He̍briyu 7:8 - Ya Baru nga Tulag

⁸ Ket to Me̍lkise̍de̍c, bekken nga agten kadito kapututan nito Le̍bi nga agsirsirbi iya pagdaydayawan. Ta no igida, nabilin da ngarud nga mangalac ka apagkapullu diya masapulan diya toltoley, ngem toley da ngas met nga uwed pannakatey da. Ngem to Me̍lkise̍de̍c nga isa pe̍ nga nangalac ka apagkapullu, ket awan emmu tida nga panagpatingga niya biyag na, sigun iya naipakaemmu iya Bibliya.

He̍briyu 7:8 Iomraidhean Croise

Juan 14:19

Ket iya di mabayag, madi dac masingen nin diya bekken nga mamati. Ngem no dakayu, malasin dac nad lugud. Ket gapu ta sibibiyag gac nad pekkem, sibibiyag kayu met pe̍.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

He̍briyu 3:16

Ket nagan ngata dito kayat na nga kagiyen nga nakagicna kanu iya kagi ne̍ Apu Diyus se̍ nalucsew igina? Didi ngarud dito amin nga nipanaw nito Muyse̍s ka E̍hiptu itun.

He̍briyu 5:6

Ket uwed manin to kinunen na nga, “Isa ka nga agnanayun nga agsirsirbi nga mangibegbeggi, nga agten mettas ito panagsirsirbi nito Me̍lkise̍de̍c,” kunen na.

He̍briyu 6:20

Ket itu pe̍ ya napennan ne̍ Je̍sus nga non-ona ngem dactida. Igina met ya nagbalin nga Kangatuwan nga Agsirsirbi nga mangibegbeggi dactida e̍ Apu Diyus ka agnanayun, nga agten mettas ito panagsirsirbi nito Me̍lkise̍de̍c itun.

He̍briyu 7:23

Ket dito agsirsirbi iya pagdaydayawan itun, adu da met, ata nagsasarunu nga naisaad, gapu ta matmatey da. Ket iya agten iyan, nagpatingga met ya panagsirsirbi niya tunggal isa igida no natey yin.

He̍briyu 7:7

Ket emmu tida met nga ya uwed turay na nga mangpadayaw, nangatngatu ngarud ya saad na ngem iya saad niya mapadayawan.

He̍briyu 7:9

Ket bekken nas met nga iyan, ta to Le̍bi pe̍ nga akin-kapututan mettas kadito nadutukan nga mangalac kadiya apagkapullu diya masapulan diya toltoley, arig nga igina met pe̍ ya isa nga nange̍cde̍ ka apagkapullu ito Me̍lkise̍de̍c. Ta ito panange̍cde̍ nito Abraham ito apagkapullu nito naalac na ito Me̍lkise̍de̍c, arig nga nairaman pe̍ to Le̍bi iya panange̍cde̍ na.

He̍briyu 9:27

Ket no dactida nga toley, sigud nga naikeddeng nga matey tida ka mame̍nsan, ket kalpasan na, uwed pe̍ yin ya panangukum ne̍ Apu Diyus.

Paltiing 1:18

Iyaken ya sibibiyag nga pe̍yeng. Natey yac itun, ngem ita, singem, sibibiyag gac kun ka agnanayun. Ket iyaken ya nakaitalkan diya arig nga tulbec niya pannakabalin niya patey se̍ ya pagtuukan diya natey enna Hade̍s.