Juan 1:17 - Ya Baru nga Tulag

¹⁷ Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.

Juan 1:17 Iomraidhean Croise

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Juan 18:37

Itu nga kinunen ngarud ne̍ Pilatu igina, “Dikad pe̍, isa ka ngarud nga ari, ey?” kunen na. Ket kinunen ne̍ Je̍sus, “Tutu ya kunem nga ari yac. Ket inumbe̍t tac nga naiyanac idi nga lubung, tasun ipakaemmuc ya pudnu. Ket amin diya mangipateg iya pudnu, ipangag dac pe̍,” kunen na.

Juan 5:45

“Ngem orey agten iyan ya kagkagiyec, madi kayu kuma ipagarup nga iyaken ya mangipilit dakayu nad iya Ama. Ta to Muyse̍s nga nangitalkan nu iya namnama nu, igina mettas ya arig nga mangipilit dakayu iya Ama.

Juan 7:19

“Dakayu mettas ya nangibilinan nito Muyse̍s ito Linteg, ngem awan met dakayu ya mangtungpal iyan nga Linteg. Ket gabay dac met pe̍ nga patayen. Ape̍ kad?” kunen na.

Juan 8:32

Ket iya agten iyan, maemmuwan nu ya kinapudnu win. Ket ya kinapudnu ngarud ya pakawayawayaan nu,” kunen na.

Juan 9:29

Emmu mi met nga binilin ne̍ Apu Diyus to Muyse̍s. Ngem no maipanggep iyan nga toley, madi kami emmu orey no awac ya naggayatan na!” kunen da.

Aramid 28:23

Ket nipatulag da ngarud ya algew nga panaguurnung da ito pagedyanan ne̍ Pablu. Ket ito inumbe̍t dan, ad-adu da ngem ito damu. Ket nanipud iya agsapa agingga ka gabi, nangilawlawag nge̍ Pablu igida ka maipanggep iya pammati na. Nipakaemmu na ngarud diya pudnu nga banbanag maipanggep iya panangituray ne̍ Apu Diyus. Ket nibanag na pe̍ dito naisurat ito Linteg nito Muyse̍s se̍ dito nisurat dito mammadtu itun, tasun mapanecnekkan da kuma maipanggep e̍ Je̍sus.

Aramid 7:38

E̍ Muyse̍s, igina met to naibulun ito bungguy da nga nagallaalla enna away. Se̍ igina met pe̍ to kinatbar nito anghe̍l enna Tageytey Sinay, ket igina pe̍ ya kabulun dito am-ama tida. Igina pe̍ to nagbilinan ne̍ Apu Diyus iya Linteg tida nga pakabiyagan, nga itu kuma pe̍ ya ibaga na dactida.

Ruma 6:14

Agten iyan kuma ya wanglen nun, ata awan turay dakayun niya pannakabalin niya basulin. Ta bekken kayu nga paiturayan ka linteg gin, no di lugud paiturayan kayun iya siaayat nga asi ne̍ Apu Diyusin.

2 Kurintu 1:20

Ta e̍ Je̍su Kristu, igina met ya pakatungpalan diya amin nga nikarkari ne̍ Apu Diyus itun. Igina met ya agkunen nga “Agten iyan ngarudin” maipanggep kadiyan nga karkari. Ket itu nga gapu e̍ Je̍su Kristu, mabalin tida nga agkagi iya panagdayaw tida e̍ Apu Diyus nga agten idi: “Agten iyan kuma ngarudin,” mabalin tida nga kunen.

Galasiya 3:17

Ket itu yani ya gabay ku nga ibaga, nga e̍ Apu Diyus, nakitulag ito Abraham itun, ket nikari ne̍ Apu Diyus nga tungpalen na ngarud to kinunen na. Ngem kalpasan nito eppat nga gasut se̍ tellu nga pulu nga dagunin nanipud ito pannakitulag ne̍ Apu Diyus ito Abraham, binangun na pe̍ dito bilbilin nito Linteg nito Muyse̍s. Ngem orey nod-odi to panangbangun na ito Linteg ngem ito panagkari na ito Abraham, madi met naipac ya kinapateg nito kari. Dikad pe̍ madi ngarud met napirdi to kari ne̍ Apu Diyus ito Abraham.

He̍briyu 9:22

Ngarud, sigun iya Linteg, nistay amin dito naibilang nga narugit itun gapu ka basul, mabalin nga maibilang nga nadalusan manin gapu ka daga. Ket se̍ no awan naidaga nga pagdatun, awan met pannakapakawan niya basul.