He̍briyu 6:8 - Ya Baru nga Tulag

⁸ Ngem no pagtubuwan nas diya dake̍c nga rucruut nga uwed rasi da, awan met sirsirbi na. Ket kaynun no kaunget tin ya makin-ginet, ket agbanag ngas met yan nga ginet nga mapooranin.

He̍briyu 6:8 Iomraidhean Croise

Matyu 25:41

“Ket kalpasan niyan, kunen nad niya Ari kadiya uwed iya makatigid na, ‘Dakayu, umadeyyu kayu iyaken nin, dakayu nga nailunud nga toley! Mawe̍ kayu was ito agnanayun nga pagapuyan nga naisagana itun para iya diyablu se̍ dito eb-ebbonen na.

Matyu 3:10

Ngem ita, arig nga uwed met mailaylayat nga wasey yin nga maikelleng kadiya gamgamut diya kayu. Dikad pe̍ diya amin nga kayu nga madi mamisic ka nabaru, macleng da ngarud, se̍ maitemsit da iya apuy.

Matyu 7:19

Ket diya kayu nga madi makabisic ka napaw-is, macleng se̍ maitemsit ka apuy.

Markus 11:14

Ket kinunen met ne̍ Je̍sus ito kayu, “Manipud ita, pulus nga awan maibisic mu nga kanen toley yin!” kunen na. Ket nagicna met pe̍ dito adalan na to kinagi na.

Markus 11:21

Ket e̍ Pe̍dru, nalagip na met to kinagi ne̍ Je̍sus ito kayu, itu nga kinunen na ngarud e̍ Je̍sus, “Mistru, singem kad! Nacrit mettin to kayu nga igus nga nilunud mun,” kunen na.

Juan 15:6

Ket ya madi manglaglagip iyaken, maitemsit ngas nga arig mettas nga isa nga sanga, ket macrit nad ngarudin. Ket diya agten iyan nga sanga, urnungen diya toley, se̍ da ngas itemsit iya apuy, ket mapooran da ngarudin.

He̍briyu 10:27

Ket ya agten iyan nga toley nga awan namnamaen na nga pakapakawanan, ket yan nas ansing ya uwed iginan. Ta bagi na ngas ya panangukum ne̍ Apu Diyus, se̍ ya arig nga gumgumlayab nga apuy nga nakasagana ngin tasun mangpukaw kadiya kumuntra e̍ Apu Diyus.

He̍briyu 12:17

Ket malagip nu met nga ito di mabayag, tinarigagayan na manin to nikari nito ama na. Ta gabay nito E̍saw no igina kuma ya mangtawid manin ito nisukat na nga tawid na. Ngem napaay ngas met, ta awan pakabaliwan nan, orey nibrit na to napalaus nga panagad-adeng na.

Paltiing 20:15

Ngarud, to dackel nga pagapuyan, itu ya nakaipisukanin dito orey nagan na nga awan nagan da nga naisurat ito libru nga nakaisuratan diya nagnagan diya mae̍cdan ka biyag nga agnanayun.