Juan 11:38 - Ya Baru nga Tulag

³⁸ Ket napalaus manin ya leddaang ne̍ Je̍sus ito umadenni da ito tamen. Ket to tamen, liyang nga nagistan ka isa nga dackel nga batu.

Juan 11:38 Iomraidhean Croise

Matyu 27:60

se̍ na nipisuc iya mismu nga tamen na nga nailiyang ka batu. Ket ito naipisuc kin, binukalig nito Huse̍ ya isa nga dackel nga batu nga nanggiset na ito tamen, ket pimanawin.

Matyu 27:66

Ket iya agten iyan, nawe̍ da ngarud. Ket nipasnec da nga tutu to panangbantay da ito tamen, nga uwed nibaldeng da nga pakadlawan da ito ruwangan na, se̍ pinabantayan da pe̍ yin.

Markus 15:46

Ket nawe̍ ngarud ngimina nge̍ Huse̍ ka luput nga maawagan ka line̍n. Ket ito naidsag na to bangkayin, kinubit na ito luput nga line̍n, se̍ na nipisuc iya isa nga tamen nga nailiyang ka batu. Ket kalpasan na, nangbukalig ka dackel nga batu nga nanggiset na ito tamen.

Markus 8:12

Ket e̍ Je̍sus, imanges met ka nabileg gapu iya leddaang na, ket kinunen na, “Ape̍ nga gabay diya toltoley ita nga timpu ya makasingen ka pagilasinan? Ya kinapudnu na, awan lugud maipasingen nga pagilasinan kadiya toltoley ita,” kunen na.

Lukas 24:2

Ket ito dimateng da antuni, nasingen da nga ya dackel nga batu nga naigiset ito nailiyang nga tamen, naibukalig mettin.

Juan 11:33

Ket ito nasingen ne̍ Je̍sus nga agsangsangit nge̍ Marya ngin se̍ orey pe̍ dito Hudyu nga nibulun igina, nakipagleddaang ngarud igida, ket nasakit nga unay ya ricna na.

Juan 20:1

Ito gibegibet pekkem mas iya agsapa niya Duminggu, nawe̍ to Marya nga iMagdala ito nakaitamennan ne̍ Je̍sus. Ket nasingen na nga naipac gayamin to dackel nga batu nga naigiset ito tamen nan.