Juan 1:1 - Ya Baru nga Tulag

¹ Sacbay nito rugi niya amin, uwed sigud nga kabulun ne̍ Apu Diyus nga maawagan ka Kagi. Ket Diyus mettas pe̍ yani.

Juan 1:1 Iomraidhean Croise

Matyu 1:23

“Agten idi: Aginaw nad ya balasang, ket mangiyanac ka lalaki, nga mapanaganan nad ka E̍mmanuwe̍l,” nga kayat na nga kagiyen, “E̍ Apu Diyus, uwed dactida.”

Lukas 24:53

Ket kanayun da nga nawe̍ iya Te̍mplu itun nga nagdaydayaw e̍ Apu Diyus.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 1:18

Awan ngarud toley nga nakasingen e̍ Apu Diyus. Ngem ya kackaisu nga Anac na, igina mettas ya mangipakaemmu maipanggep igina, ta igina met ya makiab-abay iya Ama.

Juan 1:2

Ngarud, sigud da nga agbulubulun, orey ito sacbay nga mairugi ya amin.

Juan 16:28

Ngarud, ya Ama met ya naggayatac nga tutu ito inumbe̍t tac idi nga lubung. Ket ita, panawac kun ya lubung ngi nga sumoli yac manin iya Ama,” kunen na.

Juan 17:5

Dikad pe̍ ita, Ama, ipadayaw nac iya imatang mu, ka dayaw nga agten mettas ito sigud nga kinadayaw ku ito uwed dac iya edyan mu ito sacbay nga naparsuwa yani nga lubung.

Juan 20:28

Ket e̍ Tumas, kinunen na mettin, “Ikew ngarud ya Apuc se̍ Diyus ku!” kunen na.

Juan 8:58

Ket kinunen manin ne̍ Je̍sus igida, “Ibagac met ya pudnu dakayu: Orey ito madi pekkem nga naiyanac to Abraham, uwed dac nga sigudin,” kunen na.

Ruma 9:5

Ket diya kailiyac met pe̍ diya kapututan dito nona nga am-ama tida nga pinili ne̍ Apu Diyus itun, nga nagbalin nga toley na. Se̍ no maipanggep iya kinatoley ne̍ Kristu, ket pada da met pe̍ nga Hudyu, nga igina met ya mangituray ka amin, ket igina met ya Diyus nga madaydayaw ka agnanayun. Agten iyan met nga tutu.

E̍pe̍su 3:9

Ket iyaken pe̍ ya pinili na nga mangipalawag kadiya amin nga toley maipanggep iyan nga panggep ne̍ Apu Diyus nga madi pekkem naipakaemmu itun. Ta agingga ita nga timpu, e̍ Apu Diyus nga namarsuwa ka amin, igina ngas met ya makaemmu iyan nga panggep na.

Pilipus 2:6

Ta orey uwed igina ya kinaDiyus, madi na latta nipangpangruna nga siaagum ya pannakipada na e̍ Apu Diyus,

Kulusas 1:15

Ket ya Anac ne̍ Apu Diyus, igina met ya pakasingnan iya gangey niya madi masingen nga Diyus. Igina pe̍ ya Anac na nga kaonaan se̍ katurayan kadiya amin nga naparsuwa.

Kulusas 1:17

Ket sacbay diya orey nagan na nga naparsuwa, uwed din ya Anac. Ket gapu igina, agpaut nga siuurnus diya amin nga uwed.

1 Timutyu 3:16

Ket napateg ngarud nga unay ya banag niya pammati tida nga nipakaemmu win ne̍ Apu Diyus. Agten idi ya banag na: Igina, nagparang nga naipatoley. Ket gapu iya Ispiritu ne̍ Apu Diyus, napanecnekkan ya kinalinteg na, se̍ nasingen pe̍ diya anghe̍le̍s. Ket naipadpadamag ya maipanggep igina kadiya pagpagiliyan, ket adu da nga namati iginan idi nga lubung. Ket naiyune̍c kin nga madaydayaw enna langit.

Titu 2:13

Agten iyan kuma ya panagbiyag tida bayat niya panagpadpadaan tida iya makaparagsac nga pagnamnamaan tida, nga itu ya pakasingnan nad iya dayaw ne̍ Je̍su Kristu nga Mangisalakan dactida se̍ Diyus tida nga naturay nga unay.

