He̍briyu 7:22 - Ya Baru nga Tulag

²² Dikad pe̍ gapu idi nga nisapata ne̍ Apu Diyus, ket e̍ Je̍sus ngarudin ya mangpatalged nga uwed mettin namaymayat nga tulag nga inariman ne̍ Apu Diyus dactidan.

He̍briyu 7:22 Iomraidhean Croise

Matyu 26:28

Ta idi ya dagac, nga itu ya mangpalagda iya tulag ne̍ Apu Diyus. Maiyayus ya dagac nga agpaay kadiya adu nga toltoley, tasun mapakawan diya basbasul da.

Markus 14:24

Ket kinunen na igida, “Idi ya dagac nga mangpalagda iya tulag ne̍ Apu Diyus, nga maiyayus nga agpaay kadiya adu nga toltoley.

Lukas 22:20

Se̍ manin, kalpasan niya pannangan da, ne̍cde̍ na igida ya paginuman, ket kinunen na, “Idi nga binasu nga mainum, itu ya pakaemmuwan nu nga uwed kabarbaru nga tulag ne̍ Apu Diyus dakayu, nga mapalagdaan gapu iya pannakaiyayus niya dagac para dakayu.]

1 Kurintu 11:25

Se̍ manin, kalpasan niya pannangan da, ne̍cde̍ na pe̍ igida ya paginuman, ket kinunen na, “Idi nga binasu nga mainum, itu ya pakaemmuwan nu nga uwed kabarbaru nga tulag ne̍ Apu Diyus dakayu, nga mapalagdaan gapu iya dagac. Ket orey no nungey kayu nga aguurnung nga mangilagip iyaken, arimanen nu ya agten idi nga panaginum nga panangilagip nu iyaken,” kunen na.

He̍briyu 12:24

Se̍ nadateng nu ngarud pe̍ yin ya edyan ne̍ Je̍sus, nga igina met ya mangibabaet dactida e̍ Apu Diyus sigun mettas iya paglinteggan niya baru nga tulag. Se̍ nakadateng kayu pe̍ yin iya nagbanagan nito daga na, nga itu ya pannakawarsi nga pakadalusan nun. Ket bekken ngarud nga agten nas ito naiyayus nga daga nito Abe̍l yan, no di lugud agsirbi iya namaymayat nga banag.

He̍briyu 13:20

Ket e̍ Apu Diyus nga mange̍cde̍ ka talna, igina ya pagkararagac maipanggep dakayu. Igina met ya nangpagungar iya Apu tida nga Je̍sus itun. Ket e̍ Apu Je̍sus, igina met ya nagbalin nga Katurayan nga Agay-aywan dactida nga naibilang nga karne̍ru na. Nagbalin ngarud nge̍ Apu Je̍sus nga agten iyan gapu ito naiyayus nga daga na nga nangpatalged iya agnanayun nga tulag ne̍ Apu Diyus dactida.

He̍briyu 7:23

Ket dito agsirsirbi iya pagdaydayawan itun, adu da met, ata nagsasarunu nga naisaad, gapu ta matmatey da. Ket iya agten iyan, nagpatingga met ya panagsirsirbi niya tunggal isa igida no natey yin.

He̍briyu 8:13

Dikad pe̍ ito panangunen ne̍ Apu Diyus nga uwed baru nga tulagin, itu met ya panangipakaemmu na dactida nga to nona nga tulag, ibilang na nga dadaanin. Ket emmu tida nga no ya isa nga nadaan nga banag nga awan sirbi nan, ket malabes ngasin iya di mabayag.