He̍briyu 7:19 - Ya Baru nga Tulag

¹⁹ Ta awan met naibilang nga awan pagkurangan na iya imatang ne̍ Apu Diyus gapu ito Linteg. Ket ita, uwed met namaymayat nga pagnamnamaan nga naipakaemmu dactidan, ket itu ya pakaiyadenniyan tidan e̍ Apu Diyus.

He̍briyu 7:19 Iomraidhean Croise

Juan 1:17

Ta agten idi: To Linteg tida nga Hudyu, nipaibilin ne̍ Apu Diyus itun ito Muyse̍s. Ngem ya siaayat nga panangaasi se̍ kinapudnu nga gennung nga nipakaemmu ne̍ Apu Diyusin, ket e̍ Je̍su Kristu met ya nakaigapu kadiyan.

Juan 14:6

Ket kinunen ne̍ Je̍sus igina, “Iyaken mettas ya dalan, se̍ ya pagtaudan niya kinapudnu, se̍ ya mange̍cde̍ ka biyag. Awan makapen iya Ama no madi manalan iyaken.

Aramid 13:39

Ket to Linteg ne̍ Muyse̍s, madi nakaipac iya rebbeng diya toley maigapu kadiya basbasul da. Ngem gapu e̍ Je̍susin, orey nagan na nga mamati igina, mawayawayaan ka amin ditun nga banbanagin.

Ruma 5:2

Ket gapu pe̍ e̍ Je̍su Kristu, uwed mettin gundaway tida nga aglak-am iya siaayat nga asi ne̍ Apu Diyus, nga malak-aman tida ngarudin gapu ka panamati. Ket ipatpateg tida mettin yani nga kasasaad tida. Ket agragsac tida ngarudin gapu idi nga namnamaen tida, nga itu ya pakairamanan tida nad mettas e̍ Apu Diyus iya kinadayaw na.

Ruma 7:7

Ngem orey agten iyan, madi kayu kuma pagarupen nga pagtaudan niya basul ya Linteg ne̍ Muyse̍s, ta bekken met. Ngem no awan kuma nabangun nga linteg, madic met naemmuwan ya kinapudnu maipanggep ka basul. Kaspagarigan, di yac naemmuwan nga basul ku ya panagagum, ngem uwed to bilin iya Linteg nga kunen na nga, “Madi ka agagum.” Itu nga naemmuwac mettin.

Ruma 8:3

Winayawayaan nactida ngarud, ta no ya Linteg, madi na met kabaellan nga abaken ya pannakabalin niya basul, gapu ta kurang ya kabaellan diya toley nga mangtungpal. Itu nga e̍ Apu Diyus met ya nangabac kin iya pannakabalin niya basul. Inabac na ngarud ito nibon na ya Anac na nga nagpaitoley, tasun uwed beggi na nga kalanglanga niya managbasul nga beggi tida, se̍ tasun agpaay maigapu ka basul. Ket iya agten iyan, inabac ne̍ Apu Diyusin ya pannakabalin niya basul, gapu iya beggi niya Anac na.

Galasiya 2:16

Ngem orey dakami nga naiyanac nga Hudyu, emmu mi met nga awan toley nga maibilang nga nalinteg iya imatang ne̍ Apu Diyus gapu iya panagtungpal na iya Linteg nito Muyse̍s, no di lugud gapu was iya panamati na e̍ Je̍su Kristu ya pannakapalinteg na. Itu nga dakami nga Hudyu, namati kami met pe̍ e̍ Kristu Je̍sus, tasun gapu iya panamati mi e̍ Kristu, ibilang nakami nge̍ Apu Diyus nga nalinteg gin iya imatang na. Ket ya pannakapalinteg mi, bekken met nga gapu iya panagtungpal mi iya Linteg ne̍ Muyse̍s. Ta awan met toley nga maibilang nga nalinteg iya imatang ne̍ Apu Diyus gapu iya panagtungpal na iya Linteg.

Galasiya 3:21

Ket yaen na, kunen tida kadi nga maikuntra ya Linteg nito Muyse̍s kadito nikari ne̍ Apu Diyus? Bekken met! Ta awan met nipabangun ne̍ Apu Diyus nga linteg nga makae̍cde̍ dactida ka biyag nga agnanayun gapu iya panagtungpal tida. Ta no uwed, itu kuma ngarudin ya pakapalinteggan tidan.

Galasiya 3:24

Dikad pe̍ to Linteg, itu ya nangaywan dactida itun patingga ito inumbe̍t ne̍ Kristu, tasun no umbe̍tin, mapalinteg tidan iya imatang ne̍ Apu Diyus gapu iya panamati tida e̍ Kristu.

E̍pe̍su 3:12

Ket itan, gapu iya pannakaitipun tida e̍ Kristu, agtalged tida nga umadenni nga siwayawaya e̍ Apu Diyusin gapu iya panamati tida e̍ Kristu.

Kulusas 1:27

Ket dactida nga toley ne̍ Apu Diyus, dactida mettin ya pinili na nga pangipakaemmuwan nan iya kinakaskasdaaw niyan nga napateg se̍ nadayaw nga panggep na maipanggep kadiya bekken nga Hudyu. Ket ya banag nito panggep na, ket agten idi: Uwed met dakayu nge̍ Kristu win, nga itu ya namnamaen nu nga mairaman kayu kadiya nadayaw nga iturayan na.

1 Timutyu 1:1

Iyaken nge̍ Pablu nga isa nga apustul nga agpaay e̍ Kristu Je̍sus. Agten iyan ngarud ya saad ku, gapu mettas iya bilin ne̍ Apu Diyus nga Mangisalakan dactida se̍ e̍ Kristu Je̍sus nga pagnamnamaan tida.

