Juan 1:4 - Ya Baru nga Tulag

⁴ Idi nga maawagan ka Kagi, igina ya pagtaudan niya biyag. Ket idi nga biyag, itu ya arig nga mangwada iya lemlemmet diya toley.

Juan 1:4 Iomraidhean Croise

Matyu 4:16

Diya toltoley antuni, maiyarig kadiya aged-edyan iya gicbet. Ngem ita, nasingen dan ya nabileg nga wada. Ngarud, diya maiyarig kadiya aged-edyan iya lugar nga pakatayan, ket uwed met wada nga nangdarang igidan,” kunen nito mammadtu itun.

Lukas 2:32

Igina ya arig nga dilag nga mangwada kadiya bekken nga Hudyu, se̍ ya pakaidayawan diya toley mu nga iIsrae̍l,” kunen na.

Juan 11:25

Ket kinunen ne̍ Je̍sus igina, “Iyaken mettas ya mangpaungar se̍ mange̍cde̍ ka biyag. Dikad pe̍ ya mamati iyaken, orey no matey, agbiyag nad mettas.

Juan 12:35

Ket simungbat nge̍ Je̍sus nga kinunen na igida, “Iya di mabayag, awanin ya mangwada dakayu. Itu nga gawaan nu kuma ngarudin ya sumurut, ta uwed pekkem ita ya mangwada dakayu. Ngarud, gawaan nu, tasun madi nakayu makamakam ya gicbet. Ta ya manalan iya nagicbet, di na met mailasin ya pennan na.

Juan 12:46

Inumbe̍t tac iya lubung ngi, nga arig gac nga mangwada ka toley, tasun diya amin nga mamati iyaken, madi da agedyan iya gicbet tin.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 3:19

Agten idi ya pakaukuman toley: Inumbe̍t idi nga lubung ngin ya Mangwada ka toley. Ngem gapu ta dake̍c diya wangwanglen diya toltoley, ginabgabay da ya gicbet ngem iya wada.

Juan 5:21

Ta no ya Ama, pagungaren na diya natey ket biyagen na da met. Ket agten met pe̍ ya Anac, ta mange̍cde̍ pe̍ ka biyag kadiya gabay na nga e̍cdan.

Juan 5:26

Tutu met nga agten iyan, ta ya Ama mettas ya pagtaudan niya biyag, ket itu nga ne̍cde̍ na met pe̍ iya Anac na ya turay nga mange̍cde̍ ka biyag.

Juan 8:12

Ket itun, nagkagi manin nge̍ Je̍sus kadiya toltoley nga kinunen na, “Iyaken ya mangwada ka toley iya lubung ngi. Ya sumurut iyaken, madi manmanalan iya gicbet tin, no di lugud mawadaan ka wada nga mange̍cde̍ ka biyag,” kunen na.

Juan 9:5

Kayat ku nga kagiyen nga bayat niya kauwed ku iya lubung ngi, iyaken ya mangwada kadiya toltoley iya lubung,” kunen na.

Aramid 26:23

Ta kinagi da itun nga masapul nga agrigat ya Kristu nga ibon ne̍ Apu Diyus, se̍ masapul pe̍ nga igina ya mona nga agungar, tasun ipakaemmu na nga uwed din ya wada, nga itu ya panangisalakan ne̍ Apu Diyus dactida nga Hudyu, se̍ orey pe̍ kadiya bekken nga Hudyu,” kunen ne̍ Pablu.

1 Kurintu 15:45

Ket ya agten iyan, maikanatad ito naisurat iya Bibliya nga kunen na, “E̍ Adan nga kaonaan nga toley, naparsuwa nga nae̍cdan ka biyag nga kinatoley,” kunen na. Ngem ya maawagan ka nodi nga Adan, igina ya Ispiritu nga mange̍cde̍ ka biyag nga agnanayun.

E̍pe̍su 5:14

Itu ya kayat nga kagiyen nito pagkakagi nga kunen na, “Malukag kan, ikew nga docyep! Agungar kan iya pakatayam! Ket iya agten iyan, e̍ Kristu met ya mangwada ikew win,” kunen na.

Kulusas 3:4

Ket nad no agparang manin nge̍ Kristu nga pagtaudan mettas nidi nga biyag nu, ket maiparangarang kayu nad pe̍ iginan, nga itu nad ya pannakairaman nu iya pakaidayawan nan.

1 Juan 1:1

Agsurat tac dakayu maipanggep iya maawagan ka Kagi Biyag. Ket ya Kagi, uwed nga pe̍yeng, manipud ito panangrugi niya amin. Nagicna mi ya kinagi na se̍ nasingen mi met pe̍, ta binetbettaan mi se̍ sine̍cde̍ng mi pe̍ ya beggi na mettas.

1 Juan 1:2

Dakami ya mangipadamag maipanggep iya biyag na, ta nasingen mi met ito nagparang dakami. Itu nga ipakaemmu mi dakayu yani nga biyag, ta naiparang dakami itun. Ket itu yan ya agnanayun nga biyag nga pe̍yeng nga uwed iya Ama orey itun pekkem.

1 Juan 5:11

Ket ya banag nidi nga panangipanecnec ne̍ Apu Diyus maipanggep iya Anac na, agten idi: Ne̍cdan nactida nge̍ Apu Diyus ka agnanayun nga biyag, ket ya Anac na mettas ya paggayatan niyan nga biyag.

Paltiing 22:1

Ket itun, uwed manin nipasingen nito anghe̍l iyaken, nga wangag nga uwed danum na nga mange̍cde̍ ka agnanayun nga biyag. Ket nakalitlitaw to danum na, nga agten met iya kristal nga masarang. Ket to ayus na, timaud ito trunu nga pagtugawan ne̍ Apu Diyus se̍ ya Urbun Karne̍ru.

Paltiing 22:16

“Iyaken nge̍ Je̍sus. Ket iyaken ya nangibon iya anghe̍l ku ikew, tasun ipakaemmu na diya kinapudnu maipanggep kadidi nga banbanag para kadiya bungbungguy diya mamati. Iyaken ya nagtaud iya kapututan nito Ari Dabid, se̍ iyaken pe̍ ya maawagan ka bituwen nga aggundaway iya parbangun,” kunen ne̍ Apu Je̍sus.