Juan 12:41 - Ya Baru nga Tulag

⁴¹ Kinunen nito Isayas yan, ta naipasingen pe̍ igina itun ya kinadayaw ne̍ Je̍sus, ket e̍ Je̍sus met ya nikasaba nito Isayas itun pekkem.

Juan 12:41 Iomraidhean Croise

Lukas 24:27

Ket iya agten iyan, nipalawag ne̍ Je̍sus igida ya banbanag nga naisurat iya amin nga Bibliya maipanggep mettas igina, nga nirugi na kadito nisurat nito Muyse̍s, se̍ nituluy na kadito kinagi dito amin nga mammadtu nga naisurat iya Bibliya.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 5:39

“Dakayu, ad-adalen nu met diya naisurat iya Bibliya, gapu ta pagarupen nu nga itu ya pakaaskuran nu iya makae̍cde̍ ka biyag nga agnanayun. Ket ya kinapudnu na, diya naisurat iya Bibliya, itu mettas diya mangipanecnec maipanggep iyaken.

Aramid 10:43

E̍ Je̍sus met to nipakaemmu dito amin nga mammadtu nga Hudyu itun, ta nipakaemmu da nga gapu iya kinaturay na, mapakawan diya basbasul diya amin nga mamati igina,” kunen ne̍ Pe̍dru kade̍ Kurne̍lyu.

2 Kurintu 4:6

E̍ Apu Diyus ya nagkunen itun nga, “Lumtuwad kuma ya wada iya gicbet,” kunen na. Ket igina mettas ya arig nga nangpawada kadiya panpanunut mi, tasun ipasingen mi nge̍ Kristu dakayu. Ket itu ya pakaemmuwan mi iya kinadayaw ne̍ Apu Diyus.

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.

1 Pe̍dru 1:11

Ginabay da ngarud nga emmuwen itun no nagan na se̍ no nungey nga mapasamac ya nipakaemmu niya Ispiritu ne̍ Kristu nga uwed igida, ito nipaipadtu na igida maipanggep iya pannakaparparigat ne̍ Kristu se̍ maipanggep iya pakaidayawan na kalpasan niya panagrigat na.

Paltiing 19:10

Itu nga nagdarongkeb bac ngarud ito sangu nito anghe̍l, tasun agdaydayaw wac kuma igina. Ngem kinunen na iyaken, “Bay-am yan! Ta kapada nac ngas nga agsirsirbi e̍ Apu Diyus. Kapada nac ngarud se̍ dito kakabsat mu nga mangipatpateg iya pudnu nga nipakaemmu ne̍ Je̍sus. E̍ Apu Diyus ngas met ya rumbeng nga pagdaydayawam!” kunen na. Ta ya pudnu nga nipakaemmu ne̍ Je̍sus, itu mettas ya banag niya ipacpakaemmu diya mangikaskasaba maipanggep igina.