Juan 1:51 - Ya Baru nga Tulag

⁵¹ Ket kinunen manin ne̍ Je̍sus igida nga aminin, “Tutu met yani nga ibagac dakayu: Masingen nu nad nga aglukat ya langit. Ket diya anghe̍le̍s ne̍ Apu Diyus, masingen nu da nga ngumudu ka langit se̍ sumoli manin iya Anac nga Naipatoley,” kunen na.

Juan 1:51 Iomraidhean Croise

Matyu 25:31

“Ket no umbe̍t nad nga sidadayaw ya Anac nga Naipatoley nga maibulun pe̍ igina diya amin nga anghe̍le̍s, agtugew nad nga agari iya trunu na nga pakaidayawan na.

Matyu 26:24

Tutu met nga aglak-am ya Anac nga Naipatoley ka pannakatey, sigun ito sigud nga naisurat maipanggep igina. Ngem kackaasi nad lugud yan nga toley nga mangiyawat iya Anac nga Naipatoley! Nabarbaru met ya kasasaad niyan nga toley no madi kuma ngas naitaudin,” kunen na.

Matyu 3:16

Ket kalpasan nito pannakabautisar ne̍ Je̍sus, gimacdang mettas nga sigida, ket pag-isu met nga arig nga nalukatan ya langitin. Ket nasingen na ya Ispiritu ne̍ Apu Diyus nga agpaspasegged nga agten iya kalapati, ket dinumsag met igina.

Matyu 4:11

Ket to diyablu, pinanawan na ngarud nge̍ Je̍susin. Ket itun, uwed da met anghe̍le̍s nga nawe̍ nangistimar e̍ Je̍sus.

Matyu 8:20

Ket kinunen ne̍ Je̍sus igina, “Utubem man yani: No diya musang, uwed pagedyanan da nga re̍kab. Ket se̍ diya sibsibud, uwed pe̍ sucbut da. Ngem ya Anac nga Naipatoley, awan met nga gennung pagedyanan na tasun uwed kustu nga pagidaan na,” kunen na.

Matyu 9:6

Itan, panecnekkac ngarud dakayu nga ya Anac nga Naipatoley, uwed turay na idi nga lubung nga mamakawan ka basul.” Ket kinunen na met ito lugpi, “Ket ikew, bumangun kan. Bacrunem ya idam, se̍ agawir kan,” kunen na.

Markus 1:10

Ket ito gumacgacdang nge̍ Je̍susin, nasingen na nga arig nga napigis met nga nalukatan ya langitin. Ket nasingen na pe̍ ya Ispiritu ne̍ Apu Diyus nga agpaspasegged met igina nga agten iya kalapati.

Markus 14:62

Ket kinunen ne̍ Je̍sus, “Bo, iyaken met. Ket masingen nu nad ngarud ya Anac nga Naipatoley nga nakatugew iya madiwanan niya Mannakabalin. Se̍ masingen nu nad pe̍ nga umbe̍t manipud iyan, nga maibulun igina diya ulep nga gayat ka langit,” kunen na met.

Lukas 2:13

Ket pagamwan da, uwed dackel nga bungguy anghe̍le̍s nga nagparang nga gayat ka langit, nga kabulun nito isa nga anghe̍l. Ket nagdaydayaw mettin dito anghe̍le̍s e̍ Apu Diyus, nga kinunen da,

Lukas 2:9

Ket itun, uwed met isa nga anghe̍l niya Apu nga nagpasingen igida, ket nadarangan da mettin iya darang niya dayag niya Apu. Napalaus ngarud ya ansing dan.

Lukas 22:43

[Ket itun, uwed nagparang e̍ Je̍sus nga isa nga anghe̍l nga gayat ka langit, nga nangpabileg igina.

Lukas 22:69

Ngem agten idi ya ibagac: Manipud ita, maipatugew ya Anac nga Naipatoley iya madiwanan ne̍ Apu Diyus nga Mannakabalin,” kunen na.

Lukas 24:4

Ket nasikuran da ngarud no ape̍. Ket pagamwan da ngas nga uwed met duwa nga lalaki nga gasisikad iya abay dan, nga makapurar ya kawwes da.

Lukas 3:21

Ket agten idi to napasamac itun: Ito pannakabautisar dito adu nga toltoley, nairaman met pe̍ nge̍ Je̍sus nga nabautisaran. Ket ito agkarkararag pekkem nge̍ Je̍sus, arig met nga nalukatan ya langitin.

