Juan 10:28 - Ya Baru nga Tulag

²⁸ Ket e̍cdac da ngarud iya agnanayun nga biyag, ket madi da mapukaw nga pulus, se̍ awan makaagaw igida iya panangaywan ku.

Juan 10:28 Iomraidhean Croise

Markus 13:22

Ta uwed da nad agparang nga sinan-Kristu se̍ sinan-mammadtu, ket agariman da nad ka pagilasinan se̍ nakaskasdaaw, tasun, no mabalin, gabay da nga iyaw-awan kuma diya pinili ne̍ Apu Diyus nga toley na.

Lukas 23:46

Ket e̍ Je̍sus ito krus na, nagpekkaw met nga kinunen na ka nabileg, “Ama, italec ku ikew ya kararuwac,” kunen na. Ket ito nakagi na yanin, awan anges nan.

Juan 10:29

Ya Amac, nitalec na da iyaken, ket igina met ya kangatuwan iya amin. Itu nga awan ngarud makaagaw igida iya panangaywan niya Ama.

Juan 11:25

Ket kinunen ne̍ Je̍sus igina, “Iyaken mettas ya mangpaungar se̍ mange̍cde̍ ka biyag. Dikad pe̍ ya mamati iyaken, orey no matey, agbiyag nad mettas.

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 17:2

Ta ne̍cdam ya Anac mu ka turay nga mangituray kadiya amin nga toltoley, tasun maipaay na ya biyag nga agnanayun kadiya amin nga nitalec mu igina.

Juan 18:9

Agten iyan to kinunen ne̍ Je̍sus tasun matungpal kuma to kinagi na itun nga awan kanu orey isa nga napukaw kadito nitalec niya Ama igina.

Juan 3:36

Dikad pe̍ diya mamati iya Anac, uwed igidan ya biyag nga agnanayun. Ngem diya madi agtungpal iya Anac, madi da aglak-am iyan nga biyag, no di lugud uwed igida ya panangukum ne̍ Apu Diyus.

Juan 4:14

Ngem diya amin nga uminum iya danum nga e̍cde̍c igida, madi da nad mewwew win. Ta ya danum nga e̍cde̍c, agbalin nga arig nga ubbug nga kumkumbuwar manipud iya uneg niya toley, ket mange̍cde̍ igina ka makabiyag nga danum, nga itu ya biyag nga agnanayun,” kunen na.

Juan 5:24

“Tutu met yani nga kunec dakayu: Ya mangipangag kadiya kagic se̍ mamati iya nangibon iyaken, uwed iginan ya biyag nga agnanayun. Ket madi nad maukum, no di lugud nailisi yin iya pannakaukum na, ket naiyalisin iya turay niya biyag, manipud iya turay niya patey.

Juan 6:27

Ala! Gicnaen nu yani! Bekken kuma nga ya pagbiyag nga mapirdi ngas ya ikarigatan nu nga sapulen, no di lugud ya pagbiyag nga madi maamin, nga itu ya mange̍cde̍ ka agnanayun nga biyag. Ya Anac nga Naipatoley, igina mettas ya mangiyawat dakayu iyan nga pagbiyag. Ta nipasingen nin ne̍ Apu Diyus nga Ama nga uwed igina ya turay na,” kunen na.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Juan 6:47

Pudnu met yani nga kunec: Ya mamati iyaken, uwed iginan ya agnanayun nga biyag.

Juan 6:68

Ket e̍ Simon Pe̍dru ya nangsungbat nga kinunen na, “Awan met sabali nga gabay mi nga pakitipunan Apu, no di yas ik-ikew. Ta ikew was ya makaibaga iya agnanayun nga pakabiyagan mi.

Aramid 7:59

Ito madama da pekkem nga mangdamdampag e̍ E̍ste̍ban, nikararag ne̍ E̍ste̍ban nga kinunen na, “Apu Je̍sus, alac mu ya kararuwac, ta matey yac kun!” kunen na.

Ruma 5:17

Tutu met nga gapu iya basul nito isa nga toley, naggundaway met ya pannakabalin niya patey, gapu mettas iyan nga isa nga toley. Ngem ita, nasigsiguradu lugudin ya panagnamnama tida nga dactida nad met ya aggundaway nga sibibiyag gapu iya isa pe̍ nga toley, nga itu nge̍ Je̍su Kristu. Ta inawat tidan ya nawadwad nga siaayat nga asi ne̍ Apu Diyus se̍ ya sagut na nga siaasi dactida, nga itu ya pannakaibilang tida nga nalinteg iya imatang na.

Ruma 5:2

Ket gapu pe̍ e̍ Je̍su Kristu, uwed mettin gundaway tida nga aglak-am iya siaayat nga asi ne̍ Apu Diyus, nga malak-aman tida ngarudin gapu ka panamati. Ket ipatpateg tida mettin yani nga kasasaad tida. Ket agragsac tida ngarudin gapu idi nga namnamaen tida, nga itu ya pakairamanan tida nad mettas e̍ Apu Diyus iya kinadayaw na.

Ruma 5:21

Agten iyan ngarud, tasun orey naggundaway ya basul, nga agbanag met iya pannakatey, ket aggundaway kuma lattan ya siaayat nga asi ne̍ Apu Diyus, nga itu ya agbanag iya pannakaibilang tida nga nalinteg. Ket iya agten iyan, mae̍cdan tidan ka biyag nga agnanayun gapu e̍ Je̍su Kristu nga Apu tida.

