Juan 1:32 - Ya Baru nga Tulag

³² Ket agten idi pe̍ to panangipakaemmu nito Juan maipanggep e̍ Je̍sus: “Nasingec ya Ispiritu ne̍ Apu Diyus nga simegged nga agten iya kalapati nga gayat ka langit, nga nakitipun igina.

Juan 1:32 Iomraidhean Croise

Matyu 3:16

Ket kalpasan nito pannakabautisar ne̍ Je̍sus, gimacdang mettas nga sigida, ket pag-isu met nga arig nga nalukatan ya langitin. Ket nasingen na ya Ispiritu ne̍ Apu Diyus nga agpaspasegged nga agten iya kalapati, ket dinumsag met igina.

Markus 1:10

Ket ito gumacgacdang nge̍ Je̍susin, nasingen na nga arig nga napigis met nga nalukatan ya langitin. Ket nasingen na pe̍ ya Ispiritu ne̍ Apu Diyus nga agpaspasegged met igina nga agten iya kalapati.

Lukas 3:22

Ket nagpasegged met igina ya Ispiritu Santu nga sibebeggi, nga umasping ka kalapati. Ket uwed pe̍ nagicna nga timec antuni nga nagtaud ka langit, nga kinunen na, “Ikew ya Anac ku nga dungdungnguwec. Ikew ya pakaay-ayuwac,” kunen na.

Juan 1:31

Ket orey iyaken, madic emmu itun no nagan na yani nga nibon ne̍ Apu Diyus. Ngem itu ya gagarac nga mamautisar ka danum, tasun maipakaemmu kuma yani dakayu nga padac nga Israe̍lita,” kunen na.

Juan 1:7

Naibon yani nga mangipakaemmu kadiya toltoley maipanggep iyan nga maawagan ka wada, tasun gapu iya panangipakaemmu nito Juan, mamati kuma diya amin nga makagicna igina.

Juan 5:32

Ngem uwed met sabali nga mangipanecnec maipanggep iyaken, ket itu ya Ama. Ket emmuc nga pudnu met ya ibaga na nga mangipanecnec maipanggep iyaken.