Juan 1:50

Ket kinunen ne̍ Je̍sus igina, “Mamati ka ngarud iyaken ita, gapu ta kinunec nga nasingen naka iya sidung nito kayu nga igus. Ngem uwed pekkem diya masingem nad nga nakaskasdaaw nga banbanag ngem iyan!” kunen na.

Juan 10:1

Uwed pangngarig nga kinagi ne̍ Je̍sus itun nga agten idi: “Pudnu yani nga ibagac dakayu: No bekken nga ya ruwangan ya umuneggan niya isa nga toley iya kudal diya karne̍ru, ket umune̍c nga gennung iya bekken nga ruwangan, ket isa nga agtatakew winno tulisan ya agten iyan nga toley.

Juan 10:7

Dikad pe̍ nipalawag ne̍ Je̍sus ya banag nito pangngarig, nga kinunen na, “Ibagac ya kinapudnu na dakayu: Iyaken ya maiyarig iya ruwangan nga umuneggan diya karne̍ru.

Juan 13:16

Agten iyan kuma ngarud, ta pudnu met nga bekken nga nangatngatu ya tagabu ngem iya amu na. Ket iya agten iyan pe̍, bekken met nga nangatngatu ya naibon ngem iya nangibon igina.

Juan 13:38

Ket e̍ Je̍sus, kinunen na, “Sisasagana ka kad nga tutu nga matey para iyaken? Kinapudnu na, no deddan, sacbay niya panagtataraut diya kawitan no parbangun, name̍tlu nac nad met nga nilibac kin,” kunen na.

Juan 14:12

“Pudnu met yani nga ibagac: Diya mamati iyaken, matulad da met pe̍ diya wangwanglec. Ket bekken nas nga iyan, ta diya mamati iyaken, dacdackel pekkem ya mawangel da nad ngem kadiyan. Tutu met ya agten iyan, ta mawe̍ yac iya pagedyanan mettas niya Ama.

Juan 16:20

Ibagac dakayun ya kinapudnu na: Uwed nad ngarud pagberberritan se̍ pagladingitan nu. Ngem diya bekken nga mamati, aganggem da nad mettin. Ngarud, lumdaang nad kayu. Ngem masukatan nad mettas ya leddaang nu ka anggem.

Juan 16:23

“Ket nad mettin, bekken nga iyaken ya pagadngan nun. Ta ya kinapudnu na, ya Ama mettas nad ya pagadngan nun, ket ipaay na ngarud ya orey nagan na nga adngen nu igina nga sipapati kayu iya kinaturay ku.

Juan 21:18

Ibagac ikew ya pudnu: Ito kabanbanwag mu, ikew nga mismu ya mangkawwes iya beggim, ket siwayawaya ka nga mawe̍ iya orey awac nga gabay mu nga pennan. Ngem tutu met nga no malakay kan, igaw-at mu nad ya imam, ket sabali ya mangkawwes ikew win. Ket mangge̍pe̍d nad pe̍ ikew win, nga ipen naka ka madi ka gabay nga pennan,” kunen na.

Juan 3:3

Ket kinunen ne̍ Je̍sus igina, “Pudnu met yani nga ibagac ikew: Madi aglak-am ya orey nagan na nga toley iya panangituray ne̍ Apu Diyus no madi maiyanac manin nga mona ka kabarbaru nga biyag,” kunen na.

Juan 3:5

Ket kinunen manin ne̍ Je̍sus igina, “Pudnu met yani nga ibagac ikew: Madi mabalin nga aglak-am ya orey nagan na nga toley iya panangituray ne̍ Apu Diyus no madi maiyanac gapu iya danum se̍ gapu pe̍ iya Ispiritu ne̍ Apu Diyus.

Juan 5:19

Itu nga kinunen ne̍ Je̍sus kadito pangpangulu diya Hudyu, “Pudnu met yani nga ibagac dakayu: Awan mawangel niya Anac nga bucbukud na. Ya masingen na nga wangwanglen niya Ama na, itu ngas ya mawangel na. Ta ya orey nagan na nga wanglen niya Ama, itu met ya tuladen niya Anac.

Juan 5:27

Ket se̍ ne̍cde̍ na pe̍ iya Anac ya turay nga mangukum, gapu ta igina ngarud met ya Anac nga Naipatoley.

