Juan 11:55 - Ya Baru nga Tulag

⁵⁵ Ket itun, dandani to timpu padaya diya Hudyu nga maawagan ka Padaya Nitatalib. Dikad pe̍ adu diya nanang-at nga nawe̍ ka He̍rusale̍m nga naggayat kadiya nadumaduma nga barbaryu. Nawe̍ da ngarudin, tasun tungpalen da nga mona ya alagaden da nga mangpadalus iya beggi da, sacbay niya panangrugi nito padaya.

Juan 11:55 Iomraidhean Croise

Matyu 26:1

Ket ito nalpas ne̍ Je̍sus ya nangisuru iya amin diyan, kinunen na kadito adalan na,

Matyu 26:2

“Emmu nu nga duwa nga algew ngasin sacbay niya Padaya Nitatalib. Ket ya Anac nga Naipatoley, maiyawat nad mettin nga mailansa ka krus,” kunen na.

Markus 14:1

Ket itun, duwa nga algew ngasin sacbay niya Padaya Nitatalib, se̍ ya Padaya Tinapay nga Awan Pangpablad Na. Ket dito pangpangulu diya agsirsirbi iya Te̍mplu se̍ dito manursuru iya Linteg, pinanpanunut da nga nalaing no kumaan kuma niya nalimed nga panangtekkem da e̍ Je̍sus, se̍ panangpatey da igina.

Lukas 22:1

Dandani itunin ya Padaya Tinapay nga Awan Pangpablad Na, nga maawagan pe̍ ka Padaya Nitatalib.

Juan 12:1

Ito ennem nga algew sacbay nito Padaya Nitatalib, nawe̍ nge̍ Je̍sus ka Be̍tanya. Itu ya ili ne̍ Lasaru, nga igina to lalaki nga pinagungar ne̍ Je̍sus itun.

Juan 13:1

Ket itun, nganngani ya Padaya Nitatalibin. Ket e̍ Je̍sus, emmu na nga nadatnganin ya timpu na nga pumanaw idi nga lubung se̍ ya isosoli na iya Ama. Pe̍yeng nga inay-ayat ne̍ Je̍sus diya toley na idi nga lubung. Ket nabileg ngarud pekkem pe̍ ya panagayat na igida agingga iya pagpatinggaan niya biyag na idi nga lubung.

Juan 18:28

Ito ag-agsapa pekkem mas iyan mettas nga algew, nipanaw da nge̍ Je̍sus ito baley ne̍ Kaipas, ket nipen da iya palasiyu niya gube̍rnadur nga iRuma. Ngem dito Hudyu, madi da ginabay ya nimuneg ito palasiyu, ta kanyew igida. Ta no umuneg da iya baley niya isa nga bekken nga Hudyu, basta maiparit igidan ya makipadaya itun iya Padaya Nitatalib.

Juan 2:13

Ket itun, dandani yin to padaya diya Hudyu nga maawagan ka Padaya Nitatalib. Ket nanang-at nge̍ Je̍sus nga nawe̍ ka He̍rusale̍m nga makipadaya.

Juan 2:6

Ket diya Hudyu, uwed alagaden niya pammati da maipanggep iya panagbeggu, itu nga uwed ennem antuni nga dadackel nga burnay nga batu, nga papayan ka danum. Ket dito burnay, aglaun ya tunggal isa ka pasar sangagasut nga litru.

Juan 5:1

Ket kalpasan niyan, uwed isa nga padaya diya Hudyu. Ket nanang-at nge̍ Je̍sus nga nawe̍ enna He̍rusale̍m nga nakipadaya.

Juan 6:4

Ket dandani itunin ya algew nito padaya diya Hudyu nga maawagan ka Padaya Nitatalib.

Aramid 21:24

Itu nga mibulun ka kuma igida, ta makitipun ka iya pannakadalus da nga maikanatad iya ugali tida nga Hudyu. Se̍ kalpasan niya pitu nga algew, ikew kuma ya makaemmu kadiya masapul da nga gastuwen, tasun agpakiros dan. Dikad pe̍ iyan ya pakasingnan diya toley yin nga agtungpal ka pe̍ iya Linteg tida. Ket maemmuwan da pe̍ nga busid to nadamag da maipanggep ikew.

Aramid 21:26

Ket e̍ Pablu, binulun na ngarud dito eppat nga lalaki ito kadamlag na nga nawe̍ da pinaariman to pannakadalus da. Kalpasan na, imuneg iya Te̍mplu, ta nipakaemmu na nga uwed pekkem pitu nga algew sacbay na nga agkabas to kari da, nga itu nad ya panagdatun da ka datun para iya tunggal isa igidan.

Aramid 24:18

Ket enna Te̍mplu, itu to nakaaskuran dito duduma nga Hudyu nga iAsiya iyaken. Ngem awan met emmuc nga basul ku, ta kaar-ariman ku was ya pakadalusac, se̍ awan pekkem riribuc itun, se̍ awan pekkem unay nga toley itun.

1 Kurintu 11:28

Dikad pe̍ ya makisangu nga mangan idi nga tinapay se̍ uminum idi nga binasu nga mainum, masapul nga mona pekkem nga emmuwen na iya lemlemmet na no kustu ya panggep na idi, se̍ mangan se̍ uminumin.

Santiyagu 4:8

Umadenni kayu ngarud e̍ Apu Diyus, ket e̍ Apu Diyus, umadenni pe̍ dakayu. Ket dalusan nu lugud ya kinadake̍c diya nakem nun, dakayu nga managbasul! Ilaylayun nu lugudin ya panangipateg nu e̍ Apu Diyus, dakayu nga agduwaduwa iya panamati nu!