Juan 1:34 - Ya Baru nga Tulag

³⁴ Ket tutu met, ata nasingec ngarud yanin, ket itu nga panecnekkac dakayu nga igina met ya Anac ne̍ Apu Diyus,” kunen na.

Juan 1:34 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Matyu 16:16

Ket e̍ Pe̍dru to simungbat, nga kinunen na, “Ikew met ya Kristu, nga Anac mettas niya sibibiyag nga Diyus,” kunen na.

Matyu 17:5

Ket ito madama pekkem nga agkagkagi nge̍ Pe̍dru, uwed met gayam nadarang nga ulep nga nangbugus igida. Ket uwed met pe̍ nagicna da nga timec nga gayat ito ulep, nga kinunen na, “Itu yani ya Anac ku nga dungdungnguwec. Igina ya pakaay-ayuwac. Ipangag nu ngarud ya kagi na!” kunen na.

Matyu 26:63

Ngem madi neg-egkim nge̍ Je̍sus. Ket kinunen ngarud manin nito kangatuwan nga agsirsirbi iya Te̍mplu, “Ibagam nga sisasapata iya turay niya sibibiyag nga Diyus, no tutu nga ikew ya Kristu, nga naipadtu nga Anac ne̍ Apu Diyus,” kunen na.

Matyu 27:40

“Se̍pe̍ ikew met to nangibaga nga lasangem ya Te̍mplu se̍ ka mettas bangunen manin ka unus tellu nga algew! No agten iyan ya pannakabalin mu, isalakan mu man ngarud ya beggi mun! No tutu nga anac naka nge̍ Apu Diyus, umulug ka ngarud iyan nga krusin!” kunen da.

Matyu 27:43

Agtalec kanu e̍ Apu Diyus. Ala, isalakan kuma ngarud ne̍ Apu Diyus ita ngi nin, no tutu nga magustuwan na yani. Ta kinunen kanu met nidi nga toley nga, ‘Anac nac nge̍ Apu Diyus,’ kunen na kanu met,” kunen da.

Matyu 27:54

Ket ya kapitan se̍ dito suldadu na nga nagbanbantay e̍ Je̍sus, napalaus ngarud to ansing da ito nadlaw da to yegyeg se̍ dito duduma nga napasamac itun. Ket kinunen da, “Pudnu met nga Anac ne̍ Apu Diyus yan!” kunen da.

Matyu 3:17

Ket itun, uwed met timec nga nagicna antuni nga nagtaud ka langit, nga kinunen na, “Itu yani ya Anac ku nga dungdungnguwec. Igina ya pakaay-ayuwac,” kunen na.

Matyu 4:3

Ket imadenni to mangsulisug, ket kinunen na e̍ Je̍sus, “No tutu nga Anac naka nge̍ Apu Diyus, bilinem man didi nga batu nga agbalin da nga tinapay,” kunen na.

Matyu 4:6

se̍ na kinunen igina, “No tutu nga Anac naka nge̍ Apu Diyus, lumatuc ka man idi. Ta uwed met naisurat iya Bibliya nga kunen na, ‘Bilinen ne̍ Apu Diyus diya anghe̍le̍s na nga mangaywan ikew. Tapayaen daka nad kadiya ima da, tasun orey ya sakam, madi met masakitan ka batu,’ kunen na iya Bibliya,” kunen niya diyablu.

Matyu 8:29

Ket dito duwa nga lalaki, kinunen da e̍ Je̍sus ka nabileg, “Anac ne̍ Apu Diyus! Nagan ngarud ya biyang mu dakami? Inumbe̍t ka aya idi tasun parigaten nakami ita, sacbay niya naikeddeng nga pannakadusa mi?” kunen da.

Markus 1:1

Agten idi to pangrugiyan niya Makaparagsac nga Damag maipanggep e̍ Je̍su Kristu nga Anac ne̍ Apu Diyus.

Markus 1:11

Ket uwed pe̍ timec nga nagicna antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Lukas 1:35

Ket kinunen nito anghe̍l igina, “Umbe̍t met ikew ya Ispiritu Santu, ket uwed nad met ikew ya pannakabalin niya Kangatuwan. Itu nga ya iyanac mu nad nga awan basul na, ket maawagan ka Anac ne̍ Apu Diyus.

