Juan 10:2 - Ya Baru nga Tulag

² Ngem ya toley nga ya ruwangan ya dalanen na nga umuneg, igina ya pudnu nga agay-aywan kadiya karne̍ru.

Juan 10:2 Iomraidhean Croise

Matyu 15:11

Bekken nga ya maipauneg iya musung niya toley ya makaparugit iya nakem na, no di lugud diya rumwar iya musung na. Yan nga agtaud igina, itu ngarud mettas ya mangrugit igina,” kunen na.

Juan 10:14

“Ngem iyaken met ya nabaru nga agay-aywan. Ket agten idi: Em-emmu nac ya Ama, se̍ em-emmuc met pe̍ ya Ama. Agten nac pe̍ iyan, ta em-emmuc diya karne̍ruc, se̍ em-emmu dac met pe̍. Ket iyaken, nakasagana ngac ngarud nga matey, nga mangipaay iya biyag ku para kadiya karne̍ruc.

Juan 10:7

Dikad pe̍ nipalawag ne̍ Je̍sus ya banag nito pangngarig, nga kinunen na, “Ibagac ya kinapudnu na dakayu: Iyaken ya maiyarig iya ruwangan nga umuneggan diya karne̍ru.

Juan 10:9

“Ngarud, iyaken ya arig nga ruwangan. Ket diya amin nga manalan iyaken nga umuneg, maisalakan da ngarud. Ket didi nga maiyarig ka karne̍ru, ket siwayawaya da nga umuneg winno rumwar nga mawe̍ iya pagaraban da nga awan kansing da.

Aramid 20:28

“Dikad pe̍ ita, dakayu nga panglakayen, agannad kayu nga tunggal isa, se̍ siputan nu pe̍ diya amin nga mamati nga nitalec niya Ispiritu Santu dakayu iya tunggal bungguy nu. Aywanan nu da nga nalaing, ta bukud ne̍ Apu Diyus da nga arig nga ngininaan na da iya daga niya Anac na.

1 Timutyu 4:14

Ket madi ka kuma ngarud liwayan ya pannakabalin nga nitalec ne̍ Apu Diyus ikew. Itu pe̍ ya nipakaemmu dito panglakayen ito nipatey da ikew diya ima da tasun ipasingen da nga mae̍cdan kan ka turay.

Titu 1:5

Malagip mu ya gapu na nga nibati naka enna Kre̍ta itun. Nibati naka ennan tasun urnusem kuma ya kasasaad da ennan, ta uwed pekkem kurang na itun. Nibati naka pe̍ tasun mangdutuc ka ka panglakayen kadiya bungguy diya mamati iya tunggal ili ennan, sigun kadito nibilbilin ku ikew.

He̍briyu 13:20

Ket e̍ Apu Diyus nga mange̍cde̍ ka talna, igina ya pagkararagac maipanggep dakayu. Igina met ya nangpagungar iya Apu tida nga Je̍sus itun. Ket e̍ Apu Je̍sus, igina met ya nagbalin nga Katurayan nga Agay-aywan dactida nga naibilang nga karne̍ru na. Nagbalin ngarud nge̍ Apu Je̍sus nga agten iyan gapu ito naiyayus nga daga na nga nangpatalged iya agnanayun nga tulag ne̍ Apu Diyus dactida.

1 Pe̍dru 2:25

Ta itun, arig kayu nga karne̍ru nga naitewtew. Ngem ita, napasoli kayun iya Agay-aywan dakayu nga Agistimar dakayun.

1 Pe̍dru 5:4

Ket nad no agparangin ya Kangatuwan nga Agay-aywan, mae̍cdan kayu ka pangpadayaw dakayu nga arig nga balangat nga madi agkupas.

Paltiing 1:20

Ket no maipanggep kadito pitu nga bituwen nga nasingem iya diwanan nga imac, se̍ dito pitu nga balituc nga dilag, agten idi ya kaipapennan da: Diya pitu nga bituwen, igida diya kaiyarigan diya anghe̍le̍s nga agay-aywan kadito pitu nga bungguy diya mamati. Ket diya pitu nga balituc nga dilag, itu diya kaiyarigan dito pitu nga bungguy,” kunen na.