He̍briyu 6:6 - Ya Baru nga Tulag

⁶ se̍ da latta sumina iya panamati da, ket awan ngarud makapababawi igidan iya panamati da. Ta diya agten iyan nga toley, arig nga gabay da nga ilansa manin ya Anac ne̍ Apu Diyus iya krus na, nga iyal-alyew da iya imatang diya toltoley.

He̍briyu 6:6 Iomraidhean Croise

Matyu 19:26

Ket e̍ Je̍sus, pineskan na da, ket kinunen na, “No ya toley, ket madi ngarud mabalin yan. Ngem no e̍ Apu Diyus, mabalin na ya orey nagan na,” kunen na.

Lukas 11:48

Ket iya agten iyan, ipanecnec nu dito dake̍c nga winangel dito am-ama nu itun, ket annamungan nu da met. Ta dito am-ama nu, igida met diya nangpatey kadito mammadtu itun. Ket dakayu, mangariman kayu met ita kadiya panpantyung dito pinatey da!

2 Timutyu 2:25

Masapul pe̍ nga naannad ya panagbagbaga na kadiya mangkuntra igina, bareng no e̍cdan ne̍ Apu Diyus ka gundaway da nga agbabawi, tasun maawatan da ya pudnu.

He̍briyu 10:26

Agten iyan kuma ngarud, ta ya kinapudnu na, no naemmuwan tidan ya kinapudnu maipanggep iya pammati tida, ngem guraten tida pekkem ya agbasbasul, ket awan met sabali nga datun nga pakapakawanan diya basul tidan.

He̍briyu 10:29

Ket no patey ya dusa dito nangsalungasing ito Linteg itun, di ngarud nakarkaru pekkem ya rumbeng nga dusa niya toley nga agsalungasing iya kinapudnu maipanggep iya pammati tida ita? Ta ya agten iyan nga toley, manglais met iya Anac ne̍ Apu Diyus, se̍ mangibilang nga awan pateg na ya naiyayus nga daga na, nga nangpatalged iya tulag nga pakadalusan diya basbasul tida. Ket se̍ manguy-uyaw iya siaayat nga Ispiritu ne̍ Apu Diyus nga managkaasi. Nakarkaru ngarud met ya rumbeng nga dusa niya agten iyan nga toley!

He̍briyu 12:2

Ket e̍ Je̍sus kuma ngas ya namnamaen tida, nga arig nga igina ya sisingen tida. Ta igina met ya nangariman iya pangnamnamaan niya panamati tida, se̍ igina met pe̍ ya mangtungpal. Ket e̍ Je̍sus, niturtured na met nga siaanus to pannakatey na ito krus, nga madi na linaglagip to nakaiyal-alyewwan na. Ta laglagipen na nga gennung ya pakaanggemman na nga naikari igina. Ket ita, uwed met nga tutu win nga agtugtugew iya kadayawan nga edyan, nga itu ya madiwanan niya trunu nga pagtugawan ne̍ Apu Diyus.

He̍briyu 4:14

Dikad pe̍ ipateg tida kuma ngarud nga sipapasnec ya panamati tida. Ta uwed met naturay nga Kangatuwan nga Agsirsirbi, nga mangibegbeggi dactida e̍ Apu Diyusin, nga itu nge̍ Je̍sus nga Anac na. Igina mettas ya nakapen ka langitin nga edyan ne̍ Apu Diyus.

He̍briyu 6:4

Agten tida kuma ngarud iyan, ta emmu tida nga diya toley nga sumina iya panamati da, awan lugud pagbabawiyan dan no tutu nga nakaawat dan. Ngarud, no naglak-am dan iya panangaasi ne̍ Apu Diyus se̍ iya kauwed niya Ispiritu Santu,

2 Pe̍dru 2:21

Ket ya agten iyan nga toley, nabarbaru met ya kasasaad na no madi na kuma naem-emmuwan ya nalinteg nga ugali nga gabay ne̍ Apu Diyus. Ta dake̍c met nga unay no naemmuwan na nga mona se̍ na paglikudan ngasin, nga baybay-an nan ya bilin ne̍ Apu Diyus nga naisuru iginan.

1 Juan 5:16

Ket iya agten iyan, no uwed isa dakayu nga makasingen iya kabsat na ka pammati nga agar-ariman ka basul, agpacpakaasi kuma e̍ Apu Diyus maipanggep iyan nga agbasbasul. Ket no bekken nga itu ya panagbasbasul nga agbanag ka patey, mae̍cdan ka biyag. Uwed met panagbasbasul nga agbanag ka patey, ngem bekken nga itu ya kunec nga ikararagan nu kuma.