Juan 12:28 - Ya Baru nga Tulag

²⁸ Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 12:28 Iomraidhean Croise

Matyu 11:25

Ket itun, nagkararag nge̍ Je̍sus nga kinunen na, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na.

Matyu 11:26

Agten iyan ngarud ya wagas mu, Ama, ta itu met ya gabay mu,” kunen na.

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 26:42

Ket nawe̍ manin nge̍ Je̍sus nga nagkararag, ket kinunen na ito maikadduwa nga kararag na, “Amac, no madi mabalin nga mailisi iyaken yani nga rigat nga arig nga inumec, no di yac pekkem lak-amen ita, ket basta matungpal kuma ngas ya tarigagay mun,” kunen na.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Markus 1:11

Ket uwed pe̍ timec nga nagicna antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Markus 14:36

Ket kinunen na iya kararag na, “Ama! Amac! Mabalinam ya amin. Ipac mu kuma yani nga panagsagaba nga lak-amec, nga rigat nga arig nga inumec. Ngem bekken kuma ngarud nga ya tarigagay ku ya matungpal, no di lugud ya tarigagay mu,” kunen na.

Markus 9:7

Ket uwed met ulep itun nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Ipangag nu ngarud ya kagi na!” kunen na.

Lukas 3:22

Ket nagpasegged met igina ya Ispiritu Santu nga sibebeggi, nga umasping ka kalapati. Ket uwed pe̍ nagicna nga timec antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Lukas 9:35

Ket uwed pe̍ timec nga timaud ito ulep, nga kinunen na, “Itu yani ya Anac ku nga pinilic. Ipangag nu ngarud ya kagi na!” kunen na.

Juan 11:4

Ket ito nagicna ne̍ Je̍sus yan, kinunen na, “Madi ipatey ne̍ Lasaru yan nga sakit na. Pakaidayawan ne̍ Apu Diyus yan nga sakit na, ta gapu idi nga mapaspasamac, uwed nad met pakaidayawan niya Anac ne̍ Apu Diyus,” kunen na.

Juan 18:11

Ngem e̍ Je̍sus, kinunen na ngarud e̍ Pe̍dru, “Bay-am mun! Ibainam mas ya ispada mun. Ape̍? Di yac aya nakasagana nga mangawat iya panagsagaba nga nitalec niya Ama iyaken, nga rigat nga arig nga inumec?” kunen na.

Juan 9:3

Kinunen ne̍ Je̍sus igida, “Ya kinakulap nidi nga toley, bekken nga gapu iya basul na, winno iya basul diya naganac igina. Ngem kulap yani tasun gapu igina, maipasingen kuma ya pannakabalin ne̍ Apu Diyus.

E̍pe̍su 2:7

Ket inariman ne̍ Apu Diyus yan, tasun kadiya amin nga maadpangan nga timpu, ipasingen na ya napalaus nga asi na nga siaayat. Ipasingen na ngarud ya ayat na dactida, gapu iya pannakaitipun tida e̍ Kristu Je̍sus.

E̍pe̍su 3:10

Ket ita, gapu iya masingen iya bungguy mamati, ket diya uwed turay winno pannakabalin da ka langit, maemmuwan da ngarudin ya nakaskasdaaw nga kinasirib ne̍ Apu Diyus kadiya nadumaduma nga panggep na.

E̍pe̍su 3:21

Dikad pe̍ madaydayaw kuma ngarud nge̍ Apu Diyus iya imatang diya amin nga toley, iya amin nga timpu ka agnanayun, gapu mettas dactida nga bungguy mamati se̍ gapu e̍ Kristu Je̍sus. Agten iyan kuma.

2 Pe̍dru 1:17

Ta uwed kami met ito panangipakaemmu ne̍ Apu Diyus nga Ama ito panange̍cde̍ na igina ka dayaw se̍ dayag na. Nae̍cdan ngarud itun, ito nagicna mi to timec mettas ne̍ Apu Diyus nga Katurayan nga Nadayag, nga kinunen na igina, “Itu yani ya Anac ku nga dungdungnguwec. Igina ya pakaay-ayuwac,” kunen na.