Juan 10:27 - Ya Baru nga Tulag

²⁷ Ta diya karne̍ruc, ikasu da met ya timec ku. Emmuc da, ket suruten dac met.

Juan 10:27 Iomraidhean Croise

Matyu 16:24

Ket kinunen ne̍ Je̍sus itun kadito adalan na, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 25:12

“Ngem kinunen lugud nito nubyu, ‘Madi mabalinin, ta pulus nga madi nakayu em-emmu!’ kunen na.”

Matyu 7:23

“Ket ibagac nad met igida, ‘Pulus nga madi nakayu em-emmu. Agtalew kayu lugud idi nin, dakayu nga managdacdake̍c!’ kunec nad mettas.”

Markus 10:21

Ket e̍ Je̍sus, pineskan na to lalaki yin, ket nipateg ngarud ne̍ Je̍susin. Ket kinunen na ito lalaki, “Uwed pekkem mas isa nga masapul nga wanglem. Mawe̍ ka ilaku diya sansanicwam, se̍ ka e̍cde̍ ya paglakuwam kadiya napanglaw. Ket iya agten iyan, uwed nad kinabacnang mu ka langitin. Ket kalpasan niya panange̍cde̍ mun, umbe̍t nac suruten nin,” kunen na.

Markus 8:34

Ket itun, pinaadenni met ne̍ Je̍susin diya toltoley se̍ dito adalan na. Ket kinunen na igida, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na ya arig nga panangagtu na iya krus na nga pakailansaan na, ket sumurut ngarud iyaken nin.

Lukas 13:27

“Ngem kunen nad manin niya akin-baley, ‘Kunec ngarud nga di nakayu met em-emmu no taga-awac kayu! Umadeyyu kayu iyaken, dakayu nga managdacdake̍c!’ kunen na nad met.

Lukas 9:23

Ket kinunen na pe̍ igida nga amin, “No uwed mayat nga sumurut iyaken, masapul nga ipalikud na diya mismu nga tarigagay na, ket se̍ masapul nga anusan na nga inalgew ya arig nga panangagtu na iya krus na nga pakailansaan na, ket sumurut ngarud iyaken nin.

Juan 10:14

“Ngem iyaken met ya nabaru nga agay-aywan. Ket agten idi: Em-emmu nac ya Ama, se̍ em-emmuc met pe̍ ya Ama. Agten nac pe̍ iyan, ta em-emmuc diya karne̍ruc, se̍ em-emmu dac met pe̍. Ket iyaken, nakasagana ngac ngarud nga matey, nga mangipaay iya biyag ku para kadiya karne̍ruc.

Juan 10:16

Ket uwed pe̍ duduma nga ibilang ku nga karne̍ruc nga madi pekkem naitipun idi nga bungguy. Ket masapul nga sakupec da met pe̍. Ipangag da nad ngarud ya timec ku no pekkawac da. Ket iya agten iyan, is-isa nad nga bungguy ya mangsakup igida, ket is-isa ya agay-aywan igidan.

Juan 10:8

Amin dito duduma nga inumbe̍t nga non-ona ngem iyaken nga nangawag kadiya karne̍ru, ket maiyarig da ka agtatakew winno tulisan. Ket orey nagawag da, madi nga nikasu diya karne̍ru.

Juan 12:26

Ket iya agten iyan, ya mayat nga agsirbi iyaken, masapul nga iyaken ya suruten na, tasun orey no awac ya kapennac, itu met pe̍ yin ya edyan niyan nga agsirsirbi iyaken. Ket diya amin nga agsirsirbi iyaken, idaydayaw nad ngarud niya Ama,” kunen na.

Juan 21:22

Ket kinunen ne̍ Je̍sus, “Bekken mu met nga biyang ya agten iyan. Iyaken nas met ya makaemmu no tarigagayac kuma nga sibibiyag pekkem yan nga toley iya isosolic nad manin idi. Ngem no ikew, basta suruten nac, a!” kunen na.

Juan 5:25

“Tutu met nga uwed nad timpu nga diya toley nga naibilang nga natey iya imatang ne̍ Apu Diyus, ket magicna da ya bilin niya Anac ne̍ Apu Diyus igida. Ket diya mangipangag iya Anac, mae̍cdan da ngarud ka agnanayun nga biyag. Ket kinapudnu na, nadatngan ngarudin yan nga timpu.

Juan 8:12

Ket itun, nagkagi manin nge̍ Je̍sus kadiya toltoley nga kinunen na, “Iyaken ya mangwada ka toley iya lubung ngi. Ya sumurut iyaken, madi manmanalan iya gicbet tin, no di lugud mawadaan ka wada nga mange̍cde̍ ka biyag,” kunen na.

Juan 8:43

Ngem madi kayu maawatan didi nga ibagbagac, gapu ta madi kayu gabay nga gicnaen diya kagic.

Aramid 3:23

Ket no uwed toley nga madi mangipangag nad kadiya ibaga na, maisina kadiya toley ne̍ Apu Diyus, se̍ mapukaw,’ kunen nito Muyse̍s itun.

1 Kurintu 8:3

Ngem ya toley nga agayat e̍ Apu Diyus, itu pe̍ yin ya annamungan ne̍ Apu Diyus.

Galasiya 4:9

Ngem ita, em-emmu nun nge̍ Apu Diyus, winno em-emmu nakayun nge̍ Apu Diyus kunec kuma. Dikad pe̍ ape̍ ngarud nga gabay nu pekkem ya sumoli kadiya awan sirsirbi da nga ganggangey nga awan maipaay da nga paglaingan? Ape̍ aya nga gabay nu manin ya patagabu kadiyan?

2 Timutyu 2:19

Ngem ya panursuru nga gayat e̍ Apu Diyus, madi met mariribuc ya pungut na, ta nabaked met. Ket maiyarig nga namarkaan kadidi nga kagi: “Emmu ne̍ Apu Diyus no nagan diya toltoley na.” Se̍ kunen na pe̍, “Amin diya umapu igina, ket masapul nga ipac da diya wangwanglen da nga dake̍c,” kunen na met.

He̍briyu 3:7

Dikad pe̍ ipangag tida kuma ngarud ya kunen niya Ispiritu Santu, nga kunen na, “Ita nga timpu, no magicna nun ya kagi ne̍ Apu Diyus,

Paltiing 14:4

Ket igida didi diya madi namansaan ka dake̍c maipanggep ka babey, ta pulus nga di da nakitipun ka babey. Igida diya sumursurut ito Urbun Karne̍ru iya orey awac nga pennan na. Se̍ igida met diya toley nga nasubbut, tasun igida ya arig nga mon-ona nga pagdayaw nga maisangu e̍ Apu Diyus se̍ iya Urbun Karne̍ru.

Paltiing 3:20

Denggem yani: Uwed dac kun iya ruwar niya gagayangan nga tumogtogtogin. Ket no uwed makagicna iya timec ku, se̍ no ilukatan nac, ket umuneg gac ngarud iya baley na, se̍ agsangu kami nga manganin.