Juan 12:13 - Ya Baru nga Tulag

¹³ Dikad pe̍ nagalac da ka bacbain se̍ da nawe̍ nisabet nga sidadayaw igina, nga nip-ipkaw da, “Madaydayaw ya Mangisalakan! Madaydayaw ya agparang gapu iya kinaturay niya Apu! Madaydayaw ngarud ya Ari tida nga iIsrae̍l!” kunen da.

Juan 12:13 Iomraidhean Croise

Matyu 23:39

Ta pudnu met nga madi dac nad masingen nin agingga iyan nga timpu nga panangibaga nu nga, ‘Madaydayaw ya agparang gapu iya turay niya Apu,’ kunen nu nad mettas,” kunen ne̍ Je̍sus.

Matyu 27:42

“Naisalakan na kanu diya duduma, ngem di na met maisalakan ya beggi nan! Igina kanu ya ari ka Israe̍l! Umulug kuma ngarudin iya krus na, tasun mamati tida iginan!

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 12:14

Ket e̍ Je̍sus, namet ka isa nga urbun asnu, ket itu ya nagsakayan na. Ket iya agten iyan, natungpalin to padtu nga naisurat iya Bibliya nga kunen na,

Juan 12:15

“Dakayu nga iSiyun, madi kayu kuma mansingin. Singen nu, ket umbe̍tin ya Ari nu, nga sisasakey ka urbun asnu.”

Juan 19:15

Ngem dito Hudyu, nipkaw da nga kinunen da, “Ipapatey mun! Ipapatey mu lugudin! Pailansam ka krus!” kunen da. Ket sinaludsud ne̍ Pilatu igida, “Gabay nu kad nga pailansac ka krus ya ari nu?” kunen na. Ket simungbat dito pangpangulu diya agsirsirbi iya Te̍mplu nga kinunen da, “Awan met sabali nga ari mi no di ngas e̍ Ari Se̍sar!” kunen da.

Paltiing 15:3

Ket nagkankanta da ito kanta nito Muyse̍s nga agsirsirbi e̍ Apu Diyus itun, se̍ kanta pe̍ niya Urbun Karne̍ru, nga kinunen da ito kanta da, “Apu Diyus, nga Apu nga Mannakabalin ka amin, madaydayaw se̍ nakaskasdaaw diya wangel mu! Ikew ya Ari diya nasnasyun. Nalinteg se̍ napudnu ya gangey mu!

Paltiing 19:16

Ket ito ke̍bal na se̍ iya ugpu na, uwed naisurat nga nagan nga agten idi: “Ari diya amin nga ar-ari se̍ Apu diya amin nga ap-apu.”

Paltiing 7:9

Ket kalpasan niyan, pinumsekkac manin, ket uwed nasingec nga nakad-adu nga toley nga naurnung. Ket gapu ta adu da nga unay, awan met toley nga makabael nga mangbilang igida. Naggayat dito toltoley kadiya amin nga nasyun, kapututan, pagiliyan se̍ pagkakagi. Ket agsisikad da iya sangu nito trunu se̍ to Urbun Karne̍ru. Nakakawwes da ka puraw nga sutana, se̍ agik-ikem da ka bain.