Juan 12:27 - Ya Baru nga Tulag

²⁷ Nituluy ne̍ Je̍sus nga kinunen na, “Ita, nadagsen met ya ricnac kun. Ngem nagan na ngarud? Mabalin aya no kagiyec e̍ Apu Diyus nga, ‘Ama, ilisi nac kuma idi nga panagrigat ku,’ kunec kuma? Bekken met, ata itu met yani ya numbe̍tac, tasun mapasamac didi iyaken,” kunen na.

Juan 12:27 Iomraidhean Croise

Matyu 11:25

Ket itun, nagkararag nge̍ Je̍sus nga kinunen na, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na.

Matyu 11:26

Agten iyan ngarud ya wagas mu, Ama, ta itu met ya gabay mu,” kunen na.

Matyu 26:42

Ket nawe̍ manin nge̍ Je̍sus nga nagkararag, ket kinunen na ito maikadduwa nga kararag na, “Amac, no madi mabalin nga mailisi iyaken yani nga rigat nga arig nga inumec, no di yac pekkem lak-amen ita, ket basta matungpal kuma ngas ya tarigagay mun,” kunen na.

Matyu 26:45

Kalpasan na, simoli manin ito edyan dito adalan, ket kinunen na igida, “Agtudtudug se̍ agim-imang kayu pekkem? Singen nu! Dandani ya timpuc kun, ket maiyawatin ya Anac nga Naipatoley kadiya managbasul.

Lukas 22:44

Ket nipaspasnec pekkem ne̍ Je̍sus ya panagkararag na, ta nadagsen nga unayin ya ricna na, ket naglinget met ka agten iya daga nga agtedted iya ginet tin.]

Lukas 22:53

Inalgew nga uwed dac met iya imatang nu enna Te̍mplu, ngem madi dac met nga tinkem. Ngem ita mettas, itu ya gundaway nu, ket itu pe̍ yin ya gundaway ne̍ Satanas nga paggayatan niya pannakabalin niya gicbet,” kunen na.

Juan 11:41

Dikad pe̍ nipac da ngarudin to batu. Ket e̍ Je̍sus, limangad nga kinunen na, “Ama, agyaman nac, ta ipangag nac.

Juan 12:23

Ket agten idi to kinunen ne̍ Je̍sus igida: “Nadatngan ngarudin ya timpu nga pakaidayawan niya Anac nga Naipatoley.

Juan 13:21

Ket ito nakagi ne̍ Je̍sus yanin, nadagsen nga unay ya ricna nan. Ket nipakaemmu na igida ya uwed iya lemlemmet na nga kinunen na, “Ibagac ngarud ya kinapudnu na dakayu, nga uwed met isa dakayu nga mangiyawat iyaken kadiya kumuntra iyaken,” kunen na.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

1 Timutyu 1:15

Tandaanam kuma yani nga ibagac, ata pudnu met yani, se̍ gabay ku no awan kuma madi mamati iya amin nidi: Inumbe̍t nge̍ Kristu Je̍sus idi nga lubung tasun isalakan na diya uwed basul da. Ket iyaken met ya kadake̍kan iya amin!

He̍briyu 2:14

Ket gapu ta uwed kinatoley didi nga naibilang nga anac na, nagbalin met nge̍ Je̍sus nga agten pe̍ igida, ta naglak-am met pe̍ iya kasasaad niya kinatoley da. Agten iyan ya winangel na, tasun gapu iya pannakatey na, pirdiyen na ya pannakabalin niya diyablu, nga itu ya pakaigapuwan niya pannakatey.

He̍briyu 5:7

Ket ito kauwed ne̍ Je̍sus idi nga lubung, nagkarkararag nga nagad-adeng e̍ Apu Diyus, nga igina ngarud ya uwed pannakabalin na nga mangilisi e̍ Je̍sus ka patey. Nagberrit se̍ imawag nge̍ Je̍sus ka nabileg ito panagkararag na. Ket dinngeg ngarud ne̍ Apu Diyus, gapu ta sipapakumbaba nga nagtungpal nge̍ Je̍sus igina.