Juan 11:20 - Ya Baru nga Tulag

²⁰ Ket ito nadamag ne̍ Marta nga sumungsungad nge̍ Je̍susin, rinumwar nga nawe̍ simabet igina. Ngem e̍ Marya, nabati iya uneg nito baley da.

Juan 11:20 Iomraidhean Croise

Matyu 25:1

Nituluy ne̍ Je̍sus ya panagkagi na, nga kinunen na, “Ya panangituray niya Nailangitan kadiyan nad nga algew, maiyarig iya agten idi: Uwed sangapulu nga babbalasang nga nakipakalun. Ket nawe̍ da nga sumabet iya umbe̍t nga nubyu, nga nagkakalneb da ka nidal-ag nga dilag.

Matyu 25:6

“Ket ito tengnga gabi yin, uwed nagpekkaw nga kinunen na, ‘Ala! Uwed ya nubyu win! We̍ kayu sabten nin!’ kunen na.

Juan 11:30

ta madi da pekkem imuneg iya ili, no di lugud nagsardeng da pekkem ito nangsabtanan ne̍ Marta igida.

Aramid 10:25

Ket ito lumnec nge̍ Pe̍dru win, sinabet ne̍ Kurne̍lyu, ket naglakeb iya sangu ne̍ Pe̍dru nga sidadayaw igina.

Aramid 28:15

Ket diya kakabsat mi ka pammati ka Ruma, ito nadamag da nga uwed kami iya dalan nga agpa-Ruma ngin, inumbe̍t dakami sinabet ito deyyu kami pekkem. Ta ito ili nga maawagan ka Tindaan ka Apiyu ya nangsabtan dito duduma dakami. Se̍ dito duduma, ito ili nga maawagan ka Tellu nga Pagdagusan ya nangsabtan da dakami. Ket ito nasingen ne̍ Pablu da, nagyaman ngarud e̍ Apu Diyus, se̍ bimileg ya ricna nan.

1 Te̍salunika 4:17

Kalpasan niyan, dactida nga sibibiyag nga madi pekkem nga natey, maalac tida nad pe̍ nga maibulun igida iya edyan diya ul-ulep, tasun sabten tida ya Apu iya ngudu. Ket iya agten iyan, makipagedyan tida nad iya Apu ka agnanayun.