Juan 1:21 - Ya Baru nga Tulag

²¹ Ket dito naibon, sinaludsud da manin nga kinunen da, “No agten iyan, nagan mu ngarud? To mammadtu nga E̍lyas ka kadi?” kunen da. Ket nisungbat nito Juan, “Bekken met,” kunen na. Ket kinunen da manin, “Ikew kadi ya naikari nga Mammadtu nga padpadaanan mi?” kunen da. Ket kinunen nito Juan manin, “Bekken met,” kunen na.

Juan 1:21 Iomraidhean Croise

Matyu 11:14

Ket no gabay nu, patiyen nu ngarud nga e̍ Juan, itu mettas to E̍lyas nga nipadtu da nga umbe̍t.

Matyu 16:14

Ket kinunen da, “E̍ Juan nga Mammautisar ka kanu, kunen diya duduma. Ngem uwed da met duduma nga agkunen nga to mammadtu nga E̍lyas ka kanu. Se̍ uwed da pe̍ agkunen nga to mammadtu nga He̍re̍myas ka kanu, winno isa pekkem kanu kadito mammadtu itun pekkem,” kunen da.

Matyu 21:11

Ket dito adu nga toltoley nga nakibulubulun e̍ Je̍sus, kinunen da met, “Igina yan nge̍ Je̍sus, nga itu to mammadtu nga taga-Nasare̍t enna prubinsiya nga Galilya,” kunen da.

Lukas 1:17

“Ket mon-ona nad nga maibon ya anac nu ngem iya Apu, ket maidalan nad iya pannakabalin niya Ispiritu ne̍ Apu Diyus, nga agten ito pannakabalin nga uwed ito mammadtu nga E̍lyas itun. Pagtutunusen nad niya anac nu diya am-ama se̍ diya an-anac. Palinteggen na nad diya nasukir ya panpanunut da, ka panunut nga nalinteg. Ket iya agten iyan, paisagana nad niya anac nu diya toltoley, tasun uwed da nga nakasagana iya umbe̍tan niya Apu,” kunen nito anghe̍l.

Juan 1:22

Ket nagsaludsud da manin nga kinunen da ito Juan, “Ibagam kay no nagan mu, ta masapul nga uwed isungbat mi kadito nangibon dakami. Nagan ya makunem maipanggep iya kinatoley mu?” kunen da.

Juan 1:25

Ket nagsaludsud da manin ito Juan nga kinunen da, “No bekken nga ikew ya Kristu, winno to E̍lyas, winno ya naikari nga Mammadtu, ape̍ ngarud nga mamautisar ka?” kunen da.

Juan 6:14

Ket ito nailasin dito toltoley yan nga nakaskasdaaw nga inariman ne̍ Je̍sus, kinunen da iya panagtetebbar da, “Siguradu nga itu yani ya Mammadtu nga naipadtu nga umbe̍t iya lubung ngi!” kunen da.

Juan 7:40

Ket ito nagicna dito toltoley yan nga nibaga ne̍ Je̍sus, kinunen diya duduma, “Siguradu nga igina ya Mammadtu nga naikari dactida!” kunen da.