He̍briyu 8:6 - Ya Baru nga Tulag

⁶ Ngem ya kinapudnu na, nangatngatu nga unay ya panagsirsirbi nga naisaad e̍ Je̍sus ngem iya panagsirsirbi diya uwed idi nga lubung. Ta igina mettin ya mangibabaet dactidan e̍ Apu Diyus maikanatad mettas iya namaymayat nga tulag. Ket idi nga namaymayat nga tulag tida, namaymayat ngarud ngem ito non-ona nga tulag. Ta namaymayat ngamin ya nakaibangunan na, nga itu dito nikari ne̍ Apu Diyus.

He̍briyu 8:6 Iomraidhean Croise

Lukas 22:20

Se̍ manin, kalpasan niya pannangan da, ne̍cde̍ na igida ya paginuman, ket kinunen na, “Idi nga binasu nga mainum, itu ya pakaemmuwan nu nga uwed kabarbaru nga tulag ne̍ Apu Diyus dakayu, nga mapalagdaan gapu iya pannakaiyayus niya dagac para dakayu.]

Ruma 9:4

Ket Israe̍lita da met. Igida met dito pinili ne̍ Apu Diyus itun nga pinagbalin na nga anac na. Igida diya nagedyanan niya kinadayaw ne̍ Apu Diyus, se̍ igida pe̍ diya kinatulag na. Ket igida diya nangitalkan na ito Linteg, se̍ to pudnu nga panagdayaw nga nibilin na igida, se̍ igida diya nagkariyan na pe̍ itun.

E̍pe̍su 2:12

ta naisina kayu ngarud itun e̍ Kristu. Naibilang kayu nga gan-gannaet itun, ta madi kayu nairaman iya kasasaad diya Israe̍lita nga toley ne̍ Apu Diyus. Se̍ awan met nakaibiyangan nu itun kadito tultulag ne̍ Apu Diyus maipanggep iya kari na kadiya toley na. Toley kayu was itun idi nga lubung nga awanan namnama se̍ awanan iya tulung ne̍ Apu Diyus.

1 Timutyu 2:5

Ta uwed das is-isa nga Diyus, ket is-isa met pe̍ ya mangiyadenni e̍ Apu Diyus se̍ iya toley, nga itu nge̍ Kristu Je̍sus nga nagpaitoley.

Titu 1:2

Ket ya pungut niya panamati tida, itu ya panagnamnama tida iya biyag nga agnanayun nga awan patingga na. Ket e̍ Apu Diyus, nikari na dactidan yan nga biyag. Itu to nikari na ito di pekkem nga naparsuwa ya lubung ngi, ket emmu tida nga madi met agbusid nge̍ Apu Diyus.

He̍briyu 12:24

Se̍ nadateng nu ngarud pe̍ yin ya edyan ne̍ Je̍sus, nga igina met ya mangibabaet dactida e̍ Apu Diyus sigun mettas iya paglinteggan niya baru nga tulag. Se̍ nakadateng kayu pe̍ yin iya nagbanagan nito daga na, nga itu ya pannakawarsi nga pakadalusan nun. Ket bekken ngarud nga agten nas ito naiyayus nga daga nito Abe̍l yan, no di lugud agsirbi iya namaymayat nga banag.

He̍briyu 7:22

Dikad pe̍ gapu idi nga nisapata ne̍ Apu Diyus, ket e̍ Je̍sus ngarudin ya mangpatalged nga uwed mettin namaymayat nga tulag nga inariman ne̍ Apu Diyus dactidan.

2 Pe̍dru 1:4

Ket gapu iya kinadayaw se̍ kinalaing na, nikari na dactida diya napapateg se̍ nakaskasdaaw nga unay nga karkari na. Tasun iyan, gapu kadidi nga karkari na, maliclikan nu kuma diya makapadake̍c nga uwed idi nga lubung gapu kadiya dake̍c nga tarigagay niya toley, tasun makipaglak-am kayu kuma iya gangey ne̍ Apu Diyus.