He̍briyu 8:11 - Ya Baru nga Tulag

¹¹ Ket madi nad masapul nga agsisinnuru diya agkakailiyan winno diya agkakabsatin maipanggep iya pannakaemmu da iyaken. Madi da nad ngarud masapul nga ibaga nga, “Makiyem-emmu ka kuma ngarud iya Apu.” Ata amin da, em-emmu dac nad mettin, orey diya toley nga e̍teng ngas ya dayaw da, se̍ pati diya kadayawan nga toley.

He̍briyu 8:11 Iomraidhean Croise

Juan 6:45

Malagip nu to naisurat iya Bibliya nga kinunen dito mammadtu, ‘Ket igida, sursuruwan nad ne̍ Apu Diyus da nga amin,’ kinunen da itun. Ket tutu met nga amin diya agad-adal se̍ mangipangag e̍ Apu Diyus, umadenni da ngarud nga sumurut iyaken.

Aramid 8:10

Ket nipangpangag ngarud diya orey nagan na nga toley, orey nanumu man winno mabigbig. Ket kinunen dito toltoley, “Igina mettin ya pudnu nga pakasingnan iya pannakabalin ne̍ Apu Diyus, ket maawagan met ka ‘Mannakabalin’,” kunen da.

1 Juan 2:27

Ket no dakayu, silalagip kayu iya tulung nga ipaay niya Ispiritu Santu nga uwed nga pe̍yeng dakayu, nga itu ya ne̍cde̍ ne̍ Kristu dakayu. Itu nga awan met kasapulan nu nga sabali nga mangisursuru dakayun, ta ya Ispiritu Santu met ya mangisuru dakayu maipanggep ka amin nga banbanag. Ket pudnu was met ya isursuru na dakayu, nga awan busid na. Itu nga laglagipen nu kuma ngarud nge̍ Kristu, sigun iya nisuru niya Ispiritu Santu dakayu.

1 Juan 5:20

Ket emmu tida pe̍ nga inumbe̍tin ya Anac ne̍ Apu Diyus, ket ne̍cdan nactida ka pannakaawat tasun maemmuwan tida ya pudnu nga Diyus. Ket naitipun tidan iya pudnu nga Diyus, ta naitipun tida mettin iya Anac na nga Je̍su Kristu. Igina met ya pudnu nga Diyus se̍ paggayatan niya agnanayun nga biyag.