He̍briyu 9:11 - Ya Baru nga Tulag

¹¹ Ket ita, inumbe̍t mettin nge̍ Kristu nga Kangatuwan nga Agsirsirbi nga mangibegbeggi dactida e̍ Apu Diyus. Igina ya agsirsirbi nga mangipaay kadiya nabaru nga banbanag nga nabangunin. Ket ya panagsirsirbi ne̍ Kristu, nabarbaru. Ta bekken nga ya uneg niya isa nga pagdaydayawan nga inariman toley ya pagdaydayawan na. Kayat na nga kagiyen, bekken nga idi nga nakaparsuwaan nga lubung ya pagdaydayawan na, no di lugud nangatngatu. Ket se̍ awan pagkurangan niyan nga imuneggan na nga pagdaydayawan na.

He̍briyu 9:11 Iomraidhean Croise

Matyu 11:3

Ket kinunen da ngarud e̍ Je̍sus, “Ikew ya naikari nga umbe̍t, winno uwed pekkem mas sabali nga padaanan mi?” kunen da.

Matyu 2:6

‘Dakayu nga iBe̍tle̍he̍m iyan nga ginet ka Huda, bekken nga nababbaba ya dayaw nu ngem kadiya naturay nga siyudad niya Huda. Ta Be̍tle̍he̍m nad met ya pagtaudan niya mangituray nga mangidalan kadiya toley ku nga Israe̍lita,’ kunen na,” kunen da.

Markus 14:58

“Nagicna mi nga kinunen na nga agten idi: ‘Lasangec nad ya Te̍mplu nga pinatdec toley, ket ka unus tellu nga algew, bangunec ya sabali, nga bekken nga inariman toley,’ kunen na met,” kunen da.

Juan 1:14

Ngarud, to maawagan ka Kagi, ket nagbalin nga toley itun, ket nakipagedyan dactida idi nga lubung. Ket dakami, nasingen mi ya kinadayaw na nga tumaud e̍ Apu Diyus nga Ama na. Igina ngarud ya nadayaw nga kackaisu nga Anac ne̍ Apu Diyus, ket yan nas siaayat nga asi, se̍ kinapudnu ya uwed igina.

Juan 4:25

Ket to babey, kinunen na e̍ Je̍sus, “Emmuc met nga umbe̍t nad ya Me̍siyas nga maawagan ka Kristu. Ket nad no umbe̍t, ipakaemmu na dactida diya amin nga banbanag,” kunen na.

Aramid 7:48

“Ngem e̍ Apu Diyus nga Kangatuwan, bekken met nga pagdaydayawan nga inariman toley ya tutu nga pagedyanan na. Ta agten ito kinunen nito isa nga mammadtu itun, nga nipaikagi ne̍ Apu Diyus igina nga kinunen na,

2 Kurintu 4:18

Ta bekken nga diya masingsingen idi nga lubung ya laglagipen mi, no di lugud diya di masingen nga banbanag. Ta diya masingen nga banbanag, ket agpatingga da nad mettas. Ngem diya madi masingen nga banbanag, ket agnanayun da met.

2 Kurintu 5:1

Ket madi kami ngarud makumsa kadiya pakarigrigatan mi. Ta emmu mi nga orey no matey tida, se̍ mapirdi didi nga beggi tida, nga arig ngas nga bawi diya biyag tida idi nga lubung, ket emmu mi ngarud nga sukatan nad ne̍ Apu Diyus ka madi matey nga beggi no uwed tida ka langitin. E̍ Apu Diyus mettas ya paggayatan niyan nga agnanayun nga beggi nga maiyarig ka baley nga bekken nga inariman toley.

