Juan 12:47 - Ya Baru nga Tulag

⁴⁷ “Ket no maipanggep kadiya madi agtungpal kadiya kagkagic nga nagicna da, bekken nga iyaken ya mangukum igida. Ta madi yac ngarud inumbe̍t tasun ukumec diya toltoley iya lubung, no di lugud tasun isalakan ku da.

Juan 12:47 Iomraidhean Croise

Matyu 18:10

“Agannad kayu kuma ngarud tasun madi kayu kuma laisen ya isa nga agten kadidi nga tekkut nga ebbing. Ipateg nu da kuma lugud, ta kinapudnu na, diya anghe̍l da ka langit, pe̍yeng nga uwed da iya imatang ne̍ Amac nga uwed ka langit.

Matyu 18:11

[Ket ya Anac nga Naipatoley, inumbe̍t met tasun isalakan na diya napukaw.]

Matyu 20:28

Ta agten met iyan ya Anac nga Naipatoley. Madi inumbe̍t tasun pasirbiyan kuma kadiya duduma, no di lugud tasun agsirbi, se̍ tasun ipaay na ya biyag na nga pangsubbut kadiya adu nga toltoley,” kunen na.

Lukas 19:10

Tutu met yan, ta ya Anac nga Naipatoley, inumbe̍t met tasun sapulen se̍ isalakan na diya napukaw,” kunen na.

Lukas 9:56

Ket nagpatuluy ngarud de̍ Je̍sus, nga nawe̍ da ka sabali nga ili yin.

Juan 12:48

Ngem uwed ngarud met isa nga pangukum kadiya toley nga agmadi iyaken se̍ madi mamati iya kagic. Ya pangukum kadiya madi mamati, ket itu mettas diya kagi nga nibalikas ku. Ta diya kagic nga nipalawag ku, itu met ya pakaukuman da nad iya kaodiyan nga algew.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 5:45

“Ngem orey agten iyan ya kagkagiyec, madi kayu kuma ipagarup nga iyaken ya mangipilit dakayu nad iya Ama. Ta to Muyse̍s nga nangitalkan nu iya namnama nu, igina mettas ya arig nga mangipilit dakayu iya Ama.

Juan 8:26

Ket no maipanggep dakayu, adu ngarud ya makagic se̍ maipabasul ku. Ngem ya ipakaemmuc dakayu nga toley idi nga lubung, yan nas ipakagi niya nangibon iyaken. Ket napudnu ngarud met ya nangibon iyaken,” kunen na.

2 Pe̍dru 3:15

Ket ya panangipamoya niya Apu tida ita nga timpu, ibilang nu kuma nga gundaway diya toley nga maisalakan. Ket e̍ Pablu met pe̍ nga patpatgen tida nga kabsat, nisurat na pe̍ yan dakayu sigun iya pannakaawat nga ne̍cde̍ ne̍ Apu Diyus igina.

1 Juan 4:14

Ket no dakami, nasingen mi met itun ya Anac ne̍ Apu Diyus, ket ipadamag mi met nga igina ya nibon niya Ama idi nga lubung tasun isalakan na diya toltoley.