Juan 11:4 - Ya Baru nga Tulag

⁴ Ket ito nagicna ne̍ Je̍sus yan, kinunen na, “Madi ipatey ne̍ Lasaru yan nga sakit na. Pakaidayawan ne̍ Apu Diyus yan nga sakit na, ta gapu idi nga mapaspasamac, uwed nad met pakaidayawan niya Anac ne̍ Apu Diyus,” kunen na.

Juan 11:4 Iomraidhean Croise

Juan 10:38

Ngem orey di dac gabay nga patiyen, patiyen nu kuma lugud diya wangwanglec, tasun gapu kadidi nga pagilasinan, masursuruwan kayu se̍ maemmuwan nu kuma nga naitipun ya Ama iyaken, se̍ naitipun nac met pe̍ igina,” kunen na.

Juan 11:40

Ngem kinunen ne̍ Je̍sus igina, “Di yac kad nibaga ikew nga no mamati ka, masingem ya pakaidayawan ne̍ Apu Diyus?” kunen na.

Juan 12:28

Ket se̍ nikararag na, “Ama, ipasingem kay ya kinadayaw mun,” kunen na. Ket kalpasan niyan nga kararag na, uwed met nagicna antuni nin nga isa nga timec nga gayat ka langit nga kinunen na, “Nipaspasingec ngarudin ya kinadayaw kun, ket ipasingec mettas nad manin,” kunen na.

Juan 17:1

Kalpasan niya panangagi ne̍ Je̍sus kadiyan, limangad ka langit, ket nagkararag nga kinunen na, “Ama, nadatnganin ya timpu nga panangipadayaw mu iya Anac mu, tasun maipadayaw naka pe̍.

Juan 17:10

Amin didi nga toley ku, kuwam met pe̍, ket kuwac met pe̍ amin nga toley mu. Ket naidaydayaw wac gapu igida.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 2:11

Ket yan nga inariman ne̍ Je̍sus enna Kana iya prubinsiya nga Galilya, itu ya kaonaan nga nakaskasdaaw nga inariman na. Ket iya agten iyan, nipasingen na ya kinadayaw na antuni, ket namati igina dito adalan na.

Juan 5:23

Agten iyan ngarud ya winangel niya Ama, tasun diya amin nga toley, maiparis kuma ya panagdayaw da iya Anac iya panagdayaw da iya Ama. Ket iya agten iyan, ya madi mangdayaw iya Anac, madi na met pe̍ padayawan ya Ama nga nangibon igina.

Juan 8:54

Ket kinunen ne̍ Je̍sus, “No ya mismu nga beggic ya idaydayaw ku, ket awan met nga tutu sirsirbi niya pannakaidayaw ku. Ngem ya kinapudnu na, ya Amac ya mangipadayaw iyaken. Ket igina mettas ya kunen nu nga Diyus nu.

Juan 9:24

Ket iya agten iyan, pinalbe̍t manin dito pangpangulu to toley nga naiyanac nga kulap. Ket kinunen da igina, “Agsapata ka man ngarud iya imatang ne̍ Apu Diyus nga pudnu ya ibagam! Ta emmu min nga managbasul nga tutu yan nga toley nga nangpalaing ikew!” kunen da.

Juan 9:3

Kinunen ne̍ Je̍sus igida, “Ya kinakulap nidi nga toley, bekken nga gapu iya basul na, winno iya basul diya naganac igina. Ngem kulap yani tasun gapu igina, maipasingen kuma ya pannakabalin ne̍ Apu Diyus.

Ruma 11:11

Ket iya agten iyan, mabalin nga pagarupen nu nga diya Israe̍lita, pakapukawan da met to arig nga pakaisacdulan da, nga madi da pulus nga maisalakanin. Ngem bekken met nga agten iyan! Ta gapu ito basul diya Israe̍lita nga madi da namati, uwed pakaisalakanan pe̍ yin diya bekken nga Hudyu, tasun umapal kuma diya Israe̍lita iya kasasaad diya bekken nga Hudyu.

Pilipus 1:11

Ket iya agten iyan, adu win diya nalinteg nga banbanag nga masingen dakayu gapu iya tulung ne̍ Je̍su Kristu, ket agbanag didi ka pakasingnan iya kinaDiyus se̍ kinadayaw ne̍ Apu Diyus.

Pilipus 1:20

Ta panggep ku se̍ namnamaec nga unay nga awan nad kuma pakaiyal-alyewwac maipanggep iya panagtungpal ku iya orey nagan na nga pagrebngac, no di tumured dac kuma lugud iya orey nagan na. Agten iyan nac kuma ngarud, tasun gapu iyaken, maidaydayaw kuma nge̍ Kristu ita, agten mettas iya panangipadayaw ku nga pe̍yeng igina, orey iya panagbiyag ku wi, winno iya pannakatey ku nad mettas.

1 Pe̍dru 1:21

Ket gapu igina, mamati kayu e̍ Apu Diyusin. Igina ya nangpaungar se̍ nangpadayaw e̍ Kristu, itu nga e̍ Apu Diyus ya patpatiyen se̍ namnamaen nun.

1 Pe̍dru 4:11

Kaspagarigan no ya pannakabalin nga mangaskasaba kuma ya naitalec ikew, mangasaba ka ngarud, ngem silalagip ka kuma nga ya kagi ne̍ Apu Diyus met ya ikaskasaba mun. Ket no ya pannakabalin nga tumulung ya naitalec ikew, ket tumulung ka ngarud, ngem sitatalec ka iya kabaellan nga e̍cde̍ ne̍ Apu Diyus. Agten iyan kuma ya wanglen nu, tasun e̍ Apu Diyus ya maidaydayaw iya amin nga wangwanglen nu, gapu e̍ Je̍su Kristu, ta igina met ya maikari nga madayaw se̍ agturay ka agnanayun. Agten iyan kuma.

1 Pe̍dru 4:14

Ket no mauyaw kayu gapu iya panamati nu e̍ Kristu, maragsakan kayu latta. Ta aged-edyan met dakayun ya Ispiritu nga pagtaudan niya dayaw, nga itu ya Ispiritu ne̍ Apu Diyus.