Juan 10:36 - Ya Baru nga Tulag

³⁶ Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 10:36 Iomraidhean Croise

Matyu 27:43

Agtalec kanu e̍ Apu Diyus. Ala, isalakan kuma ngarud ne̍ Apu Diyus ita ngi nin, no tutu nga magustuwan na yani. Ta kinunen kanu met nidi nga toley nga, ‘Anac nac nge̍ Apu Diyus,’ kunen na kanu met,” kunen da.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Lukas 1:35

Ket kinunen nito anghe̍l igina, “Umbe̍t met ikew ya Ispiritu Santu, ket uwed nad met ikew ya pannakabalin niya Kangatuwan. Itu nga ya iyanac mu nad nga awan basul na, ket maawagan ka Anac ne̍ Apu Diyus.

Juan 10:35

Ket emmu tida met nga pudnu ya naisurat iya Bibliya, ket madi mabaliwan orey ka agnanayun. Iya agten iyan, e̍ Apu Diyus mettas ya nanginagan kadito nangagiyan na nga diyus da kanu.

Juan 17:18

Ket ita, nibon ku da nga mangtungpal iya gagara da idi nga lubung, nga agten pe̍ ito panangibon mu iyaken idi nga lubung.

Juan 17:21

Ikarkararag ku nga agkaykaysa da kuma nga amin, nga agten mettas dacta, Ama. Ta naitipun ka iyaken, se̍ naitipun nac met pe̍ ikew, ket maitipun da kuma pe̍ dacta. Ngarud, agkaykaysa da kuma, tasun diya toley idi nga lubung nga madi pekkem mamati, patiyen da kuma nga tutu nga ikew ya nangibon iyaken idi.

Juan 17:8

Ta nipakaemmuc igida diya amin nga nipaibagam iyaken igida, ket inawat dan. Ket emmu dan nga tutu nga gayat tac ikew, se̍ patiyen da pe̍ yin nga ikew ya nangibon iyaken.

Juan 19:7

Ket kinunen dito Hudyu, “Sigun iya isa nga bilin iya linteg mi, rebbeng na ya matey ya agten iyan nga toley, ta kunen na met nga igina kanu ya Anac ne̍ Apu Diyus,” kunen da.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 3:17

Ta nibon ne̍ Apu Diyus ya Anac na idi nga lubung tasun maisalakan kuma diya toley gapu igina, nga bekken nga tasun ukumen na da.

Juan 3:34

Tutu met yan, ta ya nibon ne̍ Apu Diyus, kagiyen na diya kagi ne̍ Apu Diyus. Ta madi nipaidam ne̍ Apu Diyus to panange̍cde̍ na iya Ispiritu na igina.

Juan 5:30

“Ket iyaken, awan mawangel ku nga kabucbukudac, no di lugud sigun nas iya ibaga niya Ama iyaken ya panangukum ku. Ket itu nga nalinteg ngas ya panangukum ku, ta bekken nga ya tarigagay ku ya wanglec, no di ngas ya gabay niya nangibon iyaken,” kunen ne̍ Je̍sus.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 6:38

Ta inumbe̍t tac nga gayat ka langit, tasun wanglec ya tarigagayan niya nangibon iyaken, bekken nas nga ya tarigagayac.

Juan 6:57

“Agten idi: Ya Ama nga sibibiyag, igina ya nangibon iyaken idi. Ket gapu ta igina ya pagtaudan niya biyag, agbiyag gac met. Ket agten iyan met pe̍ ya toley nga mangan iyaken, ta agbiyag met pe̍ gapu iyaken.

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Juan 8:42

Ngem kinunen ne̍ Je̍sus igida, “No tutu mettas nga e̍ Apu Diyus ya ama nu, ayaten dac met pe̍ kuma. Ta e̍ Apu Diyus met ya naggayatac. Ket iya agten iyan, nagparang ngac idi nin. Madic inumbe̍t gapu was iya bukud ku nga panpanunut, no di lugud nibon nac nge̍ Apu Diyus.

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

Ruma 9:5

Ket diya kailiyac met pe̍ diya kapututan dito nona nga am-ama tida nga pinili ne̍ Apu Diyus itun, nga nagbalin nga toley na. Se̍ no maipanggep iya kinatoley ne̍ Kristu, ket pada da met pe̍ nga Hudyu, nga igina met ya mangituray ka amin, ket igina met ya Diyus nga madaydayaw ka agnanayun. Agten iyan met nga tutu.

Galasiya 4:4

Ngem ito nadatngan ya kustu nga timpu win, nibon ne̍ Apu Diyus ya Anac na idi nga lubung. Nibon na nga paiyanac iya isa nga babey. Ket nasakupan met pe̍ itun niya turay niya Linteg diya Hudyu,