Juan 11:39 - Ya Baru nga Tulag

³⁹ Ket kinunen ne̍ Je̍sus, “Ipac nu kay ya batu nga giset na,” kunen na. Ngem e̍ Marta nga kabsat nito natey, kinunen na, “Ngem nalabin, Apu, ta eppat nga algew na nga naitamen nin!” kunen na.

Juan 11:39 Iomraidhean Croise

Markus 16:3

Ket ito manmanalan dito babey, nagtetebbar da nga kinunen da, “Nagan ngata ya pangibagaan tida nga mangbukalig ito dackel nga batu nga naigiset ito tamen?” kunen da.

Juan 11:17

Ito nakadateng de̍ Je̍sus enna sakup niya Be̍tanya ngin, nadamag da nga naitamen nin to Lasaru, ket eppat nga algew nan.

Aramid 13:36

Ngem to Ari Dabid nga gennung, ito nalpas dito nipawangel ne̍ Apu Diyus igina, nga tumulung kadito toltoley itun, natey mettin. Ket nitamen da pe̍ nga agten kadito akinputputut igina, se̍ naropsa pe̍ to bangkay na.

Aramid 2:27

Ta emmuc ngamin nga ikew, madi nac baybay-an iya pennan diya natey. Se̍ madi ka ipalubus nga maropsa ya beggic, iyaken nga dungdungnguwem nga agsirsirbi ikew.

2 Kurintu 2:16

Ket diya toley nga madi da emmu ya panangisalakan ne̍ Apu Diyus, dake̍c igida yan nga ellab, ta itu ya ellab niya pakatayan da. Ngem diya toley nga makaemmu win iya panangisalakan na igida, ket nabaru met igida yan nga ellab, ta itu ya ellab niya pakabiyagan da. Ay, masdaaw wac. Ta emmuc nga awan sigud nga kabaellan mi idi nga panagsirbi mi e̍ Apu Diyus. Ta awan toley nga maikari idi!

Pilipus 3:21

Ket igina met ya mangbaliw nad kadiya kackaasi nga beggi tida. Pagbalinen na da nad nga agten mettas iya napadayaw nga beggi na ita. Ket ya pannakabalin nga usaren na nad iya panangbaliw na dactida, ket itu ya agten mettas nga pannakabalin nga usaren na tasun pagbalinen na nga agpaituray igina diya amin.