Juan 1:10 - Ya Baru nga Tulag

¹⁰ Ngarud, ya mangwada, uwed idi nga lubung itun. Ket amin nga uwed iya lubung, naparsuwa gapu igina. Ngem orey pe̍ no agten iyan, diya toltoley iya lubung, madi da met naawatan ya maipanggep igina itun.

Juan 1:10 Iomraidhean Croise

Matyu 11:27

Ket kinunen manin ne̍ Je̍sus, “Nitalec niya Amac iyaken diya amin. Ket awan met makaem-emmu iya Anac, no di ngas ya Ama. Se̍ awan met makaem-emmu iya Ama, no di ngas ya Anac se̍ diya gabay ngas niya Anac nga pangipakaemmuwan igina.

Juan 1:11

Ket ito inumbe̍t iya mismu nga ili na, madi met inawat diya kailiyan na.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 1:3

Ket amin nga pinarsuwa ne̍ Apu Diyus, nipaparsuwa na igina. Ngarud, awan met naparsuwa no di gapu was igina.

Juan 1:5

Ket ya wada, agdarang iya gicbet, ket madi mabalinan niya gicbet nga pagicbetten.

Juan 17:25

“Ama nga nalinteg, madi daka ngarud em-emmu diya madi mamati nga toltoley idi nga lubung. Ngem iyaken, em-emmu naka met. Ket didi pe̍ nga nitalec mu iyaken, emmu da met nga ikew ya nangibon iyaken.

Juan 5:17

Ngem kinunen met ne̍ Je̍sus igida, “Kanayun ya panagwangel ne̍ Amac nga awan sardeng na, ket agten nac pe̍ iyan nga agwangwangel,” kunen na.

Aramid 14:17

Ngem orey itun, uwed met pakaemmuwan diya toley iya kinauwed ne̍ Apu Diyus. Ta uwed dito nabaru nga inariman na nga pangparagsac dakayu, agten iya panagudan, se̍ iya dinagun nga panamisic diya mulmula, tasun uwed kanen nu,” kunen de̍ Pablu.

1 Kurintu 1:21

Ket sigun iya sirib ne̍ Apu Diyus, nirimidyu na nga dactida nga toley, madi tida kabaellan ya mangemmu igina gapu ngas iya kinasirib tida. Ket iya agten iyan, nikeddeng ngarud ne̍ Apu Diyus nga isalakan na nga gennung diya amin nga mamati iya isursuru mi, nga itu met pe̍ ya panursuru nga kunen diya duduma nga awan kanu kaipapennan na.

1 Kurintu 2:8

Ket diya agtuturay idi nga lubung, pulus nga madi da nakaawat itun idi nga kinasirib. Ta no naemmuwan da kuma, di da kuma nipailansa ya kadayawan nga Apu ito krus.

1 Kurintu 8:6

Ngem no dactida nga mamati, is-isa ngas ya ibilang tida nga Diyus tida, nga itu nge̍ Apu Diyus nga Ama, nga igina ya pagtaudan niya amin, se̍ igina pe̍ ya pagpaayan tida. Ket is-isa pe̍ ya ibilang tida nga Apu tida, nga itu nge̍ Je̍su Kristu, nga igina ya paggayatan niya amin, se̍ igina met pe̍ ya gapu niya kinauwed niya biyag tida.

Kulusas 1:16

Tutu met yan, ta gapu mettas igina, naparsuwa diya amin nga uwed ka langit se̍ diya uwed idi nga lubung. Itu diya masingen, se̍ diya madi masingen pe̍, nga agten kadiya uwed pannakabalin da, se̍ diya uwed kinadayaw da, se̍ diya uwed kinaturay da, se̍ diya maaw-awagan ka apu. Ngarud, amin diya naparsuwa, ket naparsuwa da mettas gapu igina, se̍ maipaay da pe̍ igina.

He̍briyu 11:3

Ket dactida pe̍, gapu ta uwed panamati tida, naemmuwan tida nga naariman ya lubung gapu mettas iya pannakabalin niya kagi ne̍ Apu Diyus. Ket iya agten iyan, naemmuwan tida nga diya masingen tida iya lubung, bekken da nga napataud kadiya masingen nga banbanag, no di lugud gapu mettas iya kagi ne̍ Apu Diyus.

1 Juan 3:1

Lagipen nu kuma ya dackel nga panagayat niya Ama dactida: Gapu iya panagayat na, maawagan tida met ka anac ne̍ Apu Diyus, ket pudnu met nga nagbalin tida nga an-anac nan. Ngem diya madi mamati igina idi nga lubung, madi da mailasin ya kinapudnu maipanggep dactida nga anac na, ta madi da met pe̍ nailasin ya kinapudnu maipanggep e̍ Apu Diyus.