Ruma 5:9

Ket gapu ito pannakaidaga na, napalinteg tidan iya imatang ne̍ Apu Diyus. Ket gapu ta napalinteg tidan, nataltalged tida pe̍ yin nga maisalakan tida nad iya unget ne̍ Apu Diyus nga pangukum na.

Ruma 6:23

Ta ya supapac niya basul, ket patey. Ngem biyag nga agnanayun met nga gennung ya isagut ne̍ Apu Diyus dactida gapu iya pannakaibulun tida e̍ Kristu Je̍sus nga Apu tida.

Ruma 8:1

Dikad pe̍ dactida nga nairaman iya kasasaad ne̍ Kristu Je̍sus, awan pakaukuman tidan.

Ruma 8:29

Ta itun pekkem, emmu ne̍ Apu Diyusin diya toley nga isaad na ita. Ket igida diya sigud nga panggep na nga pagbalinen nga pakasingnan mettas iya gangey ne̍ Je̍su Kristu nga Anac na, tasun e̍ Je̍su Kristu ya maibilang nga kainunaan se̍ katurayan nga kabsat diya amin nga pagbalinen ne̍ Apu Diyus nga anac na.

Pilipus 1:6

Ket siguradu wac nga ilayun ne̍ Apu Diyus ya nabaru nga nirugi nan kadiya nakem nu, agingga ka matungpal nad iya Timpu ne̍ Kristu Je̍sus.

2 Te̍salunika 2:13

Kakabsat, mayat met no pe̍yeng nga agyaman kami e̍ Apu Diyus gapu dakayu nga patpatgen niya Apu. Ta itun pekkem sacbay nidi nga timpu, pinili nakayun nge̍ Apu Diyus nga maisalakan gapu iya panangpalinteg niya Ispiritu Santu dakayu iya imatang ne̍ Apu Diyus, se̍ gapu iya panamati nu iya kinapudnu.

1 Timutyu 1:16

Ngem kinaasiyan nac met nge̍ Apu Diyus, tasun iparangarang ne̍ Je̍su Kristu ya naan-anay nga anus na iyaken nga kadake̍kan. Nipasingen na ngarud ya anus na iyaken tasun iyaken ya pakasingnan diya amin nga mamati nad igina, nga igida diya mae̍cdan ka biyag nga agnanayun.

2 Timutyu 1:12

Ket itu ya gapu na nga laklak-amec didi nga rigrigat ku. Ngem orey agten iyan, awan iyalyew ku kadidi, gapu ta em-emmuc met yan nga talkec. Ket siguradu wac met nga igina ya makaaywan iyan nga nitalec na iyaken agingga nad iyan nga Timpu na.

He̍briyu 7:25

Itu nga awan pulus pagkurangan na ka agnanayun ya panangisalakan na kadiya umadenni e̍ Apu Diyus gapu igina. Ta igina, sibibiyag met nga mangibegbeggi ka agnanayun dactida e̍ Apu Diyus.

1 Pe̍dru 1:5

Ket gapu iya panamati nu, aywanan nakayu nge̍ Apu Diyus gapu iya pannakabalin na patingga iya pakatungpalan niya naisagana nga pakaisalakanan tida nga maipakaemmu nad no kaodiyan nga algew.

1 Juan 1:2

Dakami ya mangipadamag maipanggep iya biyag na, ta nasingen mi met ito nagparang dakami. Itu nga ipakaemmu mi dakayu yani nga biyag, ta naiparang dakami itun. Ket itu yan ya agnanayun nga biyag nga pe̍yeng nga uwed iya Ama orey itun pekkem.

1 Juan 2:19

Didi nga kumunkuntra e̍ Kristu, ket bekken tida nga tutu nga kamkameng didi, itu nga simina da dactidan. Ta no tutu da kuma nga kamkameng tida, ituluy da kuma ya pannakitipun da dactida. Ngem simina da mettin, ket itu nga nabatadin nga bekken tida da nga tutu nga kamkameng.

1 Juan 2:25

Ket laglagipen nu pe̍ ya nikari ne̍ Kristu dactida, nga itu ya agnanayun nga biyag.

1 Juan 5:11

Ket ya banag nidi nga panangipanecnec ne̍ Apu Diyus maipanggep iya Anac na, agten idi: Ne̍cdan nactida nge̍ Apu Diyus ka agnanayun nga biyag, ket ya Anac na mettas ya paggayatan niyan nga biyag.

Hudas 1:1

Iyaken nge̍ Hudas nga agsirsirbi e̍ Je̍su Kristu, se̍ kabsat ne̍ Santiyagu. Isurat ku yani nga surat dakayu nga napateg iya imatang ne̍ Apu Diyus nga Ama, dakayu nga pinili na nga toley na, se̍ maaywanan gapu e̍ Je̍su Kristu.

Hudas 1:21

Laglagipen nu kuma nga pe̍yeng ya panagayat ne̍ Apu Diyus dakayu. Se̍ namnamaen nu kuma nga pe̍yeng ya agnanayun nga biyag nga ipaay niya Apu tida nga Je̍su Kristu nad dactida gapu iya panangaasi na.

Hudas 1:24

Ket itan, laglagipen tida kuma nga pe̍yeng nge̍ Apu Diyus. Igina met ya uwed kabaellan na nga mangaywan dakayu tasun madi kayu maiturung ka pakabasulan. Se̍ igina pe̍ ya uwed kabaellan na nga mangidateng dakayu nad nga sidadalusin se̍ siraragsac kin iya sangu na, nga itu ya edyan nga pakasingnan iya kinadayaw na.