Juan 12:20 - Ya Baru nga Tulag

²⁰ Ket itun, uwed pe̍ diya bekken nga Hudyu nga nawe̍ pe̍ nakipadaya ka He̍rusale̍m.

Juan 12:20 Iomraidhean Croise

Markus 7:26

Ket to babey, bekken nga Hudyu, no di lugud naiyanac enna Pe̍nisiya, nga isa nga ili enna Sirya. Ket nipacpakaasi na ngarud e̍ Je̍sus nga pagtalawen na kuma ya sairu nga naglugan ito anac na.

Juan 12:1

Ito ennem nga algew sacbay nito Padaya Nitatalib, nawe̍ nge̍ Je̍sus ka Be̍tanya. Itu ya ili ne̍ Lasaru, nga igina to lalaki nga pinagungar ne̍ Je̍sus itun.

Juan 12:19

Itu nga dito Parisiyu, nagtetebbar da nga kinunen da, “Singen nu kad! Awan mabalin tidan! Ay-ay! Sumursurut met igina diya amin nga toltoley iya lubungin!” kunen da.

Juan 7:35

Ket dito pangpangulu dito Hudyu, nagtetebbar da, nga kinunen dan, “Awac kid ya pennan na nga madi tida kanu masmac kin? Kaynun no mawe̍ nad kadiya il-ili diya bekken nga Hudyu nga edyan diya naiwaraswaras nga Hudyu, tasun diya bekken nga Hudyu met ya isuru nan.

Aramid 14:1

Ket enna ili nga Ikunyu, nakigimung manin de̍ Pablu nge̍ Be̍rnabe̍ ito gigimungan diya Hudyu. Nangaskasaba da antuni, ket gapu ito panangasaba da, adu manin diya namati, nga Hudyu se̍ bekken nga Hudyu.

Aramid 16:1

Ket de̍ Pablu, nakadateng da ka De̍rbe̍, se̍ ka Listra ngin. Ket uwed agedyan antuni nga isa nga pasurut niya Apu nga agnagan ka Timutyu. Ket mamati pe̍ ya ina na. Hudyu ya ina na, ket ya ama na, Griye̍gu.

Aramid 17:4

Itu nga naawis ngarud dito duduma nga Hudyu, ket nakitipun da kade̍ Pablu nge̍ Silasin. Ket orey pe̍ dito bekken nga Hudyu nga managdayaw e̍ Apu Diyus, adu da pe̍ nga nakitipun igida, se̍ adu pe̍ dito mabigbig nga babey nga nakitipunin.

Aramid 20:21

Se̍ napasnekkac pe̍ nga mangbagbaga kadiya kapadac nga Hudyu, se̍ orey pe̍ kadiya bekken nga Hudyu, ta nibagac nga sumurut da kuma nga sibababawi e̍ Apu Diyus se̍ mamati da iya Apu tida nga Je̍sus.

Aramid 21:28

Ket nip-ipkaw da nga kinunen da, “Ala, kabulun nga iIsrae̍l! Tulungan dakami kay! Ta igina yani nin to toley nga agpaspasyar ka amin nga luglugar, nga agisursuru ka dake̍c maikuntra dactida nga Hudyu, se̍ iya Linteg tida se̍ iya Te̍mplu wi. Se̍ bekken nas nga iyan, ta nangilnec pe̍ ka bekken nga Hudyu idi nga lugar niya Te̍mplu tida, nga mangmansa mettin iya Te̍mplu nga nasantuwan,” kunen da.

Aramid 8:27

Ket nawe̍ ngarud nge̍ Pe̍lipe̍ yin. Ket uwed met isa nga lalaki nga yunuku antuni, nga isa nga upisyal nga taga-Itiyupya. Kagaygayat ka He̍rusale̍m, ta itu ya nagdaydayawan na e̍ Apu Diyus. Igina met ya te̍sure̍ru ne̍ Re̍yna Kandase̍, nga babey nga pangulu da ka Itiyupya.

Ruma 1:16

Maganatan nac ngarud nga umbe̍t iyan, ta madic ngarud iyalyew ya mangipakaemmu iya Makaparagsac nga Damag. Ta idi nga damag, itu ya pakasingnan iya pannakabalin ne̍ Apu Diyus nga mangisalakan kadiya amin nga mamati. Naipakaemmu kadiya Hudyu se̍ kadiya bekken nga Hudyu, ngem nangnangruna nga naipakaemmu kadiya Hudyu.

Ruma 10:12

Ket agpaay met yan kadiya amin nga toley, ta awan pakaidumaan iya imatang ne̍ Apu Diyus diya bekken nga Hudyu kadiya Hudyu. Ta ya Apu mettas ya Apu diya amin nga toley, ket ipaay na ya panagkaasi na kadiya amin nga umawag igina.

Galasiya 2:3

Ket nagtutunus kami nga tutu, ta orey bekken nga Hudyu nge̍ Titu nga kabulun ku itun, madi da met pinilit nga mangtungpal ito ugali Hudyu nga agpakugit.

Galasiya 3:28

Dikad pe̍ gapu iya pannakaitipun nu e̍ Kristu Je̍sus, naibilang kayu nga agpapada ngin. Awan ngarud nagdudumaanin diya Hudyu se̍ bekken nga Hudyu iya imatang ne̍ Apu Diyus, ket awan pe̍ pagdumaanin niya tagabu winno bekken nga tagabu, se̍ awan pe̍ pagdumaan niya lalaki winno babey, ta is-isa kayu nga aminin.

Kulusas 3:11

Ket diya toley nga uwed igida yani nga kabarbaru nga gangey, awan pulus maibilang nga pagdudumaan niya kinatoley dan, orey bekken nga Hudyu man winno Hudyu, orey nakugit man winno diya madi agtungpal iyan nga ugali, agten pe̍ kadiya di pekkem makaemmu iya ugali Griye̍gu, se̍ diya taga-Sitya nga awan adal da. Ngarud, awan met pagdudumaan diya toley yin, orey tagabu man winno siwayawaya nga toley, ta e̍ Kristu met ya ibilang tida nga kangrunaanin, se̍ igina met ya katurayan ka amin.