He̍briyu 8:13 - Ya Baru nga Tulag

¹³ Dikad pe̍ ito panangunen ne̍ Apu Diyus nga uwed baru nga tulagin, itu met ya panangipakaemmu na dactida nga to nona nga tulag, ibilang na nga dadaanin. Ket emmu tida nga no ya isa nga nadaan nga banag nga awan sirbi nan, ket malabes ngasin iya di mabayag.

He̍briyu 8:13 Iomraidhean Croise

Matyu 24:35

No ya abac lawa se̍ ya lubung ngi, uwed nad met panagpatingga da. Ngem diya kagic nga gennung, pulus met nga awan panagpatingga da.”

Lukas 22:20

Se̍ manin, kalpasan niya pannangan da, ne̍cde̍ na igida ya paginuman, ket kinunen na, “Idi nga binasu nga mainum, itu ya pakaemmuwan nu nga uwed kabarbaru nga tulag ne̍ Apu Diyus dakayu, nga mapalagdaan gapu iya pannakaiyayus niya dagac para dakayu.]

1 Kurintu 13:8

Madi agpatingga ya sirbi niya panagayat. Ngem no ya panangasaba, malabes nad mettas. Agten pe̍ ya panagkagi ka nadumaduma nga pagkakagi, uwed nad pe̍ panagsardeng na. Ket orey ya pannakaemmu niya toley, malabes ngas nad pe̍ ya sirbi na.

2 Kurintu 3:6

Igina ya nange̍cde̍ ka kabaellan mi nga mangipalawag iya baru nga tulag na dactida. Ket idi nga baru nga tulag, ipakaemmu na dactida gapu iya Ispiritu na, bekken nga gapu ta naisurat ka libru. Ta ya panagtungpal diya toley iya naisurat igida nga linteg ne̍ Apu Diyus, ket itu mettas ya pakaukuman da nga pakatayan da. Ngem ya panagtungpal toley iya Ispiritu ne̍ Apu Diyus nga gennung, itu lugud ya agnanayun nga pakabiyagan da.

2 Kurintu 5:17

Ket agten iyan met pe̍ ya panangibilang niya orey nagan na nga toley nga maitipun e̍ Kristu. Ta ya toley nga maitipun e̍ Kristu, maiyarig nga kabarbaru nga parsuwa ngin. Ket nabaliwanin dito daan nga panpanunut na ka kabarbaru nga panpanunutin.

He̍briyu 1:11

Ket diyan, mapukaw da nad mettas. Ngem ikew nga gennung, madi ka pulus nga mapukaw. Diyan, agpatingga da nad ngas met nga arig nga nape̍rsepe̍rsey nga luput.

He̍briyu 12:24

Se̍ nadateng nu ngarud pe̍ yin ya edyan ne̍ Je̍sus, nga igina met ya mangibabaet dactida e̍ Apu Diyus sigun mettas iya paglinteggan niya baru nga tulag. Se̍ nakadateng kayu pe̍ yin iya nagbanagan nito daga na, nga itu ya pannakawarsi nga pakadalusan nun. Ket bekken ngarud nga agten nas ito naiyayus nga daga nito Abe̍l yan, no di lugud agsirbi iya namaymayat nga banag.

He̍briyu 7:22

Dikad pe̍ gapu idi nga nisapata ne̍ Apu Diyus, ket e̍ Je̍sus ngarudin ya mangpatalged nga uwed mettin namaymayat nga tulag nga inariman ne̍ Apu Diyus dactidan.

He̍briyu 8:6

Ngem ya kinapudnu na, nangatngatu nga unay ya panagsirsirbi nga naisaad e̍ Je̍sus ngem iya panagsirsirbi diya uwed idi nga lubung. Ta igina mettin ya mangibabaet dactidan e̍ Apu Diyus maikanatad mettas iya namaymayat nga tulag. Ket idi nga namaymayat nga tulag tida, namaymayat ngarud ngem ito non-ona nga tulag. Ta namaymayat ngamin ya nakaibangunan na, nga itu dito nikari ne̍ Apu Diyus.

He̍briyu 8:8

Ngem gapu ta emmu ne̍ Apu Diyus nga uwed pagkurangan dito toley nga nasakupan nito nona nga tulag, ket agten idi ya kinunen na igida itun: “‘Ngarud,’ kunen niya Apu, ‘Madatngan nad ya timpu nga uwed baru nga tulag nga bangunec kadiya toley ku nga kapututan dito Israe̍l se̍ Huda.

He̍briyu 9:15

Dikad pe̍ e̍ Kristu ngarud met ya mangibabaet nga nangirugi iya baru nga tulag. Itu nga diya pinili ne̍ Apu Diyus nga katulag na, matawid da ngarudin to nikari na nga agnanayun nga tawid. Ta gapu ito pannakatey ne̍ Kristu, nawayawayaan dan iya pannakaukum da gapu kadito basbasul da, nga naariman da ito uwed da pekkem iya masakupan nito nona nga tulag.