Juan 10:38 - Ya Baru nga Tulag

³⁸ Ngem orey di dac gabay nga patiyen, patiyen nu kuma lugud diya wangwanglec, tasun gapu kadidi nga pagilasinan, masursuruwan kayu se̍ maemmuwan nu kuma nga naitipun ya Ama iyaken, se̍ naitipun nac met pe̍ igina,” kunen na.

Juan 10:38 Iomraidhean Croise

Juan 10:25

Ket kinunen ne̍ Je̍sus igida, “Nibagac met dakayun, ngem di dac met patiyen. Diya wangwanglec gapu iya kinaturay nga nipaay niya Amac iyaken, itu diyan diya mangipanecnec dakayu maipanggep iyaken.

Juan 10:30

Ngarud, ya Ama se̍ iyaken, ket is-isa,” kunen na.

Juan 11:4

Ket ito nagicna ne̍ Je̍sus yan, kinunen na, “Madi ipatey ne̍ Lasaru yan nga sakit na. Pakaidayawan ne̍ Apu Diyus yan nga sakit na, ta gapu idi nga mapaspasamac, uwed nad met pakaidayawan niya Anac ne̍ Apu Diyus,” kunen na.

Juan 14:20

Ket nad no madatngan yanin, mapanecnekkan nu nga uwed dac nga tutu iya Amac, ket dakayu, uwed kayu met iyaken, se̍ uwed dac pe̍ dakayu.

Juan 17:11

Ket ita, madic agedyan idi nga lubungin, ta sumoli yac ikew win. Ngem igida, mabati da pekkem iya lubung ngi. Ama nga Nailangitan, aywanam da kay gapu iya pannakabalin niya turay mu, nga itu mettas ya turay nga nitalec mu pe̍ iyaken. Aywanam da kuma ngarud, tasun agkaykaysa da kuma pe̍ nga agten iya panagkaykaysa ta.

Juan 3:2

Iya name̍nsan, ginabi nito Nikude̍mu ya nawe̍ iya edyan ne̍ Je̍sus. Ket kinunen na igina, “Mistru, emmu mi nga isa ka nga manursuru nga nibon ne̍ Apu Diyus. Ta awan makaariman kadiya nakaskasdaaw nga pagilasinan nga ar-arimanem, no awan igina nge̍ Apu Diyus,” kunen na.

Juan 5:36

Ngem ya pammanecnec nga uwed iyaken, nabacbaked pekkem ngem ito panangipanecnec nito Juan. Ta diya ipawpawangel niya Ama iyaken, itu pe̍ diya mangpanecnec iya maipanggep iyaken. Ket itu ngarud didi diya wangwanglec ita. Ket didi met diya mangipasingen nga nibon nac nga tutu ya Ama.

Aramid 2:22

Ket nituluy ne̍ Pe̍dru to panagpalawag na nga kinunen na, “Kapadpadac nga Israe̍lita, denggen nu kuma ya ibagac. No maipanggep e̍ Je̍sus nga iNasare̍t, nipakaemmu ne̍ Apu Diyus dactida ya nakaibonan na, ta uwed nipasingen na dakayu nga nakaskasdaaw, se̍ milagru se̍ pagilasinan. Ngem emmu nu diyanin, ta nasingen nu met dito nipawangel ne̍ Apu Diyus e̍ Je̍sus itun iya imatang nu mettas.

1 Juan 3:24

Ket diya agtungpal kadiya bilin ne̍ Apu Diyus, silalagip da igina, ket silalagip met pe̍ nge̍ Apu Diyus igida. Ket emmu tida nga tutu nga silalagip nge̍ Apu Diyus dactida, ta uwed met dactida ya Ispiritu na nga nipaay na dactidan.