Juan 1:18 - Ya Baru nga Tulag

¹⁸ Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 1:18 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Lukas 10:22

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac, se̍ diya gabay ngas niya Anac nga pangipakaemmuwan igina,” kunen na.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 12:41

Kinunen nito Isayas yan, ta naipasingen pe̍ igina itun ya kinadayaw ne̍ Je̍sus, ket e̍ Je̍sus met ya nikasaba nito Isayas itun pekkem.

Juan 13:23

Ket uwed iya abay ne̍ Je̍sus ya dinungdungngu na nga adalan, nga nagse̍rse̍rig igina.

Juan 14:9

Ket kinunen ne̍ Je̍sus, “Ay Pe̍lipe̍, nabayag gac met nga nakibulubulun dakayun. Di nac kad pekkem em-emmu? Ape̍ kunem pekkem mas nga ipasingec dakayu ya Ama? Ta ya nakasingen iyaken, nasingen na met pe̍ ya Ama ngin.

Juan 17:26

Nipakaemmu nakan igida, ket ituluy ku pekkem ya panangipakaemmuc ikew igida, tasun no kumaan niya panagayat mu iyaken, itu kuma pe̍ ya uwed igida, ket se̍ tasun maitipun nac pe̍ igida,” kunen ne̍ Je̍sus.

Juan 17:6

“Nipakaemmu naka kadidi nga toley nga nitalec mu iyaken idi nga lubung. Kuwam da nga sigud, ket nitalec mu da iyaken. Ket igida, nagtungpal da iya kagim.

Juan 3:11

Pudnu met yani nga ibagac ikew: Ya emmu mi, itu was ya kagkagiyen mi. Ket ya nasingen mi, itu was ya ibagbaga mi. Ngem dakayu, madi kayu met patpatiyen ya ipakaemmu mi.

Juan 6:46

Bekken ku nga kayat nga kagiyen nga uwed toley nga nakasingen nin e̍ Apu Diyus nga Ama. Ta yan nas naggayat e̍ Apu Diyus ya nakasingen igina.

2 Kurintu 4:4

Ket diyan nga madi mamati, sinikapan niya diyus da nga agturay idi nga timpu. Ta arig nga kinulap na da tasun madi da makasingen iya wada. Itu ya gapu na nga madi da maawatan ya kinapateg niya Makaparagsac nga Damag maipanggep iya kinadayaw ne̍ Kristu, nga igina ya pakasingnan e̍ Apu Diyus.

Kulusas 1:15

Ket ya Anac ne̍ Apu Diyus, igina met ya pakasingnan iya gangey niya madi masingen nga Diyus. Igina pe̍ ya Anac na nga kaonaan se̍ katurayan kadiya amin nga naparsuwa.

1 Timutyu 1:17

Sapay kuma ta daydayawen tida nge̍ Apu Diyus nga agnanayun nga Ari tida nga madi matey. Itu ya is-isa nga Diyus ket madi pe̍ masingen toley. Madaydayaw kuma ka agnanayun nga awan patingga na! Agten iyan kuma.

1 Timutyu 6:16

Igina ngas ya awan pannakatey na. Ket igina, aged-edyan met ka wada nga madi maadenniyan niya toley. Pulus nga awan pekkem toley nga nakasingen igina, ket awan pe̍ makasingen igina ita, ta awan makabael. Igina kuma ya madaydayaw nga mannakabalin ka agnanayun. Agten iyan kuma.

1 Juan 4:12

Pudnu met nga awan pekkem nakasingen e̍ Apu Diyus. Ngem no agiinnayat tida, maemmuwan tida nga laglagipen nactida nge̍ Apu Diyus, se̍ maemmuwan tida pe̍ nga matungpalin ya panggep na maipanggep iya ayat na dactida.

1 Juan 4:20

Ngem no uwed agkunen nga ayaten na kanu nge̍ Apu Diyus, ngem kagura na met latta ya kapada na, agbusid met. Ta no madi na ayaten ya kapada na nga masingen na, madi met mabalin nga ayaten na nge̍ Apu Diyus nga madi na masingen.

1 Juan 4:9

Ket nipasingen ne̍ Apu Diyus ya ayat na dactida ito nibon na ya kackaisu nga Anac na idi nga lubung, tasun biyagen nactida gapu igina.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.