Juan 1:12 - Ya Baru nga Tulag

¹² Ngem diya amin nga imawat igina, nga itu diya sipapati iya kinaturay na, ne̍cdan na da ka kalinteggan nga agbalin nga anac ne̍ Apu Diyus.

Juan 1:12 Iomraidhean Croise

Matyu 10:40

“Ket ya mangrispitar dakayu, maibilang nga iyaken mettas ya rispitaren na. Ket iya agten iyan, ya mangrispitar iyaken, rispitaren na met pe̍ ya nangibon iyaken.

Matyu 12:21

Ket igina nad ya namnamaen diya bekken nga Hudyu.”

Matyu 18:5

Ket ya mangrispitar iya isa nga agten idi nga ebbing gapu iyaken, ket iyaken met ya rinispitar na.”

Juan 1:11

Ket ito inumbe̍t iya mismu nga ili na, madi met inawat diya kailiyan na.

Juan 1:7

Naibon yani nga mangipakaemmu kadiya toltoley maipanggep iyan nga maawagan ka wada, tasun gapu iya panangipakaemmu nito Juan, mamati kuma diya amin nga makagicna igina.

Juan 11:52

Ket bekken nas nga maipaay igida, no di pe̍ kadiya maibilang nga an-anac ne̍ Apu Diyus nga naiwaraswaras kadiya nadumaduma nga pagiliyan. Agten iyan ngarud tasun diya anac ne̍ Apu Diyus, maitipun da nga amin iya is-isa nga bungguy ne̍ Apu Diyus.

Juan 2:23

Ket itun, uwed nge̍ Je̍sus ka He̍rusale̍m ito madama ya timpu Padaya Nitatalib. Ket adu diya namati iya turay na, gapu ta nasingen da diya nakaskasdaaw nga pagilasinan nga inar-ariman na.

Juan 20:31

Ket diya naisurat idi nga libru, naisurat da tasun patiyen nu kuma nga e̍ Je̍sus, igina ya Kristu nga Anac ne̍ Apu Diyus. Ket no mamati kayu, maipaayan kayu ngarud ka biyag nga agnanayun, gapu iya kinaturay na.

Juan 3:18

Ngarud, madi maukum diya mamati iya Anac. Ngem diya madi mamati igina, naukum da mettin, gapu ta madi da ngarud mamati iya turay niya kackaisu nga Anac ne̍ Apu Diyus.

Aramid 3:16

Ket gapu ka panamati iya kinaturay ne̍ Je̍sus, nakadalanin yani nga toley. Ta emmu nu nga tutu nga lugpi itun, ngem masingen nu met itan, nga nabileg gin gapu iya kinaturay ne̍ Je̍sus, se̍ iya panamati gapu igina. Itu ya nangpabileg idi nga toley nga masingen nu nga amin itan.

Ruma 8:14

Tutu met yan, ta diya amin nga maidalan iya Ispiritu ne̍ Apu Diyus, anac met ne̍ Apu Diyus da.

Ruma 8:16

Ket no agten iyan ya awag tida e̍ Apu Diyusin, itu ngarudin ya panangpanecnec niya Ispiritu ne̍ Apu Diyus iya lemlemmet tida nga mangipakaemmu nga anac nactida ngarud nge̍ Apu Diyusin.

Ruma 8:19

Ta sisasagana ngin ya amin nga parsuwa ne̍ Apu Diyus, nga arig nga agpadpadaan da pe̍ iya panangiparangarang ne̍ Apu Diyus kadiya an-anac na.

Galasiya 3:26

Ta gapu iya panamati nu, nagbalin kayu nga amin nga an-anac ne̍ Apu Diyusin, gapu iya pannakaitipun nu e̍ Kristu Je̍sus.

Galasiya 4:6

Ket gapu ta an-anac nakayu nge̍ Apu Diyusin, nibon na ya Ispiritu niya Anac na nga timipun kadiya panpanunut tida. Ket ya Ispiritu niya Anac, umaw-awag met e̍ Apu Diyus, nga kunen na, “Ama! Amac!”

Kulusas 2:6

Ket gapu ta makiapu kayu e̍ Kristu Je̍susin, makitipun kayu kuma ngarud pe̍ igina iya panagbiyag nun.

2 Pe̍dru 1:4

Ket gapu iya kinadayaw se̍ kinalaing na, nikari na dactida diya napapateg se̍ nakaskasdaaw nga unay nga karkari na. Tasun iyan, gapu kadidi nga karkari na, maliclikan nu kuma diya makapadake̍c nga uwed idi nga lubung gapu kadiya dake̍c nga tarigagay niya toley, tasun makipaglak-am kayu kuma iya gangey ne̍ Apu Diyus.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.

1 Juan 3:10

Dikad pe̍ uwed pakailasinan tidan kadiya an-anac ne̍ Apu Diyus se̍ kadiya an-anac niya diyablu. Agten idi ya pakailasinan tida: Ya toley nga madi agariman ka nalinteg winno madi agayat iya kapada na, bekken met nga anac ne̍ Apu Diyus.

1 Juan 3:2

Patpatgec nga kakabsat, an-anac nactida ngarud nge̍ Apu Diyusin. Ngem orey an-anac nactidan, bekken pekkem nga naipakaemmu dactida no kumaan nad niya pagbanagan nidi nga kasasaad tida. Ngem emmu tida nga no agparang nad manin nge̍ Kristu idi nga lubung, agbalin tida met nga agten igina. Ta no masingen tida, nalawag nad dactidan ya kinapudnu maipanggep igina.

1 Juan 3:23

Ket didi nga bilin ne̍ Apu Diyus nga tungpalen tida, ket agten idi: Mamati tida iya kinaturay niya Anac na nga Je̍su Kristu, se̍ agiinnayat tida pe̍, maikanatad ito nibilin na dactida.