Juan 11:36 - Ya Baru nga Tulag

³⁶ Itu nga kinunen dito Hudyu, “Singen nu! Napalaus met pe̍ ya panangipateg na igina!” kunen da.

Juan 11:36 Iomraidhean Croise

Juan 11:19

adu pe̍ dito Hudyu nga taga-antuni nga nawe̍ nakipagladingit kade̍ Marta nge̍ Marya gapu ito pannakatey nito kabsat da nga lalaki.

Juan 11:3

Ket ito agsakit nge̍ Lasaru, nangibon dito babey nga agkabsat ka nawe̍ nangipadamag e̍ Je̍sus. Ket kinunen ngarud dito naibon e̍ Je̍sus, “Apu, agsakit ya patpatgem nga gayyem,” kunen da.

E̍pe̍su 5:2

Ta to panangipateg ne̍ Kristu dactida itun, itu kuma ya ugali nga tultuladen nu ita iya panagbiyag nu. Ta e̍ Kristu, nipalubus na met ya pannakaidatun niya beggi na mettas para dactida. Ket inannamungan ne̍ Apu Diyus yan nga winangel na, nga arig nga nabangug nga sagut se̍ datun nga makaay-ayu mettas e̍ Apu Diyus.

E̍pe̍su 5:25

Ket dakayu nga lalaki nga uwed asawa nan, ipateg nu met diya asawa nu, nga agten mettas iya panangipateg ne̍ Kristu iya bungguy mamati, nga itu ya gapu nito nakatayan na. Ta nipaay na met ya beggi na para dactida nga bungguy mamati,

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

Paltiing 1:5

se̍ gayat pe̍ e̍ Je̍su Kristu. E̍ Je̍su Kristu ya mapagtalkan nga mangipakaemmu iya pudnu, se̍ igina met ya kaonaan nga Anac nga napagungar nga katurayan, se̍ igina met pe̍ ya agiturayin kadiya ar-ari iya lubung ngi. Daydayawen tida kuma ngarud nge̍ Je̍su Kristu win, ta igina met ya mangay-ayat dactida, se̍ ya nangwayawaya dactida iya pannakabalin diya basbasul tida, gapu iya pannakaidaga niya beggi na mettas.