Juan 6:26

Ket kinunen ne̍ Je̍sus igida, “Pudnu met yani nga ibagac dakayu: Sapsapulen dac ita gapu was ta nangan kayu ito tinapay ket nabsug kayu, bekken met nga gapu ta maawatan nu ya kaipapennan diya pagilasinan nga inariman ku.

Juan 6:32

Dikad pe̍ kinunen ne̍ Je̍sus igida, “Ibagac ya kinapudnu na dakayu: Bekken ngarud nga ito Muyse̍s ya nange̍cde̍ igida ito pagbiyag da nga gayat ka langit itun, no di lugud ya Amac. Tutu met, ket ya Amac, igina met ya mange̍cde̍ dakayu iya pudnu nga pagbiyag nga gayat ka langit.

Juan 6:47

Pudnu met yani nga kunec: Ya mamati iyaken, uwed iginan ya agnanayun nga biyag.

Juan 6:53

Itu nga kinunen ne̍ Je̍sus igida, “Ibagac ya pudnu dakayu: Awan dakayu ya agten iyan nga biyag no madi kayu ngarud mangan iya beggi niya Anac nga Naipatoley se̍ uminum iya daga na.

Juan 8:34

Ket kinunen ne̍ Je̍sus, “Pudnu met yani nga ibagac dakayu: Amin diya agwangwangel ka basul, naibilang da nga tagabu niya panagbasul da.

Juan 8:51

Pudnu met yani nga ibagac dakayu: Ya orey nagan na nga mangtungpal kadiya kagic, madi aglak-am ka pannakatey,” kunen na.

Juan 8:58

Ket kinunen manin ne̍ Je̍sus igida, “Ibagac met ya pudnu dakayu: Orey ito madi pekkem nga naiyanac to Abraham, uwed dac nga sigudin,” kunen na.

Aramid 10:11

Ket nasingen na nga arig nga nalukatan ya langit, ket uwed arig nga dackel nga ules nga dinumsag iya edyan na nga naibaluyubuy nga nasiluwan diya sulsuli na.

Aramid 7:56

Dikad pe̍ kinunen ne̍ E̍ste̍ban kadito naggigicna igina, “Singen nu kad! Masingec kun ya uwed ka langitin. Masingec met ya Anac nga Naipatoley nga gasisikad iya madiwanan ne̍ Apu Diyus!” kunen na.

2 Te̍salunika 1:7

Ngem dakayu nga maparparigat, pagnam-ayen nakayu nad met, agten pe̍ iya pamaay na dakami. Mapasamac nad didi no agparang nge̍ Apu Je̍sus nga gayat ka langit. Ibulun na nad diya anghe̍le̍s na nga mae̍cdan ka pannakabalin.

2 Te̍salunika 1:9

Aglak-am da nad ngarud ka dusa nga agnanayun nga rigat niya pannakapatey. Ket maiyadeyyu da nad pe̍ iya imatang ne̍ Apu Diyus, se̍ madi da makasingen iya bileg niya pannakabalin na.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

He̍briyu 1:14

Ngem no diya anghe̍le̍s, emmu tida nga igida nga amin diya madi masingen nga eb-ebbonen ngas ne̍ Apu Diyus. Ket ibon ne̍ Apu Diyus da nga tumulung kadiya amin nga maipaayan ka pannakaisalakan.

Hudas 1:14

Ket orey to E̍nuc itun, nga maikapitu ito kapututan nito Adan, uwed nipadtu na itun pekkem maipanggep iya agten kadiyan nga toley. Ta kinunen na ito padtu na, “Denggen nu! Umbe̍t nad met ya Apu agraman diya rinibribu nga anghe̍le̍s na,

Paltiing 19:11

Ket itun, arig nga naglukat ya langitin, ket uwed met nasingec nga isa nga puraw nga kabayu. Ket ya nakasakey ito kabayu, maaw-awagan ka Mapagtalkan, se̍ managan pe̍ ka Napudnu. Nalinteg met diya pangpanggep na iya panangukum se̍ pannakigubat na.

Paltiing 4:1

Kalpasan niyan, uwed manin sabali nga nasingec, ta uwed arig nga silulukat nga gagayangan ka langit. Ket nagicnac manin to timec nga nagicnac itun, nga arig nga uni tangguyub. Ket kinunen na, “Umbe̍t ka idi ngudu, ket ipasingec ikew ya masapul nga mapasamac iya maadpangan nga kalpasan didi,” kunen na.