Juan 11:52 - Ya Baru nga Tulag

⁵² Ket bekken nas nga maipaay igida, no di pe̍ kadiya maibilang nga an-anac ne̍ Apu Diyus nga naiwaraswaras kadiya nadumaduma nga pagiliyan. Agten iyan ngarud tasun diya anac ne̍ Apu Diyus, maitipun da nga amin iya is-isa nga bungguy ne̍ Apu Diyus.

Juan 11:52 Iomraidhean Croise

Lukas 15:8

“Kaspagarigan pe̍ no uwed isa nga babey nga uwed kuwarta na nga sangapulu nga diplata. Ket no mawagac na ya isa, nagan ngarud ya wanglen na? Manibet ngarud ka dilag, ket sagadan na ya baley na nga sipapasnec nga mangsapsapul agingga nga masmac na.

Lukas 2:32

Igina ya arig nga dilag nga mangwada kadiya bekken nga Hudyu, se̍ ya pakaidayawan diya toley mu nga iIsrae̍l,” kunen na.

Juan 1:12

Ngem diya amin nga imawat igina, nga itu diya sipapati iya kinaturay na, ne̍cdan na da ka kalinteggan nga agbalin nga anac ne̍ Apu Diyus.

Juan 1:29

Iya kadamlag niyan, nasingen nito Juan nge̍ Je̍sus nga umbe̍t iya edyan na. Ket to Juan, kinunen na, “Singen nu yan! Igina yanin ya maawagan ka Urbun Karne̍ru ne̍ Apu Diyus nga mangipac kadiya basbasul diya uwed idi nga lubung!

Juan 10:16

Ket uwed pe̍ duduma nga ibilang ku nga karne̍ruc nga madi pekkem naitipun idi nga bungguy. Ket masapul nga sakupec da met pe̍. Ipangag da nad ngarud ya timec ku no pekkawac da. Ket iya agten iyan, is-isa nad nga bungguy ya mangsakup igida, ket is-isa ya agay-aywan igidan.

Juan 12:32

Ket no iyaken, awisec nad amin nga toley nga mamati iyaken, nad no naibayug gac kun,” kunen na.

Aramid 18:10

Ta uwed dac nga pe̍yeng nga mibulubulun ikew, ket awan makaranggas winno makapasakit ikew, ta adu diya toley ku idi nga ili,” kunen niya Apu.

Ruma 3:29

Ket nagan ya kunen tida? Diyan nas Hudyu kad ya akin-Diyus e̍ Apu Diyus? Bekken kad nga igina pe̍ ya Diyus diya bekken nga Hudyu? Igina met! Ta e̍ Apu Diyus, igina ngarud met ya Diyus pe̍ diya bekken nga Hudyu.

Ruma 4:17

nga agten iya kunen ne̍ Apu Diyus iya Bibliya maipanggep igina, nga kunen na, “Pinagbalin naka nga ama diya adu nga toltoley kadiya adu nga il-ili,” kunen na. Ket iya agten iyan, siguradu nga matungpal yan nga kari ne̍ Apu Diyus. Ket e̍ Apu Diyus nga pinati ne̍ Abraham, itu mettas ya Diyus nga mangpaungar kadiya natey se̍ ya mangpauwed gapu iya bilin na kadiya awan pekkem.

E̍pe̍su 1:5

Ngarud, gapu iya ayat ne̍ Apu Diyus dactida, nikeddeng na itun pekkem nga pagbalinen nactida nga anac nan gapu e̍ Je̍su Kristu. Ta itu ya sigud nga panggep ne̍ Apu Diyus sigun iya tarigagay na.

E̍pe̍su 3:11

Ket agten iyan ngarud ya inariman ne̍ Apu Diyusin, maikanatad iya sigud se̍ agnanayun nga panggep na, nga natungpalin gapu e̍ Kristu Je̍sus nga Apu tida.

Santiyagu 1:1

Iyaken nge̍ Santiyagu nga isa nga agsirsirbi e̍ Apu Diyus se̍ e̍ Apu Je̍su Kristu. Itu yani ya surat ku dakayu nga kapututan dito sangapulu ket duwa nga anac nito Israe̍l, nga naiwaraswaras ka nadumaduma nga lugar iya lubung. Kablaawan nakayu.

1 Pe̍dru 1:1

Iyaken nge̍ Pe̍dru, nga isa nga apustul nga agpaay e̍ Je̍su Kristu. Surat ku yani dakayu nga pinili ne̍ Apu Diyus nga toley na, nga dakayu nga arig nga gan-gannaet nga naiwaraswaras kadiya il-ili kadiya prubinsiya nga Puntu, Galasiya, Kapadusiya, Asiya, se̍ Be̍tanya.

1 Juan 2:2

Ta e̍ Je̍su Kristu mettas ya pakaudasan nga pakapakawanan diya basbasul tida, ket bekken nas nga diya basbasul tida, no di pe̍ diya basbasul diya amin nga toltoley iya lubung.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 3:10

Dikad pe̍ uwed pakailasinan tidan kadiya an-anac ne̍ Apu Diyus se̍ kadiya an-anac niya diyablu. Agten idi ya pakailasinan tida: Ya toley nga madi agariman ka nalinteg winno madi agayat iya kapada na, bekken met nga anac ne̍ Apu Diyus.

1 Juan 3:2

Patpatgec nga kakabsat, an-anac nactida ngarud nge̍ Apu Diyusin. Ngem orey an-anac nactidan, bekken pekkem nga naipakaemmu dactida no kumaan nad niya pagbanagan nidi nga kasasaad tida. Ngem emmu tida nga no agparang nad manin nge̍ Kristu idi nga lubung, agbalin tida met nga agten igina. Ta no masingen tida, nalawag nad dactidan ya kinapudnu maipanggep igina.

Paltiing 5:9

Ket dito naglakeb, kinanta da ya isa nga kabarbaru nga kanta. Agten idi to nikanta da: “Ikew ya maikari nga mamet iya nalukut nga pagbasaan se̍ mangipac kadito naikapet. Ta ikew ya napatey itun, ket gapu iya pannakaidaga niya beggim mettas, uwed da toley nga sinubbut mu nga nipaay mu e̍ Apu Diyus, nga gayat iya tunggal kapututan, pagkakagi, pagiliyan se̍ nasyun.