Lukas 3:22

Ket nagpasegged met igina ya Ispiritu Santu nga sibebeggi, nga umasping ka kalapati. Ket uwed pe̍ nagicna nga timec antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 1:49

Ket to Natanye̍l, kinunen nan, “Mistru, Anac naka ngarud nge̍ Apu Diyus! Ikew ya Ari mi nga Israe̍lita!” kunen na.

Juan 10:30

Ngarud, ya Ama se̍ iyaken, ket is-isa,” kunen na.

Juan 10:36

Itu nga no maipanggep iyaken, ape̍ kunen nu nga maikuntra e̍ Apu Diyus ya kagic no kunec nga iyaken ya Anac ne̍ Apu Diyus? Ta iyaken, pinili nac met ya Ama nga agpaay iya panggep na, ket nibon nac ngarud iya lubung ngi.

Juan 11:27

Ket kinunen ngarud ne̍ Marta igina, “Bo, Apu. Patiyec ngarud nga ikew nga tutu ya Kristu nga Anac ne̍ Apu Diyus, nga naipadtu nga umbe̍t idi nga lubung,” kunen na.

Juan 19:7

Ket kinunen dito Hudyu, “Sigun iya isa nga bilin iya linteg mi, rebbeng na ya matey ya agten iyan nga toley, ta kunen na met nga igina kanu ya Anac ne̍ Apu Diyus,” kunen da.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 6:69

Dakami, mamati kamin, ket emmu min nga ikew ya Nalinteg nga Ebbon ne̍ Apu Diyus,” kunen na.

Ruma 1:4

Ket no maipanggep iya kinaDiyus na, nipakaemmu niya nadiyusan nga Ispiritu nga igina ya Anac ne̍ Apu Diyus, gapu ito nakaskasdaaw nga pannakabalin nga naipasingen ito panagungar na. Ya Apu tida nga Je̍su Kristu met yani.

2 Kurintu 1:19

Ta e̍ Je̍su Kristu nga Anac ne̍ Apu Diyus nga ikaskasaba mi de̍ Silas nge̍ Timutyu dakayu, bekken met nga agduwaduwa kadiya kagkagiyen na nga agten kadiya agkunen nga “Bo”, orey no “Bekken” ya uwed iya panpanunut da. Ta no maipanggep kadiya naitipunin e̍ Kristu, ket e̍ Kristu ya mapagtalkan iya panangikagi na nga “Bo.”

He̍briyu 7:3

Ket madi tida met emmu no nagan ya ama se̍ ya ina nito Me̍lkise̍de̍c, se̍ awan pe̍ makaemmu no nagan ya nagtactaudan na nga kapututan. Awan pe̍ makaemmu no nungey to pannakaiyanac na se̍ to pannakatey na. Ket agten mettas iya Anac ne̍ Apu Diyus, ta awan met panagpatingga niya panangibegbeggi na ka toley.

1 Juan 2:23

Ngarud, ya orey nagan na nga mangilibac iya kinaKristu niya Anac, awan met pannakitipun na iya Ama. Ngem ya toley nga mangipakaemmu iya annamung na iya Anac, uwed ngarud pe̍ pannakitipun na iya Ama.

1 Juan 3:8

Ngem ya diyablu nga gennung, sibabasul met manipud ito panangrugi niya amin. Itu nga kameng na pe̍ ya agar-ariman ka basul. Ngem itu met ya gapu nito panagparang niya Anac ne̍ Apu Diyus itun, ta inumbe̍t tasun pirdiyen na diya wangwanglen niya diyablu.

1 Juan 4:9

Ket nipasingen ne̍ Apu Diyus ya ayat na dactida ito nibon na ya kackaisu nga Anac na idi nga lubung, tasun biyagen nactida gapu igina.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

2 Juan 1:9

Orey nagan na nga uwed sabali nga panursuru na, se̍ madi na laglagipen ya panursuru ne̍ Kristu win, awan pannakitipun na e̍ Apu Diyus. Ngem ya toley nga silalagip iya panursuru ne̍ Kristu, uwed met pannakitipun na iya Ama, ket bekken nas nga iya Ama no di pe̍ iya Anac.

Paltiing 2:18

“Ket idi ya isurat mu iya anghe̍l nga agay-aywan iya bungguy mamati ka Tiyatira: “Itu yan ya kunen niya Anac ne̍ Apu Diyus, nga igina ya arig nga apuy nga gumilgilab diya mata na, ket diya saka na, arig nga napasileng nga burinsi: