannakaisalakan tida. Ta ya Apu nga mismu ya nona nga nangipakaemmu idi nga pannakaisalakan nga ipaay na. Ket dito nakagicna igina itun, igida mettas ya nangipanecnec dactida nga pudnu yan nga pannakaisalakan.

He̍briyu 4:12

Ipangag tida kuma ngarud ya ipakaemmu ne̍ Apu Diyus nga kagi na. Ta ya kagi ne̍ Apu Diyus, uwed met arig nga biyag na, se̍ uwed met pe̍ pannakabalin na. Ad-adu pe̍ ya kabaellan niya kagi ne̍ Apu Diyus ngem iya natadem nga ispada nga agsumbangir ya tadem na, nga maitodoc ka uneg, se̍ makaituwey iya sebbit nga edyan niya um-um se̍ pata niya tulang. Ket maiyarig ngarud met ya kagi ne̍ Apu Diyus iya agten iyan, ta gapu iya kagi ne̍ Apu Diyus, mailasin met ya uwed iya nakem niya toley se̍ ya uwed iya kararuwa na. Ket maipakaemmu pe̍ ya lemlemtan se̍ pangpanggeppen niya toley, gapu iya kagi ne̍ Apu Diyus.

1 Pe̍dru 1:5

Ket gapu iya panamati nu, aywanan nakayu nge̍ Apu Diyus gapu iya pannakabalin na patingga iya pakatungpalan niya naisagana nga pakaisalakanan tida nga maipakaemmu nad no kaodiyan nga algew.

2 Pe̍dru 3:3

Idi ya mona nga ipakaemmuc dakayu: Maawatan nu kuma nga iya kaodiyan nga timpu wi, uwed da nad mangnguyaw nga tumaud. Agtungtungpal da ngas kadiya dake̍c nga tarigagay diya begbeggi da, ket uy-uyawen dakayu nad met.

2 Pe̍dru 3:7

Ket gapu pe̍ iya kagi mettas ne̍ Apu Diyus, matungpal nad met pe̍ ya panggep na iya abac lawa se̍ lubung, ta mapooran da nad ngarud. Ngem tengtenglen pekkem mas ne̍ Apu Diyus yan nga panggep na agingga iya timpu niya panangukum se̍ panangpukaw na kadiya toley nga madi agdayaw igina.