Juan 12:34 - Ya Baru nga Tulag

³⁴ Ket dito toltoley, kinunen da, “Ngem kunen na met iya Linteg tida nga agbiyag kanu ka agnanayun ya Kristu. No tutu yan, ape̍ kunem mun nga masapul nga maibayug ya Anac nga Naipatoley? No tutu nga agnanayun ya Kristu, nagan ngarud nidi nga Anac nga Naipatoley nga kunem?” kunen da.

Juan 12:34 Iomraidhean Croise

Matyu 16:13

Ket ito nakadateng de̍ Je̍sus iya edyan nga uwed iya sakup niya ili nga Se̍sarya Pilipus, nagsalsaludsud nge̍ Je̍sus kadito adalan na, nga kinunen na, “Nagan na ya pangipagarupan diya toley iya Anac nga Naipatoley?” kunen na.

Matyu 21:10

Ket ito imuneg nge̍ Je̍sus iya siyudad nga He̍rusale̍min, nariribuc kin diya toltoley nga uwed iyan, nga kinunen da, “Nagan kad yani nga toley?” kunen da.

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Juan 10:34

Ngem kinunen ne̍ Je̍sus, “Malagip nu kuma to naisurat iya Linteg nu maipanggep kadito manglinteg itun, ito kinunen ne̍ Apu Diyus nga agten idi: ‘Naibilang nakayu pe̍ nga didiyus,’ kunen na met iya Linteg.

Juan 12:32

Ket no iyaken, awisec nad amin nga toley nga mamati iyaken, nad no naibayug gac kun,” kunen na.

Juan 15:25

“Ngem agten iyan ngarudin, ta itu met ya pakatungpalan nito padtu nga naisurat iya Linteg da nga kunen na, ‘Ginura dac orey awan kustu nga gapu na.’

Juan 8:28

Dikad pe̍ kinunen manin ne̍ Je̍sus igida, “No maibayug nu nad ya Anac nga Naipatoley, maemmuwan nu nad mettasin nga iyaken ya uwed nga sigud. Ket maemmuwan nu pe̍ yin nga awan wanglec nga kabucbukudac, no di lugud kagkagiyec ngas ya nisuru niya Ama iyaken.

Ruma 3:19

Ket naemmuwan tida ngarudin nga diya bilbilin niya Linteg ne̍ Muyse̍s, naipaay da ngarud kadiya Hudyu, nga itu diya nabilin. Ket iya agten iyan, nabangun ya Linteg tasun orey nagan na nga toley, Hudyu man winno bekken nga Hudyu, awan rasun na iya panangukum ne̍ Apu Diyus igina. Nabangun pe̍ tasun maemmuwan ya nagbasulan diya amin nga toley iya lubung ngi.

Ruma 5:18

Ngarud, ya pagbanagan nito is-isa nga basul, ket itu ya panangukum ne̍ Apu Diyus kadiya amin nga toley. Ngem ya pagbanagan nito is-isa nga nalinteg nga nawangel, ket itu met ya pannakaibilang diya amin nga toley nga nalinteg da. Ket iya agten iyan, mae̍cdan tida nga amin ka biyag nga agnanayun.

He̍briyu 7:24

Ngem no e̍ Je̍sus nga gennung, awan met pagpatinggaan niya saad na nga agsirsirbi, ta agnanayun met nga madi matey yin.