He̍briyu 8:10 - Ya Baru nga Tulag

¹⁰ Ket kunen na manin, ‘Agten idi ya baru nga tulag nga bangunec kadiya kapututan nito Israe̍l no madatngan nad ya timpu na: Ipay ku nad diya bilbilin ku iya panpanunut diya toltoley, ket ya lemlemmet da, itu nad ya arig nga pagisuratac kadidi nin. Ket iyaken nad ya Diyus da, ket igida nad met pe̍ diya toley ku.

He̍briyu 8:10 Iomraidhean Croise

Matyu 22:32

Ta kinunen na, ‘Iyaken ya Diyus ne̍ Abraham, se̍ ya Diyus ne̍ Isaac, se̍ ya Diyus ne̍ Hakub,’ kunen na. Ngarud, diya kameng ne̍ Apu Diyus, bekken da met nga maibilang nga natey, no di lugud maibilang da nga sibibiyag,” kunen na.

Ruma 11:27

Ket yan nad ya panangipac ku kadiya basbasul dan, sigun ito nikaric igida itun,” kunen na.

1 Kurintu 6:16

Di kayu kad emmu nga no uwed lalaki nga makitipun iya isa nga huste̍s, agbalin da nga is-isa ngin iya imatang ne̍ Apu Diyus, nga arig nga is-isa ya beggi dan? Ta agten iyan ngarud ya kayat na nga kagiyen to naisurat iya Bibliya maipanggep kadiya duwa nga toley nga agasawa, nga kunen na, “Agbalin da nga arig nga is-isa ngin,” kunen na.

2 Kurintu 3:3

Ket nalawag ngarud nga dakayu ya arig nga surat nga gayat e̍ Kristu, ket dakami ya arig nga nangisagana iya surat. Ngem idi nga arig nga surat, bekken nga masapul ya pagsurat nga tinta winno pagsuratan nga batu, ta ya Ispiritu niya sibibiyag nga Diyus, igina mettas ya arig nga pagsurat idi nga ipakaemmu na kadiya panpanunut toley.

Titu 2:14

Igina met ya nangipalubus nga naidatun ya biyag na para dactida, tasun subbuten nactida iya turay diya amin nga kita niya kinadake̍c, se̍ tasun pagbalinen nactida nga kuwa na nga toley nga awanan basul, se̍ napasnec iya panagwangel ka nabaru.

He̍briyu 11:16

Ngem namaymayat met to ili nga inarapaap da, nga itu ya uwed ka langit. Itu nga madi malyew nge̍ Apu Diyus no kunen da nga igina ya Diyus da, ta uwed met nisagana na nga ili dan.

Santiyagu 1:18

Ket gapu mettas iya rimidyu ne̍ Apu Diyus, pinagbalin nactida nga anac na gapu iya kagi na nga naipakaemmu dactida, nga itu ya kinapudnu. Agten iyan ngarud ya nirimidyu ne̍ Apu Diyus, ta gabay na no dactida nga mamati, ket maiyarig tida iya kangrunaan kadiya amin nga pinarsuwa na.

Santiyagu 1:21

Itu nga bay-an nu kuma ya amin nga naalas nga panpanunut se̍ adu nga dake̍c nga ugali. Ket agtudyu kayu was e̍ Apu Diyus, nga pe̍yeng nu nga laglagipen ya kagi na nga inawat nu. Ta naipakaemmu ngarud dakayun, ket itu pe̍ yin ya pakaisalakanan nu.

1 Pe̍dru 1:23

Agten iyan kuma ngarud, ata naibilang kayu nga nabalbaliwan nga naiyanac kin. Ket idi nga nangputut dakayun, bekken nga isa nga uwed pannakatey na, no di lugud pulus nga awan panagpatingga na. Ket idi nga nabalbaliwan nga pannakaiyanac nu, gapu mettas iya kagi ne̍ Apu Diyus nga mange̍cde̍ ka biyag se̍ agpaut ka agnanayun.

1 Pe̍dru 2:9

Ngem dakayu, napili kayu nga toley ne̍ Apu Diyus, se̍ agsirsirbi kayu nga maipaay igina nga Ari tida. Dakayu pe̍ ya naibilang nga nasyun nga maipaay igina. Dakayu ngarud diya toley nga pinagbalin na nga dungdungnguwen na. Agten iyan ya nikeddeng ne̍ Apu Diyus, tasun dakayu kuma ya mangipakaemmu maipanggep iya kinadayaw na, nga igina ya nangisalakan dakayu iya arig nga gicbet, se̍ nisaad nakayun iya wada na nga nakaskasdaaw.