He̍briyu 8:9 - Ya Baru nga Tulag

⁹ Ngem ya baru nga tulag nga bangunec, bekken nin nga agten ito tulag nga binangun ku itun kadito am-ama da, ito timpu nga arig nga gine̍pe̍d ku da, nga nipanaw ku da enna E̍hiptu. Ta igida itun, nauma da met nga agtungpal ito tulag nga nibagac igida, itu nga binaybay-ac dan,’ kunen niya Apu.

He̍briyu 8:9 Iomraidhean Croise

Markus 8:23

Ket gine̍pe̍d ngarud ne̍ Je̍sus to kulap, nga niruwar na ito puruc. Linutaban met ne̍ Je̍sus diya mata nito kulap, se̍ na da inpup, se̍ na kinunen, “Uwed masingem mun?” kunen na.

Aramid 13:11

Ita, kulapen naka ya Apu win gapu iya turay na, ta pangpakig-as na ikew. Madi ka makasingen, orey nasinag, patingga ka di naka mettas palaingen ya Apu,” kunen ne̍ Pablu ito E̍limas. Ket tutu met, ta nakulabutan ya mata nan, ket gimicbet ya panagsingen nan. Ket karkaradapen na ya agsapul ka mangge̍pe̍d iginan.

Aramid 7:36

“Dikad pe̍ e̍ Muyse̍s ngarud to nangipangulu nga nangidalan kadito am-ama tida nga pimanaw ka E̍hiptu. Ket e̍ Muyse̍s, adu dito nakaskasdaaw se̍ pagilasinan nga winangel na ito kauwed da pekkem ka E̍hiptu, se̍ ito dimelmang da ito baybay nga maawagan ka Nadgang nga Baybay, se̍ ito panagallaalla da enna away ka unus eppat nga pulu nga dagun.

Aramid 9:8

Ket ginumnukat ngarud nge̍ Saulu win, ngem orey nagmulagat, madi met latta makasingen. Itu nga gine̍pe̍d da nga nipen ka Damasku win.

Galasiya 4:24

Ket ita, agpangngarig gac maipanggep kadidi nga banbanag: Ket dito duwa nga babey, iyarig ku da ka duwa nga tulag. To Hagar, itu ya maiyarig ito tulag nga nibilin ne̍ Apu Diyus enna Tageytey Sinay itun. Ket diya nasakupan niyan nga tulag, maiyarig da kadiya matagabu nga an-anac nito Hagar.