Juan 10:3 - Ya Baru nga Tulag

³ Ket ya agbanbantay iya ruwangan niya kudal, lukatan na para iyan nga pudnu nga agay-aywan kadiya karne̍ru. Ket diya karne̍ru na, mailasin da ya timec na no awagan na diya nagnagan da, no paruwaren na da.

Juan 10:3 Iomraidhean Croise

Juan 10:14

“Ngem iyaken met ya nabaru nga agay-aywan. Ket agten idi: Em-emmu nac ya Ama, se̍ em-emmuc met pe̍ ya Ama. Agten nac pe̍ iyan, ta em-emmuc diya karne̍ruc, se̍ em-emmu dac met pe̍. Ket iyaken, nakasagana ngac ngarud nga matey, nga mangipaay iya biyag ku para kadiya karne̍ruc.

Juan 10:16

Ket uwed pe̍ duduma nga ibilang ku nga karne̍ruc nga madi pekkem naitipun idi nga bungguy. Ket masapul nga sakupec da met pe̍. Ipangag da nad ngarud ya timec ku no pekkawac da. Ket iya agten iyan, is-isa nad nga bungguy ya mangsakup igida, ket is-isa ya agay-aywan igidan.

Juan 10:4

Ket no naparuwar na amin diya bukud na nga karne̍ru win, mon-ona ngem igida nga manalanin. Ket mipuyut ngarud diyan nga karne̍ru igina, gapu ta emmu da ya timec na.

Juan 10:9

“Ngarud, iyaken ya arig nga ruwangan. Ket diya amin nga manalan iyaken nga umuneg, maisalakan da ngarud. Ket didi nga maiyarig ka karne̍ru, ket siwayawaya da nga umuneg winno rumwar nga mawe̍ iya pagaraban da nga awan kansing da.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Juan 6:45

Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken.

Ruma 8:30

Ket diya panggep na nga agbalin nga agten iya Anac na, itu diya pinili na, se̍ na nibilang da nga nalinteg gin, se̍ niraman na da pe̍ iya pannakapadayaw na.

1 Kurintu 16:9

Agedyan nac pekkem ngarud idi, ta adu nga tutu ya paglaingan niya wangel ku ennidi, ket kamuwec kuma ngarud. Ngem adu pe̍ diya mangkuntra kadiya isursuruc ennidi.

Pilipus 4:3

Ket ikew nga pudnu nga kawanglac iyan, gabay ku ngarud no ikew kuma ya mangsingen kadiyan nga duwa nga babey, ta kabulun ku da itun iya panangipacpakaemmuc iya Makaparagsac nga Damag. Ngarud, kabulun ku da, agraman e̍ Kle̍me̍nte̍ se̍ dito duduma nga kinawanglac iya panagsirsirbic. Ket naisurat ngarud diya nagan diyanin iya libru nga pakaisuratan diya nagnagan diya mae̍cdan ka biyag nga agnanayun.

Kulusas 4:3

Ket ikarkararagan dakami kay pe̍, tasun e̍cdan nakami nge̍ Apu Diyus ka gundaway iya panangipakaemmu mi iya kagi na. Ta maikasaba mi kuma ya panggep na maipanggep e̍ Kristu, nga madi pekkem naipakaemmu itun. Ket itu pe̍ yan ya gapu na nga uwed dac nga sibabaludin.

2 Timutyu 2:19

Ngem ya panursuru nga gayat e̍ Apu Diyus, madi met mariribuc ya pungut na, ta nabaked met. Ket maiyarig nga namarkaan kadidi nga kagi: “Emmu ne̍ Apu Diyus no nagan diya toltoley na.” Se̍ kunen na pe̍, “Amin diya umapu igina, ket masapul nga ipac da diya wangwanglen da nga dake̍c,” kunen na met.

1 Pe̍dru 1:12

Ket nipakaemmu ne̍ Apu Diyus kadito mammadtu itun nga bekken nga maipanggep igida itun ya kaipapennan nito panagsirsirbi da, no di lugud maipanggep dakayu ita nga timpu. Ket ita, itu yani ya Makaparagsac nga Damag nga nipakaemmu diya mangaskasaba dakayu, gapu iya Ispiritu Santu nga naibon nga gayat ka langit. Ket orey pe̍ diya anghe̍le̍s ne̍ Apu Diyus, kinalikaguman da met pe̍ nga maemmuwan kuma ya banag nidi nga damag.

1 Juan 4:6

Ngem dactida, kamkameng nactida nge̍ Apu Diyus. Ket diya makaem-emmu e̍ Apu Diyus, ipangag da ngarud diya isursuru tida. Ngem diya bekken nga kamkameng ne̍ Apu Diyus, madi nactida gabay nga ipangag. Ket agten iyan ya pakailasinan tida iya pudnu nga panpanunut nga gayat e̍ Apu Diyus, se̍ ya panpanunut nga busid.

3 Juan 1:14

Ta namnamaec nga agsingen ta iya di mabayagin, ket itu nad ya panagam-amlang tan.

Paltiing 20:15

Ngarud, to dackel nga pagapuyan, itu ya nakaipisukanin dito orey nagan na nga awan nagan da nga naisurat ito libru nga nakaisuratan diya nagnagan diya mae̍cdan ka biyag nga agnanayun.

Paltiing 3:20

Denggem yani: Uwed dac kun iya ruwar niya gagayangan nga tumogtogtogin. Ket no uwed makagicna iya timec ku, se̍ no ilukatan nac, ket umuneg gac ngarud iya baley na, se̍ agsangu kami nga manganin.

Paltiing 7:17

Ta ya Urbun Karne̍ru nga uwed iya sangu niya trunu, igina met ya agay-aywan igidan, ket iturung na da ka arig nga ubbug nga mange̍cde̍ ka biyag. Ket liwliwaen ne̍ Apu Diyus da, tasun awan pulus agberberrit igidan,” kunen na.