He̍briyu 10:1

Agten idi nin: To Linteg ne̍ Muyse̍s, bekken nga naan-anay, no di arig nga niniwing ngas diya nabaru nga banbanag nga sumarunu. Ta sigun ito Linteg, masapul nga dinagun nga mabaliwan ya panangidatun kadito agten mettas nga kita datun, nga awan panagpatingga na. Ngem madi met kabaellan nito Linteg nga pagbalinen nga awan pagkurangan niya kasasaad diya toley iya imatang ne̍ Apu Diyus, gapu kadiyan nga datdatun, orey agdaydayaw da igina.

He̍briyu 11:40

Ta uwed namaymayat nga panggep ne̍ Apu Diyus para igida nga maigapu met dactida. Itu ya panangiraman na igida iya kasasaad tida nga awan pagkurangan iya imatang ne̍ Apu Diyus.

He̍briyu 11:6

Ngarud, no awan panamati tida, madi met mabalin nga ay-ayuwen tida nge̍ Apu Diyus. Ta ya orey nagan na nga mayat nga umadenni kuma nga agdayaw e̍ Apu Diyus, masapul ngarud nga patiyen na nga uwed Diyus, se̍ patiyen na pe̍ nga e̍ Apu Diyus, igina ya manggun-guna nga tutu kadiya mangemmu igina.

He̍briyu 3:6

Ngem e̍ Kristu nga gennung, bekken nas met nga eb-ebbonen, no di lugud Anac ne̍ Apu Diyus, ket managtungpal iya panangituray na kadiya toley nga arig nga pamilya ne̍ Apu Diyus. Ket dactida, pamilya nactida met pe̍ no sipupudnu tida nga mangsalimetmet iya panagtalged se̍ panagnamnama tida igina nga pakaragsakan tida, agingga iya panungpalan.

He̍briyu 4:16

Dikad pe̍ agtalged tida kuma nga umadenni ngarudin iya edyan ne̍ Apu Diyus nga pagtaudan niya siaayat nga panangaasi nga ipaay na dactida. Umadenni tida kuma ngarud, tasun kaasiyan nactida, se̍ tasun tulungan nactida kuma pe̍ gapu iya siaayat nga asi na dactida no uwed kasapulan tida.

He̍briyu 6:18

Dikad pe̍ uwed diyan nga duwa nga inariman ne̍ Apu Diyusin nga kari na se̍ sapata na, nga awan pulus pannakabaliw dan, ket emmu tida nga pulus nga madi mabalin nga agbusid nge̍ Apu Diyus maipanggep kadiyan. Itu nga dactida nga agtalec iginan, mangnamnama tida ngarudin ito naikari dactida.

He̍briyu 7:11

Ket ito panagsirsirbi dito mangibegbeggi nga kapututan nito Le̍bi, itu to pannakaibilin nito Linteg ne̍ Muyse̍s kadiya toltoley itun. Ngem to panagsirsirbi dito kapututan nito Le̍bi, madi makakumplitu iya pannakaibilang diya toley nga awan pagkurangan da iya imatang ne̍ Apu Diyus. Itu nga uwed pekkem kasapulan tida nga sabali nga mangibegbeggi nga agsirsirbi. Ket ya masapul tida, isa mettas nga maikanatad ito panagsirsirbi nito Me̍lkise̍de̍c, nga bekken nga agten ito panagsirsirbi de̍ Arun itun nga kapututan de̍ Le̍bi.

He̍briyu 7:20

Ket idi nga mangibegbeggi nga pagnamnamaan tida itan, namaymayat ngarud. Ta uwed met to kari nga nisapata ne̍ Apu Diyus igina ito nagbalin nga mangibegbeggi dactida e̍ Apu Diyusin. Ngem dito kapututan nito Le̍bi nga gennung, ito nagbalin da nga agsirsirbi iya pagdaydayawan, awan met nisapata ne̍ Apu Diyus igida nga kari na.

He̍briyu 7:25

Itu nga awan pulus pagkurangan na ka agnanayun ya panangisalakan na kadiya umadenni e̍ Apu Diyus gapu igina. Ta igina, sibibiyag met nga mangibegbeggi ka agnanayun dactida e̍ Apu Diyus.

He̍briyu 8:6

Ngem ya kinapudnu na, nangatngatu nga unay ya panagsirsirbi nga naisaad e̍ Je̍sus ngem iya panagsirsirbi diya uwed idi nga lubung. Ta igina mettin ya mangibabaet dactidan e̍ Apu Diyus maikanatad mettas iya namaymayat nga tulag. Ket idi nga namaymayat nga tulag tida, namaymayat ngarud ngem ito non-ona nga tulag. Ta namaymayat ngamin ya nakaibangunan na, nga itu dito nikari ne̍ Apu Diyus.

He̍briyu 9:9

Ket to panagdaydayaw da itun, itu ya mangipakaemmu dactida itan nga madi ngarud umdas ya nakem diya agdaydayaw, gapu kadiya sagsagut se̍ an-animal nga idatun da e̍ Apu Diyus.

Santiyagu 4:8

Umadenni kayu ngarud e̍ Apu Diyus, ket e̍ Apu Diyus, umadenni pe̍ dakayu. Ket dalusan nu lugud ya kinadake̍c diya nakem nun, dakayu nga managbasul! Ilaylayun nu lugudin ya panangipateg nu e̍ Apu Diyus, dakayu nga agduwaduwa iya panamati nu!