Juan 12:26 - Ya Baru nga Tulag

²⁶ Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Juan 12:26 Iomraidhean Croise

Matyu 16:24

Ket kinunen ne̍ Je̍sus itun kadito adalan na, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Matyu 25:21

“Ket to amu na, kinunen na igina, ‘Mayat met! Nabaru se̍ mapagtalkan ka nga tagabu. Ket gapu ta napagtalkan ka kadiyan nga e̍teng nga banbanag, pagtalkan naka ka adu nga banbanagin. Makitipun ka iyaken nin nga amum, idi nga paganggemmac,’ kunen na.

Markus 8:34

Ket itun, pinaadenni met ne̍ Je̍susin diya toltoley se̍ dito adalan na. Ket kinunen na igida, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Lukas 12:37

Ket maragsakan ngarud met diya tagabu, no madatngan niya amu da nga silulukag da. Ta pudnu met nga no agten iyan ya madatngan niya amu da, igina nga gennung ya agkawwes ka luput nga para wangel lin, nga arig nga tagabu, ket patugawen na diya tagabu na iya panganan. Ket igina mettasin ya agsirbi igidan.

Lukas 6:46

“Ape̍ aya nga awagan dac nga kunen nu nga, ‘Apuc, Apuc,’ kunen nu iyaken, ngem di nu met latta tungpalen diya ibagac dakayu?

Lukas 9:23

Ket kinunen na pe̍ igida nga amin, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na nga inalgew ya arig nga panangagtu na iya krus na nga pakailansaan na, ket sumurut ngarud iyaken nin.

Juan 10:27

Ta diya karne̍ruc, ikasu da met ya timec ku. Emmuc da, ket suruten dac met.

Juan 13:16

Agten iyan kuma ngarud, ta pudnu met nga bekken nga nangatngatu ya tagabu ngem iya amu na. Ket iya agten iyan pe̍, bekken met nga nangatngatu ya naibon ngem iya nangibon igina.

Juan 14:15

Ket nituluy ne̍ Je̍sus, nga kinunen na, “No tutu nga ayaten dac, tungpalen nu ngarud diya bilin ku.

Juan 14:3

Mawe̍ yac ngarud, ket kalpasan niya panangisaganac iya pagedyanan nu ennan, sumoli yac met nga umbe̍t nakayu alaken, tasun ya pagedyanac, itu met pe̍ ya pagedyanan nu.

Juan 15:20

Laglagipen nu kuma to nibagac dakayu, nga bekken nga nangatngatu ya tagabu ngem iya amu na. Dikad pe̍ gapu ta nirurumen dac, ket uwed da met pe̍ igida diya mangirurumen nad dakayu. Ket se̍ gapu ta uwed da pe̍ duduma igida nga nagtungpal iya kagic, ket uwed met pe̍ diya agtungpal nad iya kagi nu.

Juan 17:24

“Ket Ama, no didi nga toley nga nitalec mu iyaken, gabay ku nga ya kapennac nga edyan, ket itu nad met pe̍ kuma ya edyan da. Gabay ku ngarud ya agten iyan, tasun masingen da kuma ya nadayaw nga kasasaad ku nga nipaay mu iyaken gapu iya panagayat mu iyaken nga sigud, orey ito di pekkem naparsuwa ya lubung.

Juan 21:22

Ket kinunen ne̍ Je̍sus, “Bekken mu met nga biyang ya agten iyan. Iyaken nas met ya makaemmu no tarigagayac kuma nga sibibiyag pekkem yan nga toley iya isosolic nad manin idi. Ngem no ikew, basta suruten nac, a!” kunen na.

Ruma 1:1

Iyaken nge̍ Pablu nga isa nga agsirsirbi e̍ Kristu Je̍sus. Pinili nac nge̍ Apu Diyus, se̍ pinagbalin nac nga apustul nga naipaay iya panangipakaemmu iya Makaparagsac nga Damag ne̍ Apu Diyus.

Ruma 14:18

Ket no itu diyan ya patgen tida iya panagsirbi tida e̍ Kristu, maay-ayu nge̍ Apu Diyus dactidan, ket diya toley, annamungan dactida pe̍.

2 Kurintu 4:5

Ket ya ikaskasaba mi, bekken met nga maipanggep iya kinadayaw mi, no di lugud maipanggep iya kinaApu ne̍ Je̍su Kristu. Ket dakami, agsirsirbi kami dakayu gapu e̍ Je̍sus.

2 Kurintu 5:8

Natalged ngarud ya panpanunut mi, ket gabgabay mi ya pumanaw kuma kadidi nga beggi mi, tasun mawe̍ kami kuma makipagedyan iya Apu win.

Galasiya 1:10

Nitured ku nga nibaga ya agten iyan, ta bekken met nga ya beggic ya gabay ku nga padayawen. Ya iyaannamung ne̍ Apu Diyus lugud ya sapsapulec kadidi nga nibagac. Bekken ngarud nga toley ya gabay ku nga ay-ayuwen kadidi nga nibagac, ta no toley kuma ya gabay ku nga ay-ayuwen, bekken met nga e̍ Kristu ya pagsirsirbiyac kun.

Pilipus 1:23

ta madi yac emmu nga tutu ya gabgabay ku kadidi nga duwa, ya matey winno agbiyag gac pekkem. Ta gabay ku nga unay ya pumanaw iya biyag nga idi nin, nga makitipun iya edyan ne̍ Kristu win, ta itu ngarud ya nabarbaru no iyaken.

Kulusas 3:24

Ta ya Apu, igina met ya manggun-guna nad dakayu ka maipatawid dakayu. Ngarud, e̍ Apu Kristu met ya pudpudnu nga pagsirsirbiyan nu.

Kulusas 4:12

Ket e̍ E̍papras met pe̍, nga isa mettas dakayu, nga isa nga agsirsirbi e̍ Kristu Je̍sus, ket makikumusta kanu pe̍ dakayu. Ket pe̍yeng nga sipapasnec nga mangikarkararag dakayu e̍ Apu Diyus. Ta gabay na met no nabaked kuma ya panamati nu, se̍ awan nga pulus duwaduwa nu maipanggep iya orey nagan na nga tarigagayan ne̍ Apu Diyus dakayu.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

1 Juan 5:3

Ta ya pudnu nga panagayat e̍ Apu Diyus, ket agten idi: Pudnu ya panagayat tida igina no tungpalen tida diya bilbilin na. Ket bekken met nga pumarigat dactida diya bilbilin na.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.

Paltiing 14:4

Ket igida didi diya madi namansaan ka dake̍c maipanggep ka babey, ta pulus nga di da nakitipun ka babey. Igida diya sumursurut ito Urbun Karne̍ru iya orey awac nga pennan na. Se̍ igida met diya toley nga nasubbut, tasun igida ya arig nga mon-ona nga pagdayaw nga maisangu e̍ Apu Diyus se̍ iya Urbun Karne̍ru.