Juan 10:5 - Ya Baru nga Tulag

⁵ Ngem madi da mipuyut ka sabali nga toley nga bekken da nga apu, no di da lugud itagtagan, gapu ta madi da emmu ya timec na,” kunen na.

Juan 10:5 Iomraidhean Croise

Markus 4:24

Ket kinunen na pe̍ igida, “Panunuten nu nga nalaing diya magicna nu, nga arig nga rukuden nu didi. Ta mae̍cdan kayu nad ngarud ka pannakaawat sigun iya arig nga pagrukud nu ita. Ngarud, nakarkaru pekkem met ya mae̍cde̍ nad dakayu.

Lukas 8:18

Itu nga agdengngeg kayu kuma nga nalaing. Ta ya kinapudnu na, ket ya toley nga uwed pannakaawat nan, madgaan nad pekkem. Ket ya awan pannakaawat na, maipac nad met igina orey diya pagpagarupen na nga maawatan na,” kunen na.

Juan 10:16

Ket uwed pe̍ duduma nga ibilang ku nga karne̍ruc nga madi pekkem naitipun idi nga bungguy. Ket masapul nga sakupec da met pe̍. Ipangag da nad ngarud ya timec ku no pekkawac da. Ket iya agten iyan, is-isa nad nga bungguy ya mangsakup igida, ket is-isa ya agay-aywan igidan.

Juan 10:4

Ket no naparuwar na amin diya bukud na nga karne̍ru win, mon-ona ngem igida nga manalanin. Ket mipuyut ngarud diyan nga karne̍ru igina, gapu ta emmu da ya timec na.

2 Timutyu 4:3

Agten iyan kuma ya wangwanglem, ta uwed timpu nad nga madi ipangag diya toltoley ya kustu nga panursuru, no di lugud paiturayan da ngas nad kadiya uwed iya kabucbukudan da nga panpanunut. Itu nga adu nad diya ipatpateg da nga manursuru nga mangibaga ngas kadiya paggugustu da nga dengdenggen.

1 Juan 2:19

Didi nga kumunkuntra e̍ Kristu, ket bekken tida nga tutu nga kamkameng didi, itu nga simina da dactidan. Ta no tutu da kuma nga kamkameng tida, ituluy da kuma ya pannakitipun da dactida. Ngem simina da mettin, ket itu nga nabatadin nga bekken tida da nga tutu nga kamkameng.

1 Juan 2:21

Madic met kunen nga madi kayu pekkem emmu ya pudnu maipanggep iya pammati tida, ta emmu nu ngarudin. Ngem isurat ku yani dakayu gapu ta gabay ku was nga ipalagip dakayu, se̍ gapu ta emmu nu met nga awan busid nga tumaud iya kinapudnu.

Paltiing 2:2

Emmuc diya wangwangel mu, se̍ ya panagbannug se̍ panaganus mu. Emmuc pe̍ nga madi ka ipamoya diya toltoley nga dake̍c ya ugali da. Ket dito busid nga apustule̍s nga nagkunen nga apustule̍s da kanu, ket inemmum da, ket naemmuwam nga busid da met.