He̍briyu 9:3 - Ya Baru nga Tulag

³ Ket kurtina met ya giset nito pagdaydayawan, se̍ uwed met pe̍ kurtina nga nanglinged ito akin-uneg nga parte̍ na. Ito linged nito maikadduwa nga kurtina, naawagan ka Kasantuwan nga Edyan.

He̍briyu 9:3 Iomraidhean Croise

Matyu 27:51

Ket enna Te̍mplu, napigis mettin itun to kurtina nga nanglinged iya uneg na, nga nagudduwa mettin manipud iya ngatu, nga nanglacpus iya gayad na. Nangyegyeg met pe̍ itun, ket nab-abka diya pinasin.

He̍briyu 6:19

Ket idi nga namnama tida, arig nga baud nga uwed nabaked nga kawit na nga madi makiwa ngin. Ket pakaikaptan na met ya edyan mettas ne̍ Apu Diyus iya likud niya akin-uneg nga kurtina ito pagdaydayawan.

He̍briyu 9:7

Ngem to kangatuwan nga agsirsirbi ngas met ya nakauneg ito akin-uneg nga parte̍ nga naawagan ka Kasantuwan nga Edyan. Ket orey igina, mame̍nsan ngas met iya unus makadagun nga mabalin na ya umuneg iyan. Se̍ no umuneg, masapul nga agitarey ka daga nga idatun na e̍ Apu Diyus, gapu mettas kadiya mismu nga basul na, se̍ gapu pe̍ kadiya amin nga dake̍c nga naariman diya duduma nga toltoley itun nga madi da nadlaw nga basul da.

He̍briyu 9:8

Ket nalawag ngarudin ya isuru niya Ispiritu Santu dactida maipanggep kadiyan nga banbanag, nga agten idi: Bayat niya kauwed pekkem nito makin-ruwar nga parte̍ nito pagdaydayawan idi nga lubung, madi pekkem naipakaemmu kadiya toltoley no kumaan niya makauneg da kuma iya pudnu nga Kasantuwan nga Edyan.