Juan 10:16 - Ya Baru nga Tulag

¹⁶ Ket uwed pe̍ duduma nga ibilang ku nga karne̍ruc nga madi pekkem naitipun idi nga bungguy. Ket masapul nga sakupec da met pe̍. Ipangag da nad ngarud ya timec ku no pekkawac da. Ket iya agten iyan, is-isa nad nga bungguy ya mangsakup igida, ket is-isa ya agay-aywan igidan.

Juan 10:16 Iomraidhean Croise

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Lukas 15:8

“Kaspagarigan pe̍ no uwed isa nga babey nga uwed kuwarta na nga sangapulu nga diplata. Ket no mawagac na ya isa, nagan ngarud ya wanglen na? Manibet ngarud ka dilag, ket sagadan na ya baley na nga sipapasnec nga mangsapsapul agingga nga masmac na.

Juan 10:11

“Iyaken, maiyarig gac pe̍ iya isa nga nabaru nga agay-aywan kadiya karne̍ru. Ya nabaru nga agay-aywan, sisasagana nga matey, nga mangipaay iya biyag na tasun mangisalakan kadiya karne̍ru na.

Juan 10:2

Ngem ya toley nga ya ruwangan ya dalanen na nga umuneg, igina ya pudnu nga agay-aywan kadiya karne̍ru.

Juan 10:27

Ta diya karne̍ruc, ikasu da met ya timec ku. Emmuc da, ket suruten dac met.

Juan 10:3

Ket ya agbanbantay iya ruwangan niya kudal, lukatan na para iyan nga pudnu nga agay-aywan kadiya karne̍ru. Ket diya karne̍ru na, mailasin da ya timec na no awagan na diya nagnagan da, no paruwaren na da.

Juan 10:4

Ket no naparuwar na amin diya bukud na nga karne̍ru win, mon-ona ngem igida nga manalanin. Ket mipuyut ngarud diyan nga karne̍ru igina, gapu ta emmu da ya timec na.

Juan 10:5

Ngem madi da mipuyut ka sabali nga toley nga bekken da nga apu, no di da lugud itagtagan, gapu ta madi da emmu ya timec na,” kunen na.

Juan 11:52

Ket bekken nas nga maipaay igida, no di pe̍ kadiya maibilang nga an-anac ne̍ Apu Diyus nga naiwaraswaras kadiya nadumaduma nga pagiliyan. Agten iyan ngarud tasun diya anac ne̍ Apu Diyus, maitipun da nga amin iya is-isa nga bungguy ne̍ Apu Diyus.

Juan 17:20

“Ngem bekken nas nga igida didi diya ikarkararagac, no di lugud pe̍ diya mamati nad iyaken gapu iya kasaba da.

Juan 6:37

Ngem amin diya toley nga italec niya Ama iyaken, itu diyan diya umadenni nga sumurut iyaken. Ket ya umadenni nga sumurut iyaken, madic ngarud pagtalawen.

Aramid 15:14

E̍ Simon Pe̍dru, nipalpalawag na ito deddan dactida to damu nga panangipasingen ne̍ Apu Diyus iya ayat na kadito bekken nga Hudyu, ta uwed da pinili na igida nga nagbalin nga toley na.

Aramid 18:10

Ta uwed dac nga pe̍yeng nga mibulubulun ikew, ket awan makaranggas winno makapasakit ikew, ta adu diya toley ku idi nga ili,” kunen niya Apu.

Aramid 22:14

Ket kinagi na iyaken, ‘E̍ Apu Diyus nga Diyus dito am-ama tida, pinili naka nga pangipakaemmuwan na iya panggep na. Ikew pe̍ ya isa nga pinili na nga makasingen se̍ makagicna iya nalinteg nga Anac na.

Ruma 11:25

Kakabsat, uwed met isa nga adal nga di pekkem naipakaemmu dakayu, ket gabay ku no maemmuwan nu kuma, tasun madi kayu tumangsit gapu iya kinasirib nu. Ket idi ya ipakaemmuc dakayu: Uwed da met duduma nga Israe̍lita nga nagbalin nga batingur e̍ Apu Diyusin. Ngem agpatingga nad ya kinabatingur da no kustu win ya bilang diya bekken nga Hudyu nga naitipunin e̍ Apu Diyus.

2 Te̍salunika 2:13

Kakabsat, mayat met no pe̍yeng nga agyaman kami e̍ Apu Diyus gapu dakayu nga patpatgen niya Apu. Ta itun pekkem sacbay nidi nga timpu, pinili nakayun nge̍ Apu Diyus nga maisalakan gapu iya panangpalinteg niya Ispiritu Santu dakayu iya imatang ne̍ Apu Diyus, se̍ gapu iya panamati nu iya kinapudnu.

He̍briyu 13:20

Ket e̍ Apu Diyus nga mange̍cde̍ ka talna, igina ya pagkararagac maipanggep dakayu. Igina met ya nangpagungar iya Apu tida nga Je̍sus itun. Ket e̍ Apu Je̍sus, igina met ya nagbalin nga Katurayan nga Agay-aywan dactida nga naibilang nga karne̍ru na. Nagbalin ngarud nge̍ Apu Je̍sus nga agten iyan gapu ito naiyayus nga daga na nga nangpatalged iya agnanayun nga tulag ne̍ Apu Diyus dactida.

1 Pe̍dru 2:10

Itun, bekken kayu nga naibilang nga toley ne̍ Apu Diyus. Ngem ita, toley nakayun. Se̍ itun, madi kayu pekkem nae̍cdan iya asi na. Ngem ita, kinaasiyan nakayu mettasin.

1 Pe̍dru 2:25

Ta itun, arig kayu nga karne̍ru nga naitewtew. Ngem ita, napasoli kayun iya Agay-aywan dakayu nga Agistimar dakayun.

1 Pe̍dru 5:4

Ket nad no agparangin ya Kangatuwan nga Agay-aywan, mae̍cdan kayu ka pangpadayaw dakayu nga arig nga balangat nga madi agkupas.

Paltiing 3:20

Denggem yani: Uwed dac kun iya ruwar niya gagayangan nga tumogtogtogin. Ket no uwed makagicna iya timec ku, se̍ no ilukatan nac, ket umuneg gac ngarud iya baley na, se̍ agsangu kami nga manganin.