Juan 11:25 - Ya Baru nga Tulag

²⁵ Ket kinunen ne̍ Je̍sus igina, “Iyaken mettas ya mangpaungar se̍ mange̍cde̍ ka biyag. Dikad pe̍ ya mamati iyaken, orey no matey, agbiyag nad mettas.

Juan 11:25 Iomraidhean Croise

Lukas 23:43

Ket kinunen ne̍ Je̍sus igina, “Pudnu met yani nga ibagac ikew: Ita mettas nga algew, makipagedyan ka iyaken nin ka Paraisu,” kunen na.

Juan 1:4

Idi nga maawagan ka Kagi, igina ya pagtaudan niya biyag. Ket idi nga biyag, itu ya arig nga mangwada iya lemlemmet diya toley.

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 3:16

Tutu met yan, ta gapu iya napalaus nga panagayat ne̍ Apu Diyus kadiya toltoley idi nga lubung, niyawat na ya kackaisu nga Anac na, tasun amin nga mamati igina, madi mapukaw, no di lugud mae̍cdan ka agnanayun nga biyag.

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Juan 5:21

Ta no ya Ama, pagungaren na diya natey ket biyagen na da met. Ket agten met pe̍ ya Anac, ta mange̍cde̍ pe̍ ka biyag kadiya gabay na nga e̍cdan.

Juan 5:26

Tutu met nga agten iyan, ta ya Ama mettas ya pagtaudan niya biyag, ket itu nga ne̍cde̍ na met pe̍ iya Anac na ya turay nga mange̍cde̍ ka biyag.

Juan 6:35

Ket e̍ Je̍sus, kinunen na ngarud igida, “Iyaken met yan nga pagbiyag, nga maiyarig ka makan nga pakabiyagan. Itu nga ya umadenni nga sumurut iyaken, madi met mabisinin. Ket ya mamati iyaken, madi pe̍ mewwew win.

Juan 6:44

Agten idi: Awan makaadenni nga sumurut iyaken no madi awisen nga mona niya Ama nga nangibon iyaken. Ket diya umadenni nga sumurut iyaken, pagungarec da nad ngarud iya kaodiyan nga algew.

Aramid 3:15

Ket iya agten iyan, nipapatey nu met ya pagtaudan niya biyag. Ngem pinagungar mettas ne̍ Apu Diyus. Ket dakami, nasacsiyan mi met yan.

Ruma 4:17

nga agten iya kunen ne̍ Apu Diyus iya Bibliya maipanggep igina, nga kunen na, “Pinagbalin naka nga ama diya adu nga toltoley kadiya adu nga il-ili,” kunen na. Ket iya agten iyan, siguradu nga matungpal yan nga kari ne̍ Apu Diyus. Ket e̍ Apu Diyus nga pinati ne̍ Abraham, itu mettas ya Diyus nga mangpaungar kadiya natey se̍ ya mangpauwed gapu iya bilin na kadiya awan pekkem.

Ruma 8:2

Ta ya turay niya paglinteggan niya Ispiritu nga mangipaay ka biyag, itu met ya nangwayawaya dactidan iya pagturayan niya basul se̍ patey, gapu iya pannakairaman tida iya kasasaad ne̍ Kristu Je̍sus.

1 Kurintu 15:18

Se̍ no tutu nga agten iyan, napukaw ngas mettin dito natey yin nga namati e̍ Kristu.

1 Kurintu 15:29

Ket no tutu ya kunen da nga madi kanu agungar diya natey, ape̍ ngarud nga agbautisar dito duduma nga maigapu kadiya natey? Nagan ngarud ya pagnamnamaan da no bekken nga ya pannakapagungar diya natey?

2 Kurintu 4:14

Ta emmu mi met nga e̍ Apu Diyus nga nangpaungar e̍ Apu Je̍sus, igina met pe̍ ya mangpaungar nad dactida, gapu iya pannakairaman tida e̍ Je̍sus. Ket dakami se̍ dakayu, iyadenni nactida nad nge̍ Apu Diyus igina mettas.

Pilipus 1:23

ta madi yac emmu nga tutu ya gabgabay ku kadidi nga duwa, ya matey winno agbiyag gac pekkem. Ta gabay ku nga unay ya pumanaw iya biyag nga idi nin, nga makitipun iya edyan ne̍ Kristu win, ta itu ngarud ya nabarbaru no iyaken.

Pilipus 3:10

Ket ya ipatpateg ku ngarud ita, ket itu ya pannakaem-emmuc e̍ Kristu, se̍ ipatpateg ku pe̍ ya panaglak-am ku iya pannakabalin nga naipasingen ito panagungar na. Ket se̍ ipatpateg ku pe̍ ya panaglak-am ku ka panagrigrigat nga arig mettas kadito panagrigrigat ne̍ Kristu itun, tasun pumarparis sac kuma iginan ito pannakatey na.

1 Te̍salunika 4:14

Ta dactida, mamati tida nga natey nge̍ Je̍sus, ngem nagungar mettas. Itu nga patiyen tida pe̍ nga e̍ Apu Diyus, paibulun na nad e̍ Je̍sus dito natey nga namati igina.

Paltiing 1:18

Iyaken ya sibibiyag nga pe̍yeng. Natey yac itun, ngem ita, singem, sibibiyag gac kun ka agnanayun. Ket iyaken ya nakaitalkan diya arig nga tulbec niya pannakabalin niya patey se̍ ya pagtuukan diya natey enna Hade̍s.

Paltiing 20:5

Ket itu yani ya mona nga panagungar diya natey. Ngem dito duduma nga natey, madi da pekkem nagungar agingga ka madi pekkem nalpas to sangaribu nga dagun.

Paltiing 21:4

Ket liwliwaen na da nad nga punasen na diya amin nga luwa da. Awan nad matey yin, winno agladingitin. Awan nad pe̍ agberritin winno agrigatin, gapu ta nakabas mettin dito daan nga banbanag,” kunen na.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.

Paltiing 22:17

Ket, “Umbe̍t ka kuma ngin!” kunen met niya Ispiritu ne̍ Apu Diyus se̍ ya Nubya. Ket diya makagicna idi nga ayab, kunen da kuma pe̍, “Umbe̍t ka kuma ngin!” Ket diya mewwew, umadenni da kuma ngarud nga makiinum, ta mapalubusan mettin diya mayat nga makiinum ito danum nga mange̍cde̍ ka biyag, ket awan pe̍ bayad na.