He̍briyu 9:16 - Ya Baru nga Tulag

¹⁶ Kaspagarigan, uwed isa nga toley nga nagisurat ka katulagan, tasun no natey yin, emmu ngarud diya toley no nagan diya agtawid kadiya sanicwa na nga nabati. Ngem emmu tida nga awan pekkem matawid no madi pekkem maipanecnec ya pannakatey nito nangisurat.

He̍briyu 9:16 Iomraidhean Croise

Ruma 5:12

Dikad pe̍ itan, gapu ito basul nito nona nga toley, uwed mettin panagbasul idi nga lubungin. Ket pannakatey met ya pagtungpalan niya panagbasul. Ket iya agten iyan, naalisan mettin diya amin nga toley iya pannakabalin niya patey, gapu ta nagbasul tida nga amin.

Ruma 6:23

Ta ya supapac niya basul, ket patey. Ngem biyag nga agnanayun met nga gennung ya isagut ne̍ Apu Diyus dactida gapu iya pannakaibulun tida e̍ Kristu Je̍sus nga Apu tida.

1 Kurintu 15:22

Ta gapu iya pannakaitipun tida iya kasasaad nito Adan, uwed pannakatey tida nga amin. Ngem gapu iya pannakaitipun tida iya kasasaad ne̍ Kristu, uwed nad pannakapagungar tida nga amin.

He̍briyu 1:3

Ket ya Anac, igina mettas ya pakaemmuwan iya kinadayaw ne̍ Apu Diyus, se̍ igina ya pakasingnan iya gangey na. Ket gapu iya pannakabalin niya kagi niya Anac, igina ya makaemmu nga mangiturung kadiya amin nga naparsuwa. Ket ito nalpas ya panangdalus na dactida nga toley kadiya basbasul tida, nagtugew iya kadayawan nga edyan, nga itu ya madiwanan niya Nadayag nga Diyus nga nailangitan.

He̍briyu 13:20

Ket e̍ Apu Diyus nga mange̍cde̍ ka talna, igina ya pagkararagac maipanggep dakayu. Igina met ya nangpagungar iya Apu tida nga Je̍sus itun. Ket e̍ Apu Je̍sus, igina met ya nagbalin nga Katurayan nga Agay-aywan dactida nga naibilang nga karne̍ru na. Nagbalin ngarud nge̍ Apu Je̍sus nga agten iyan gapu ito naiyayus nga daga na nga nangpatalged iya agnanayun nga tulag ne̍ Apu Diyus dactida.

He̍briyu 9:15

Dikad pe̍ e̍ Kristu ngarud met ya mangibabaet nga nangirugi iya baru nga tulag. Itu nga diya pinili ne̍ Apu Diyus nga katulag na, matawid da ngarudin to nikari na nga agnanayun nga tawid. Ta gapu ito pannakatey ne̍ Kristu, nawayawayaan dan iya pannakaukum da gapu kadito basbasul da, nga naariman da ito uwed da pekkem iya masakupan nito nona nga tulag.

He̍briyu 9:17

Ta bayat niya kauwed na nga biyag pekkem ya agpatawid, madi pekkem matungpal ya katulagan. Ngem no natey yin, matungpalin amin diya naisurat nga nipatulag na.

Santiyagu 2:10

Ta orey no uwed kuma toley nga makatungpal iya amin nga paglinteggan ne̍ Apu Diyus, malacsid iya isa ngas nga pakabasulan na, ket maibilang met nga agsalungasingin iya amin nga banbanag niya paglinteggan ne̍ Apu Diyus.