Juan 11:41 - Ya Baru nga Tulag

⁴¹ Dikad pe̍ nipac da ngarudin to batu. Ket e̍ Je̍sus, limangad nga kinunen na, “Ama, agyaman nac, ta ipangag nac.

Juan 11:41 Iomraidhean Croise

Matyu 11:25

Ket itun, nagkararag nge̍ Je̍sus nga kinunen na, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na.

Matyu 11:26

Agten iyan ngarud ya wagas mu, Ama, ta itu met ya gabay mu,” kunen na.

Matyu 27:60

se̍ na nipisuc iya mismu nga tamen na nga nailiyang ka batu. Ket ito naipisuc kin, binukalig nito Huse̍ ya isa nga dackel nga batu nga nanggiset na ito tamen, ket pimanawin.

Markus 15:46

Ket nawe̍ ngarud ngimina nge̍ Huse̍ ka luput nga maawagan ka line̍n. Ket ito naidsag na to bangkayin, kinubit na ito luput nga line̍n, se̍ na nipisuc iya isa nga tamen nga nailiyang ka batu. Ket kalpasan na, nangbukalig ka dackel nga batu nga nanggiset na ito tamen.

Lukas 10:21

Iyan mettas nga kanitu, pinagragsac met niya Ispiritu Santu nge̍ Je̍sus. Ket kinunen ne̍ Je̍sus nga sikakararag, “Agyaman nac ikew, Ama nga Apu niya langit se̍ ya lubung ngi. Agyaman nac ngarud, gapu ta nilimed mu didi nga banbanag kadiya uwed adal da se̍ kadiya mamasirib, ngem nipakaemmum nga gennungin kadiya kadawyan nas nga toley nga maiyarig ka ebbing nga awan pekkem adal na. Agten iyan ngarud ya wagas mu, Ama, ta itu met ya gabay mu,” kunen na.

Lukas 18:13

“Ngem to agsingsingir ka buis nga gennung, nagsikad ngas iya nabay-at. Ket di orey limangad, no di lugud dinandantug na ya barukung na nga nagbabawi, nga kinunen na, ‘Apu Diyus, kaasiyan nac kay, ta managbasul lac met,’ kunen na.

Lukas 24:2

Ket ito dimateng da antuni, nasingen da nga ya dackel nga batu nga naigiset ito nailiyang nga tamen, naibukalig mettin.

Juan 11:22

Ngem orey ita, emmuc met nga orey nagan na nga adngem e̍ Apu Diyus, e̍cde̍ na met ikew,” kunen na.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

Juan 20:1

Ito gibegibet pekkem mas iya agsapa niya Duminggu, nawe̍ to Marya nga iMagdala ito nakaitamennan ne̍ Je̍sus. Ket nasingen na nga naipac gayamin to dackel nga batu nga naigiset ito tamen nan.

Aramid 7:55

Ngem e̍ E̍ste̍ban, naidalan ya panpanunut na gapu iya Ispiritu Santu. Ket limangad nga nasingen na ya dayag ne̍ Apu Diyus, se̍ nasingen na pe̍ nge̍ Je̍sus nga gasisikadin iya madiwanan ne̍ Apu Diyus.

Pilipus 4:6

Awan kuma idandanag nu iya orey nagan na, no di kayu ipakaemmu kuma ngas nga siiiyaman e̍ Apu Diyus diya amin nga gabay nu nga adngen igina kadiya karkararag nu.