Kulusas 2:11

Ket gapu mettas iya pannakaitipun nu e̍ Kristu win, nagbalin kayu met nga arig nga pudnu nga nakugit nga Hudyu win. Ta orey bekken kayu nga Hudyu, uwed met arig nga pannakakugit nun. Ket bekken nga inariman niya toley yani, ta itu ya pannakaipac diya tarigagay niya sibabasul nga kinatoley nu. Ta gapu iya pannakaitipun nu e̍ Kristu win, madi kayu nga paiturayanin iya panpanunut nga tumaud ngas iya kinatoley nun.

He̍briyu 10:1

Agten idi nin: To Linteg ne̍ Muyse̍s, bekken nga naan-anay, no di arig nga niniwing ngas diya nabaru nga banbanag nga sumarunu. Ta sigun ito Linteg, masapul nga dinagun nga mabaliwan ya panangidatun kadito agten mettas nga kita datun, nga awan panagpatingga na. Ngem madi met kabaellan nito Linteg nga pagbalinen nga awan pagkurangan niya kasasaad diya toley iya imatang ne̍ Apu Diyus, gapu kadiyan nga datdatun, orey agdaydayaw da igina.

He̍briyu 12:27

Ket iyan nga kunen na nga pe̍dwaen na kanu pekkem, ipakaemmu na ngarud dactida nga mayegyeg nad nga mapukaw diya naparsuwa nga banbanag, tasun diya nabaked nga madi mayegyeg winno mapukaw, didi ngas nad met diya mabati.

He̍briyu 13:14

Ta idi nga lubung, awan agnanayun nga ili tida. Ngem uwed met namnamaen tida nga ili tidan, nga datngen tida nad iya maadpangan.

He̍briyu 2:17

Ket itu nga masapul nga linak-am ne̍ Je̍sus diya amin nga kasasaad diya naibilang nga kakabsat na, tasun igina kuma ya agbalin nga managkaasi se̍ mapagtalkan nga Kangatuwan nga Agsirsirbi, nga mangibegbeggi dactida e̍ Apu Diyus. Ket iya agten iyan, inariman nan ya pannakaudas nga pakapakawanan diya basbasul diya toley.

He̍briyu 3:1

Itu nga dakayu nga kakabsat nga pinili ne̍ Apu Diyus nga toley na se̍ kabulun mi nga maipaayan ka nailangitan nga saad, ut-utuben nu kuma ya maipanggep e̍ Je̍sus. Ta igina met ya nibon ne̍ Apu Diyus nga arig nga apustul, se̍ igina pe̍ ya tutu nga Kangatuwan nga Agsirsirbi nga mangibegbeggi iya pammati tida.

He̍briyu 4:15

Ket idi nga Kangatuwan nga Agsirsirbi nga mangibegbeggi dactida e̍ Apu Diyus, bekken met nga isa nga madi makaisakit iya kinakapsut tida. Maisakit nactida ngarud, ta napadas na met amin nga kita sulisug gapu iya kinatoley na nga agten dactida. Napadas na ngarud amin diyan, ngem madi pulus nagbasul.

He̍briyu 7:1

Kaiyarigan ngarud ne̍ Je̍sus to Me̍lkise̍de̍c, ta to Me̍lkise̍de̍c, ket ari itun ka ili nga Sale̍m, se̍ mangibegbeggi pe̍ itun kadiya toltoley e̍ Apu Diyus nga Kangatuwan. Ket ito naggayat to Abraham nga nakigubat kadito duduma nga ar-ari nga inabac na, nawe̍ sinabet nito Me̍lkise̍de̍c. Ket nikararagan na ka pangpadayaw na ito Abraham iya imatang ne̍ Apu Diyus.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.

2 Juan 1:7

Ipalagip ku dakayu diyan, ta adu diya mangallilaw nga agpaspasyar kadiya nadumaduma nga il-ili iya lubung. Madi da umannamung iya panursuru nga e̍ Je̍su Kristu ya naipatoley nga nibon ne̍ Apu Diyus. Diya agten iyan nga toley, igida diya mangallilaw kadiya toltoley, se̍ igida pe̍ diya kumuntra e̍ Kristu.