He̍briyu 13:8

Laglagipen nu ngarud nga agten pe̍ iyan nge̍ Je̍sus, nga awan pulus pagbalbaliwan na. Ta no kumaan niya gangey na itun, agten mettas pe̍ ita, se̍ orey ka agnanayun.

He̍briyu 7:3

Ket madi tida met emmu no nagan ya ama se̍ ya ina nito Me̍lkise̍de̍c, se̍ awan pe̍ makaemmu no nagan ya nagtactaudan na nga kapututan. Awan pe̍ makaemmu no nungey to pannakaiyanac na se̍ to pannakatey na. Ket agten mettas iya Anac ne̍ Apu Diyus, ta awan met panagpatingga niya panangibegbeggi na ka toley.

2 Pe̍dru 1:1

Iyaken nge̍ Simon Pe̍dru nga isa nga agsirsirbi e̍ Je̍su Kristu se̍ ya isa nga apustul nga agpaay igina. Agsurat tac dakayu nga nae̍cdan ka pammati nga kapada mettas niya napateg nga pammati mi, gapu iya nalinteg nga gangey niya Diyus tida se̍ Mangisalakan dactida, nga itu nge̍ Je̍su Kristu.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

1 Juan 5:7

Dikad pe̍ uwed met tellu nga mangipanecnec maipanggep e̍ Je̍su Kristu:

Paltiing 1:11

Ket kinunen na iyaken, “Isurat mu didi nga masingem, ket ipatulud mu ya nalukut nga nakaisuratan da kadiya pitu nga bungguy diya mamati kadiya ili nga E̍pe̍su, E̍smirna, Pe̍rgamu, Tiyatira, Sardis, Pilade̍lpiya se̍ ka Lawdisiya,” kunen na.

Paltiing 1:17

Ket ito nasingec to arig nga toley, nagdarongkeb bac mettin iya sangu na nga arig gac met nga natey yin. Ket ya napasamac itun, nipatey na met iyaken ya diwanan nga ima na, nga kunen na, “Madi ka mansing, a. Ta iyaken met ya kaonaan se̍ ya kaodiyan ka amin.

Paltiing 1:2

Ket ipakaemmuc met idi nga surat ya kinapudnu maipanggep kadito amin nga naipasingen iyaken, ta isurat ku idi nin to damag nga gayat e̍ Apu Diyus, nga itu pe̍ ya nipakaemmu ne̍ Je̍su Kristu.

Paltiing 1:8

Ket e̍ Apu Diyus, nga Apu nga Mannakabalin ka amin, kinunen na, “Iyaken ya pangrugiyan se̍ ya panggibusan niya amin,” kunen na, ta igina met ya uwed ita, uwed itun, se̍ ya umbe̍t nad pekkem.

Paltiing 19:13

Ket nakake̍bal ka ke̍bal nga biig nga mansa ka daga. Ket “Kagi ne̍ Apu Diyus” ya pangaw-awag da igina.

Paltiing 2:8

“Ket idi ya isurat mu iya anghe̍l nga agay-aywan iya bungguy mamati ka E̍smirna: “Itu yan ya kunen niya kaonaan se̍ kaodiyan ya kinauwed na, nga igina to natey se̍ nagungar mettas:

Paltiing 21:6

Ket kinunen na manin iyaken, “Natungpal ngarud diyan nga kagi yin! Iyaken met ya pangrugiyan se̍ ya panggibusan niya amin, ya pagtaudan se̍ ya pagtungpalan niya amin. Ket diya mewwew, painumec da iya danum niya ubbug nga mange̍cde̍ ka biyag, nga awan bayad na.

Paltiing 22:13

Iyaken ya pangrugiyan se̍ ya panggibusan niya amin, ya kaonaan se̍ ya kaodiyan, ya pagtaudan se̍ ya pagtungpalan niya amin,” kunen na.

Paltiing 3:14

“Ket idi ya isurat mu iya anghe̍l nga agay-aywan iya bungguy mamati ka Lawdisiya: “Itu yan ya kunen niya maawagan ka Ame̍n, nga igina ya mapagtalkan se̍ napudnu nga mangipakaemmu iya pudnu, ket igina pe̍ ya pagtaudan niya amin nga pinarsuwa ne̍ Apu Diyus: